【純愛】想要成為你的一半: 第十六章

回家後我仔細想想，呀文的方法應該行得通。 仲唔係第二個，實係咁啦！ 

 

這一天是我們第一次正式約會，不計上次吃M記和外賣的話。 

 

一起床照鏡時，我才醒覺自己的外型是多麼的落伍和頹廢，身為一個藝術家(誤)，不修邊幅是常識吧，但我竟然第一次如此介懷自己的打扮。



正當我苦苦思量該如何打扮，電視的一個人影使我靈機一動，就這樣決定，Chloe一定會對我的新造型另眼相看。

於是我找了一盒染髮劑，再稍為用髮蠟gel頭，就這樣輕易模仿了那位著名比利時藝術家的造型。

老豆也被我的新造型嚇呆了「唔撚係掛，迪布尼黎嘅喂」 

 

打扮好後，我便撥電話給Chloe。 



「喂，你記唔記得今日約左我呀？」 

「下，有咩？我唔知喎！」 

「小姐，咪玩啦，最多我請食飯喇！」 

「同你玩下啫，你話你請架，咁一陣12點銅鑼灣Sogo出面等啦~」 

「無問題！」 我已經早了10分鐘到達，想不到Chloe已經在等我。她今天的打扮跟平常沒太大分別，白色T-shirt加牛仔短褲，若隱若現的展露她姣好的身材，太正了！ 



「Hello，Chloe，咁早嘅？」 

「你都係吖。」 

「喂！賤人，你望夠未呀？」她發現我一直盯着她。 

「我…無…啊…你今日…好靚…」我摸着後腦傻笑。 

「多謝，你都唔差，不過唔知點解好似係邊度見過你呢個look，好熟口面咁。」 

「係咩，我參照一下比利時當代藝術大師 Kevin De Bruyne啫。」我把他的名字唸得很快，以免她發現。「乜de…ne話？」 

「唔重要啦，佢都唔夠我靚仔！」我單一單眼。 

「超，靚條毛！」她一臉不屑。 



「唔好講呢啲啦，你肚餓未啊？」 

「少少啦，食咩呀？」 

「行啦，陣間你就知。」 

「古古怪怪咁，唔好玩我呀！」 

「點敢呀靚女，係都比你玩啦。」 

「口花花！」我帶了Chloe到一間高級西餐廳。 

「會唔會太貴呀？」她在門外拉住我的手。 



「得啦，同你食緊係要食好啲。」 

「嗯…」Chloe對着我甜笑。 

 

我們安坐好後，有個熟悉的身影朝着我們走過來，他的眼神不懷好意，意味深長的微笑使我心頭一顫，怎麼他會在這個時候出現，拜託，你當看不到我吧，不要來找我麻煩。