【純愛】想要成為你的一半: 第五十一章

行去睇醫生嗰時，有幾下個人暈暈地咁，唔係Chloe拉住我嘅話，我應該會跌係條街度。

「捉實我啦 我驚你跌親啊」Chloe同我講。

「係…」


去到診所之後，我覺得好攰，不知不覺之間就瞓着左。

隔左陣，Chloe叫醒左我，



原來我成個人攤左係佢大脾度瞓，

醒返見到全世界都望住我地，

Chloe佢紅都面晒，喇喇淋拉左我入去見醫生。



睇完醫生就返返去佢屋企，



食少少野再食埋藥，

跟住就上左佢張床度瞓。

我好似瞓左好耐，感覺好似瞓左五六個鐘，

醒左一拎轉頭，就見到Chloe佢坐左係床邊瞌緊眼瞓，

睇嚟今日都搞到佢好攰下。



「Chloe Chloe」我走去拍下佢。

「嗯…你醒啦 有無見好啲呀 你抖多陣 我斟杯水比你先」
佢一輪嘴咁講。

「你唔洗咁緊張喎」我拉停左佢，
再捉住佢隻手放係我額頭。

「退左燒啦 我好返好多啦 你放心啦」

「係咪真㗎？」

「自己身體我好清楚 今日多謝你咁照顧我」



「咁我係你女朋友呀嘛 照顧你好應該嘅」佢抽返隻手出嚟，再企起身想行開。

「女朋友呀 唔好走住」我一野拉返佢落嚟，坐返落張床，
再一手攬住佢。

「喂 你想點呀 我未原諒你㗎」佢翹起對手，嬲爆爆咁望住我。


「我有啲好重要嘅野要同你講」

「你講吖」佢唔再用凌厲嘅眼神睥住我，望落無頭先咁嬲。

「其實你見到個女仔 佢叫Rachel
係我一個識左好耐好耐嘅朋友 可以話係我嘅青梅竹馬」



佢聽到青梅竹馬之後，個眼神有啲唔同左，

見到我定睛咁望住佢，就微微縮開左。

「佢走左去澳洲幾年 就係平安夜嗰日撞返佢
我都唔知佢突然之間返左嚟 」我繼續講落去。

「咁你地以前嘅關係係點？」


「以前Rachel係香港嗰時 佢住我隔離 我地成日一齊玩
不經不覺就鍾意左佢 但係我唔夠膽表白
所以最後都無一齊到」

「咁你而家仲有無鍾意佢？」Chloe咬着嘴唇，


雙手捉實件衫，好似好緊張想知個答案。

「呢幾年我覺得自己係放低左
之後遇到一個女仔就好快鍾意左佢」
我側着頭微微笑咁望住佢。

「咁啫係無？」

「佢返嚟搞到我有啲心煩 我有猶豫過係咪仲鍾意佢
不過最後都搞清楚左 只係內疚感令我有咁嘅錯覺
我已經無再鍾意佢」

「咁上次件事你點解釋？」