一個香港留學生在美國的生活: 喜帖

「喂喂，唔好唔記得聽日搬屋！」Aaron禮拜五一早就打嚟Office，「我幫你問Joe借咗架Minivan，你要我幾點去到Phoebe屋企呀？」「八點啦！」「咁早？禮拜六呀！」「九點，唔好再遲。」「好啦好啦！唔好煩我，公司好多嘢做！」啱啱好我個秘書攞咗今日啲信入嚟，「老闆，呢幾封係公司信，另外呢三封係你屋企嘅信。」Nikki係我新請嘅Assistant，只有19歲，啱啱讀完San Francisco State 第一年，佢響度係做Part Time，一個禮拜返廿四個鐘左右，個樣好似陳慧琳，不過就比陳慧琳靚，可能因為佢後生過陳慧琳十幾年，日日對住佢都唔錯。Nikki屋企係開乾洗店，我同Joe都攞衫去乾洗，就係咁樣認識咗佢阿爸阿媽，Nikki暑假響舖幫手，冇耐佢就過咗嚟我哋office做Part time。 

 

Nikki平時都會睇下係乜信，如果係啲廣告又或者唔需要我處理嘅，一般都唔會畀我，而屋企嘅信係寄去舊屋嘅，Nikki住近Richmond，一個禮拜會幫我攞一次信。當我準備拆信嘅時候，我發現有一個信封係粉紅色嘅，睇吓個地址，係響Rancho Cordova寄出，咁咪係大學附近！From Chu Family，我有邊個朋友姓朱呢？於是我第一時間打開封信睇下，原來係Addie同Kevin結婚嘅invitation，Addie姓張，咁Kevin應該姓朱，諗返起我都有好幾年冇見過Addie，只係耐唔中會有電話聯絡，估唔到佢咁快就結婚。婚禮日期定咗響八月八號禮拜日下午，響Downtown一間教堂舉行婚禮，之後響附近中餐館擺酒。 

 

「恭喜哂，我啱啱收到你張帖。」我好快就打電話畀Addie，「多謝！咁你會唔會返入嚟參加我個Wedding呀？」「當然會啦，你預我一個。」「得你一個人？冇女朋友？可以一齊嚟啊！」「哈哈，就我一個。」「咁到時見啦！」收線之後我睇吓Calendar，八號嗰個weekend得閑，於是我決定早一日入去瞓一晚，咁第二日去Wedding唔會咁趕，順便可以探下其他人。 



 

中午食Lunch，Joe「我八月會走十日，開車同阿爸阿媽Haley去Disney。Office就麻你睇住。」「講啲咁嘅嘢！你放心家庭樂，我攪得掂，Office又唔係得我一個人！有咁多同事。」「你細佬生仔你唔洗去Toronto探佢咩？」「冇咁快，係都只係走幾日，唔會好耐。」「你話我長氣都好，好心你快啲搵個女朋友Settle Down啦！」「又講呢啲！碰到啱自然有，呢啲嘢冇得強求。」呢個時候電話響起，Aaron「同Joe食飯？」「你又知？」「你Office個同事講咪知囉！」「你呢個時候打電話應該冇乜好嘢。」「睇吓你放工得唔得閑，去幫Phoebe買傢俬。」「你唔係咁得閑呀？我今晚約咗人食飯，要去你自己去。」「我要返屋企食呀，幫手啦！」「你真係好煩，我睇吓點先啦！」，Joe「Aaron？」「係呀，我借你架Van就係幫佢朋友搬屋。」「知道啦，唉，叫佢玩時玩，記得屋企仲有老婆同就出世嘅BB，小心玩出火。」「條友知嘅，佢就係一世夠運，有個咁好嘅老婆。」「你自己都係，玩時玩，快啲Settle Down。」