一個香港留學生在美國的生活: Phoebe（3）

「咪就係我哋畀地方佢住，佢畀我哋屌囉！」「佢淨係話做你地下女友，冇話畀你屌喎！」「做得你條女，預咗畀你屌啦！」「佢唔知你結咗婚？」「唔洗畀佢知道咁多嘢，返正佢唔揸車，住學校附近，生活圈好細，冇事嘅！」「祝你好運！」「你冇份嘅！」「我單身一個，冇所謂。」「咁聽日十點響Phoebe屋企外邊等。」 

 

Phoebe舅父響East Palo 開咗間唐餐館，專做平價鬼佬唐餐，生意都唔錯，不過工作時間長，返足七日，一早就要出去門口，所以禮拜六我哋去到嘅時候，只有Phoebe同佢表妹Natalie響屋企。Natalie係百份百ABC，一睇穿著打扮就知係比較反叛嘅Teenager，廣東話識聽唔多識講，細Phoebe四年，暑假後升讀Grade 10。 

 

Phoebe只有兩件行李加四箱雜物，好快就搬哂上車，之後就車返去Apartment。Aaron「都差唔多中午，不如食飯先，下晝返嚟𢴇屋同砌埋啲傢俬好唔好？」Phoebe「好呀！中午我請，多謝你哋嘅幫忙。」「有阿偉響度，唔洗你請。哈！」 



 

正如Aaron講，中午餐飯又點會要Phoebe埋單，我哋三個去咗University Avenue一間Italian食咗個Quick lunch就返屋企開始砌傢俬，床太大所以要等送貨，其他嘅枱呀櫃呀，全部都要自己砌，床褥就響下晝差唔多五點送嚟，Phoebe「好彩今日送到，如唔係我就要返舅父度瞓。」Aaron「阿偉屋企大把空房，你冇地方住咪去佢度囉，反正佢一個人住咁大間屋。」Phoebe「咁又唔洗，我依家可以瞓住床褥先。」講下切下，好快砌淨張書枱，Aaron「五點啦，我要走先，今晚我有約食飯，阿偉麻煩你𢴇埋啲手尾。我要下禮拜先可以再見，聽日我要去Santa Cruz 有嘢做。」Aaron今晚要陪Lisa我早就預咗，所以我都冇多講就送佢走。得返我一個人去砌張枱，需要嘅時間就要多好多，結果我用咗足足兩個鐘先砌好，Phoebe「嘩！終於砌完！可以休息！」「七點啦！食飯啦！」「砌咗成個下晝，你唔攰咩？」「OK啦！就係因為砌咗咁耐，肚餓呀！」「咁樣食乜？」「去California，嗰度有間Bistro食French唔錯。」California係大學附近另一條街嘅街名，街道兩傍有唔少餐廳，Weekend仲有Farmers Market。