一個香港留學生在美國的生活: 婚禮（1）

Winnie之後有搵過我，想約我食飯當多謝我幫手，不過我公司實在太忙，我又對佢個Project冇興趣，，結果約咗兩次都去唔到，反而Joe就同Winnie見面食飯開會。 

 

自從搬屋之後，呢段時間我基本上冇去搵過Phoebe，Aaron就差唔多日日都會去Phoebe屋企一次，只不過就未試過過夜，話哂佢始終有頭家響度，唔可以玩得太過份。轉眼就到咗八月初，北加州平均氣溫都響80F以上，Davis Sacramento呢啲遠離海邊嘅城市就更加熱！「你今個禮拜真係唔得閒？熱辣辣仲去Sacramento，有冇攪錯，我個女嘅Baby Shower喎！咁都唔比面！」Aaron響電話大叫，「我真係有Wedding要去，一早應承咗，唔去唔得！我咪送咗部Stokke比你囉！收到未呀？」「收到啦！好靚喎！不過紅色咁搶眼！」「咁女仔吖嘛，唔通買藍色咩！」「算啦！今次放過你！呀！我近排會少啲去Phoebe度，你得閒上下去啦！我唔響度你鐘意點都得。」「我冇你咁得閒，我要去自然會去！你顧住自己老婆先啦！」「浪費，真係浪費！你都出咗份錢包條女，有得屌都唔屌！嗱，下禮拜Lisa有Girls Night Out,得返我一個，我應該會去Phoebe度食飯，到時話你知。」「到時再講啦！」 

Addie同Kevin婚禮定係8/8禮拜日，我唔想咁趕，於是我提早禮拜五中午就開車入去，兩個鐘車程，去到三點啱啱好可以Check in 酒店。我求其Book咗Downtown間酒店住兩晚，位置啱啱好響擺酒間餐廳對面，打算禮拜日食埋餐飯就返返出三藩市。點解要住酒店？因為自從兩年前搬咗去三藩市之後冇耐，我就將舊屋放租，我除咗住酒店，已經冇其他地方可以住。 

 



我一早已經通知咗Addie我幾點到步，Check in 完冇耐Addie就打電話俾我「Hello阿偉，到咗未？」「到咗啦，啱啱check in 完，依家響房。你唔係應該好忙咩，咁得閒打畀我？」「好多嘢都係屋企人做哂，仲有班姊妹團，其實我冇乜嘢做，Wedding嘅時候出現就得。」「你老公呢？唔洗陪佢？」「佢屋企好傳統，話結婚前三日唔好見面喎！」「哈哈！原來真係有啲咁嘅規矩！我以為電視劇先有！」「其實我搵你係有嘢要幫手。」「得！你講！」「禮拜日擺酒間酒樓唔夠地方畀我地方嘢，我知道你住間酒店好近，想借你間房用下。」「冇問題，你有乜嘢要放？要唔要我幫手？」「唔洗，其實係幾件夜晚擺酒要換嘅衫，要搵個衣櫃放，我今日攞過嚟？」「可以呀，幾時都得，反正我冇嘢做。」「咁我食完飯再搵你？」「你晚飯有約？」「要同屋企人食，有親戚響香港嚟咗，我食到九點左右再打畀你？」「咁等陣見。」 

 

放低行李掛好套西裝，見仲未到食飯時間，於是我換咗套運動衫落去樓下做Gym，呢間酒店雖然已經係城中最好嗰間，不過同三藩市相比，仲係差好遠，個Gym只係有五百尺左右，得兩個Treadmill 同一堆啞鈴，唯一好處就係一個人都冇，我做足一個鐘先返上房沖涼。