踏入大學最後一年, Elven不想帶有遺憾,所以他很努力帶領三隊自己一手建立的teams, 希望能爭取好成績。 正當他還在研究這星期的training program時…
 
「Team Captain, 我發覺我鍾意左個女仔…」游水隊加籃球隊的隊友Jacky突然衝入了Elven房,直接訓上了Elven的床說了句。
 
「Background Information 唔該。」正在沉思的Elven回應了一句。
 
Jacky:「Annie, Year2, L-Hall, 讀緊Nursing」
 
L-Hall是一間女hall, 在C-Hall旁邊, 因為C-Hall是男hall, L-Hall是女hall, 兩者地理位置又相近, 為了讓雙方宿生有正常的社交渠道, 兩間Hall不時也會舉辦一些聯hall活動。 所謂”波可以唔打, 但女唔可以唔溝”, 就算C-Hall是新hall, 這方面宿生們還是很踴躍做攪手。 亦正因如此, 兩間hall對大家各自的宿生也會有一定認識。
 




Elven:「表妹? 幾好呀, 加油呀。 諗住點Approach呀?」
 
L-Hall有兩表姐妹, 同一屆, 表姐叫Rachel, 表妹叫Annie。 因為兩表姐妹也算活躍於宿舍生活, 加上兩者都是L-Hall籃球隊, 所以Elven算是知道這兩個人的存在。 還有一點, 其實Rachel是Elven另一個中學同學Susan的best friend, 從小在同一間教會長大, 所以是很要好朋友。 Susan知Elven和Rachel在同一間大學, 也曾經向Elven和Rachel各自提及過雙方的存在。 不過Elven當時沒有在意, 所以雙方並不算認識, 只是知道有這一號人物存在。
 
Jacky:「拎左MSN, 諗緊藉口點聊佢傾計, 所以咪黎問你意見囉。 話晒你係C-Hall情聖嘛。」
 
Elven:「食屎啦你, 我心已死, 仲邊識溝女呀… 直接D Hi下人介紹下自己囉。 佢應該都聽過你個名, 大家又打籃球, 實有話題啦。 有意思就會應你, 無意思就唔駛浪費時間啦。」
 
因為整個人太大轉變, 以至Elven的故事在C-hall裏也是十分有名。 Elven的痴情讓宿友們汗顏, 因此不時也會以此取笑Elven。
 




Jacky:「咁X直接? 有無方法刷下好感先呀? 一開波就咁直接我驚佢反感喎… 你知first impression好重要架嘛。」
 
Elven:「你條狗公~  見係你, 前排佢地個Team Captain搵個我, 問我得閒可唔可以自己或者派人去Coach下佢地。 你知佢地上年五個正選都係Yr3今年走晒, 衣家青黃不接。 我本身想推, 不過衣家衣個優差梗係益你啦。 限你三個月內要攪掂, 唔係我搵第二個去~」
 
「多謝大佬! 我即刻去預備唔會辜負你的一翻栽培!」 Jacky 講完就一臉興奮地離開了Elven房。
 
(其實有需要, 我可能仲有第二個方法幫手, 不過等佢真係攪唔掂先算啦。) Elven望著Jacky離開的背影, 心裏暗地在想。