過了數天, 這晚Elven練完體能沖完涼後發覺自己房原來已經沒有杯麵, 便到了附近的超市入貨, 突然間看見了一個熟悉的身影,定睛一看原來是Susan, 而她身旁還有另一個女孩。
 
(點解佢會係度?)
 
想了一會好不好去打聲招呼, 最後Elven還是沒有這樣做。 一來見她身邊有另一個朋友, 二來自己亦不太想和中學同學接觸。 於是他轉身付完款後便回了宿舍。
 
一踏入房電話便響起來, 是Susan打來。
 
「喂Elven, 我黎左你學校衣頭呀, 咁耐無見得唔得閒出黎食個糖水呀? 」
 




Elven: 「我沖完涼好累喇, 下次先啦 」
 
Susan: 「攪錯呀, 我咁難得過黎衣頭,下次都唔知等到幾時。 你換件衫出黎啦, 我係你宿舍樓下等你。」
 
Elven: 「好啦…你等我一陣。」
 
落到樓下, 看見Susan正在和剛剛的女仔談天, 她很快看見了Elven。
 
「Susan姐, 咁錯蕩呀…」Elven帶點不情願說道。
 




「黎開衣頭搵Friend食飯嘛, 咪順便睇下你死得未囉~」Susan還擊。
 
「介紹你識呀, 佢係Rachel呀, 我死黨, 之前咪有同你講過我有個best friend都入左你間大學嘅, 咪就係佢囉~」看見Rachel有點尷尬, Susan立即介紹道。
 
「佢係Elven, 我中學同學。 之前咪同你講我有個中同同你同一間U, 比女飛後好似人間蒸發咁, 咪就係佢囉。」之後又向Rachel介紹Elven。
 
這時Elven正式打量了一下Rachel, 頭髪及肩,大眼晴,高鼻子, 略帶點稚氣的面孔, 秀麗又很討人喜歡。 「久仰大名呀~」Elven客氣說了句。
 
「我其實都聽過你個大名唔少次架~ 好啦, 我都係陪佢等你架咋, 唔阻你地我返上去先喇, Byebye~」Rachel 笑笑口回應道。
 




之後Elven便和Susan到了樓下一間糖水鋪。
 
「你近排點呀?」Susan問。
 
Elven: 「都係咁啦。」
 
Susan: 「仲成日諗起佢?」
 
Elven: 「邊有可能唔諗…」
 
Susan: 「都一年啦。 睇佢地都過得好幸福,你都係時候要抽身喇… 大家見到你好似變左另一個人咁,都好難過…」
 
Elven: 「我都想, 但我控制唔到… 或者我仲需要幾年掛…」
 
Susan: 「加油啦。 不過有D野要靠你自己先得, 首先係你自己都真係要想脫離, 如果自己都仲成日想沉醉係過去, 無人幫到你」




 
Elven: 「我明架喇… 但唔諗, 就好似真係同佢斷左connection咁,我唔想… 算啦, 唔好講衣D。 你同Rachel 好friend? 專登入黎咁遠搵佢食飯。」
 
Susan:「係呀, 我閨密黎架。 我地返同一間教會, 好細個己經識佢lu。 不過佢近排好似好忙, 都無返教會咪黎探下佢囉。 我同你講, 佢好叻架, 人又好讀書又勁, 有時都唔明點解佢會同我friend。」
 
Elven: 「咁我估佢性格應該都係同你差唔多掛,都係咁kai!」
 
Susan: 「衣點我認, 佢個人都好好笑架~」
 
Elven:「咁你識唔識Annie?」
 
Susan: 「識呀, Rachel表妹。 佢都有返教會, 不過我同佢就唔熟。」
 
(Sorry喇Jacky , 睇黎暫時幫唔到你索料… ) Elven暗地裏在想。