如是者又過了數星期。 縱使Jacky做了L-Hall籃球隊的coach, 但他追求Annie的命途卻不怎樣順利。
 
「Team Captain 救我!」Jacky又衝入了Elven房呻道。
 
Elven:「點呀, 做咩溝女溝到咁慘呀?」
 
Jacky:「我唔知點做呀, 聊佢講野好似都成日好快end topic, 覆我又成日好慢, 我又驚自己太Chur,無從入手呀…」
 
Elven:「你對佢認識其實有幾深呀? 知唔知佢多D background或者有咩興趣? 會唔會已經有男朋友?」
 




Jacky:「我都唔太知呀, 同佢d fd又唔熟,一星期先coach得1次, 進度好緩慢… 不過聽聞應該無男朋友。」
 
Elven:「可能都真係需要D線人幫下手, 唔係你亂咁黎, 印象一差比人直接關門就好難攪。 你快D諗計混熟佢d 隊友啦, 知己知彼先百戰百勝。」
 
Jacky:「我再努力試下啦…」
 
這晚Elven難得沒怎樣忙, 沖完涼便躺在床休息。 突然諗起Jacky, 然後又醒起Rachel。
 
(作為兄弟係咪應該幫下佢呢…)
(自己得唔到幸福, 都想兄弟得到幸福…)




(一陣佢心情影響到佢練習表現就唔好啦, 佢嘅表現對我地好重要,,,)
 
Elven思考了一會, 便落床打開了電腦。
 
「Hi 我係Elven呀, Susan中同, 果日見過你架呢~」從Susan處拿到Rachel的MSN, Elven很快便send了他們的第一個對話給對方。
 
 
「Oh hihi!」5分鐘後Elven收到了Rachel的reply。
 
Elven知道和Rachel不熟悉的情況下, 她不太可能會爆甚麼料給自己, 若太早打草驚蛇可能還會害了Jacky, 所以不可以一開始就單刀直入, 還昰要和Rachel混熟一點才行。而和女仔最快混熟的方法通常也是八掛野。




 
Elven:「原來我同你除左Susan都有D common friend架喎。」
 
Rachel: 「係? 仲有邊個? Jacky?」
 
Elven:「佢固然係啦, 有D中同都見過你。 有時Susan會同佢D中同互相返下大家教會, 好似Martin呀, Gigi呀, 都見過你。」
 
Rachel: 「oh yes! I 我記佢地呀! 世界真係細! haha」
 
Elven:「同埋我同你其實仲有一個好特別的關係架。」
 
Rachel: 「???」
 
Elven:「你知唔知我個best friend同你個best friend曾經有過一d野?」
 




Rachel:「邊個? Paul?」
 
Elven:「係呀。 果陣佢迷戀左你個fd好耐, 曾經都好接近, 不過最後都無一齊。」
 
Rachel:「我都有聽Susan講過, 係好可惜, 到底果陣阿Paul做咩架?」
 
他們的話題就這樣打開了。 互補完男女各方面的訊息, 整個故事總算拼回出來。 只能說是命運弄人, 一個誤會讓這段正在萌芽的愛情快速步向了死亡。 之後Elven又說了不少Susan在學校的趣事, 讓兩人的距離火速拉近。 隨著大家開始熟絡, 對雙方的認識亦越來越深, 然後又引申更多的話題。 慢慢地, 他們竟成為了能無所不談的朋友。 閒來無事, 大家都會互相hi下對方傾計。 當然, Elven沒有忘記自己一開始的目的。 間中, 他都有不露痕跡地嘗試幫Jacky收風。