Elven: 「你係咪有個表妹同hall?」
 
Rachel: 「係呀, 你又知嘅?」
 
Elven: 「我地兩間hall咁多交集, 點都收到D消息嘅。 Jacky又coach緊你地team。」
 
Rachel: 「你同Jacky好熟?」
 
「熟呀, 佢係我水隊同籃球隊重要主力黎架。 好多時都會同佢傾練習D野, 慢慢就變左兄弟。 今年食粥食飯靠佢架喇!」有機會Elven當然襯機幫Jacky 落藥, 讓Rachel有好印象,將來和Annie 講起Jacky也會是positive。
 




Rachel: 「不過感覺佢cool cool地。 我地有時都唔敢太同佢講野。」
 
(下? Jacky cool? 佢Kai架喎。 頂, Jacky你攪乜呀? 又話努力同Annie d 隊友混熟? 你走去行cool路線?) 
 
Elven聽到後震驚了一下, 然後腦海中暗罵了Jacky幾句。
 
「可能佢同你地未熟,對女仔又有D避忌掛 ,男女授授不親嘛~」Elven只好快速幫Jacky 補鑊, 然後繼續為佢塑造正人君子形象。 不過突然, 他明白Jacky可能其實是自己怕醜, 因為對於溝女, 他真的只是新手一名。
 
Rachel: 「可能啦, 不過我地今年都好唔樂觀, 上年主力走晒… 我今年都要努力爭正選!」
 




Elven: 「你打咩位架?」
 
Rachel: 「PG呀。 有個其實身高技術都好過我的year3隊友, 好難爭。 不過佢Sem2可能去exchange, 所以未必打到。」
 
Elven: 「咁快認輸? 佢去唔去都好, 你都要有火爭嬴佢! 諗下佢有咩好過你的地方你要學習收窄距離, 有咩你好過佢的地方要繼續放大。 打波有時唔係淨係講技術, 思考都好重要架。」
 
Rachel: 「知道! 差D唔記得左你都係打籃球, 仲係Team Captain!」
 
就這樣, Elven在開始在過料給Jacky之餘, 間中也會問下Jacky Rachel練習的表現如何,有機會就會提點一下Rachel。 Jacky 知道了Elven和Rachel的關係後也沒特別奇怪, 只是很不要臉地不斷問Annie的資訊。 每次當Elven想起那天他告訴Jacky Annie真的沒有男朋友後他心花怒放的樣子,仍是會哭笑不得。 不過得到資訊裝備的Jacky, 在和Annie溝通上確實更得心應手。 至少 Annie不會再一天才回一次message, 而且還會開始和他分享自己的事情。
 




日子慢慢過去, Rachel 和Elven的對話亦開始由既定題目, 演變到每日發生的鎖事。
 
「救命呀,衣個月超多tests + assignments呀!」這日Rachel在和Elven呻苦。
 
「係喎 ,見你近排好似都好忙… 唔緊要 等我比D正能量你講個秘密你聽啦~ 其實每次我遇到好多野做好煩覺得好frustrate果陣, 我都會安慰自己, 只要逐少逐少做, 就算每次完成1%都好, 都會距離目標近左, 只要堅持落去總有一日會完成嘅! (如果無timeline 的話XD)」 Elven嘗試鼓勵Rachel。
 
Rachel:「哈哈, 你真係好正面,多謝你呀!」
 
「話時話, 成日見你係hall,邊有時間陪男朋友呀?」 其實Elven不知道Rachel有沒有男朋友, 暫時他們亦沒有傾過這方面的話題,所以正好乘機八掛一下。
 
「其實都真係無乜時間… 有時可能星期六日囉, 但都係一大班人多。 近排佢都有怨我成日好忙咁…」Rachel答道。
 
「唔同大學, 大家文化圈子唔同, 有時係難理解D。 不過好彩係你唔係佢忙, 你知女仔好易亂諗野架嘛, 男仔相對無咁要人陪。」Elven有點有感而發回應道。
 
Rachel:「都係嘅…」




 
然後Elven知道了Rachel的男朋友也是她從少認識的教友。 不過真正在一起,也是比較近期的事,那時一齊的時間還不到一年。
 
「話時話, 有D野你係咪應該對我坦白喇?」 Rachel 突然話題一轉。