第二天Elven一下課便趕到體育館看Rachel的處子戰。 去到比賽剛開始不久, Rachel 那隊正以6:10落後緊。 對手其實並不強, 不過明顯Rahcel甚至其他隊員都有點緊張, 不是反應慢了拍就是傳失波。 到第一節完結己經落後至8:16。 休息期間, Jacky嘗試努力鼓勵她們, 不過大家看似也不太聽得入耳。
 
這時Elven故意走到一個Rachel 能看見自己的位置, 然後示意她深呼吸, 再做了一個fighting的動作。 Rachel看見Elven後, 深呼吸了一口, 然後臉上出現了一個微不可察的笑容, 感覺像是放鬆了不少。
 
第二節一開始, 對手便射入了個3分波。 不過Rachel並沒有氣餒, 她一個突破帶入了中圈引了地方中峰出來後夾擊, 然後一個妙傳傳給了突入籃底的隊友, 輕鬆取回2分。 然後藉著對方失誤,她又堵截了對方的傳球,  一個長傳讓隊友快攻得分。 這兩球改變了比賽形勢,她們整隊都越來越集中,開始展露出原有的實力, 慢慢收回失地。 完場前Rachel一記冷箭3分讓她們最後以45:40反勝。 完場後, 因知道她們之後還要醫波,  Elven走到Rachel 旁和她擊了一下掌, 說了句「叻女」後, 便離開返回hall了。
 
當晚
 
Rachel: 「Yeah~ 點解你今日會黎嘅?」
 




Elven: 「落堂無野做咪黎睇下你打成點囉。」
 
Rachel: 「好彩你有黎咋,見到你個fighting kai樣後我真係定左好多, 唔係都唔知最後可唔可以反勝。 最後coach同隊長仲讚我打得好! 多謝你呀~」
 
Elven: 「哈, 邊關我事呀。 你地打返自己原有水平啫。 不過之後直至決賽我先會再黎睇lu。 所以想我再睇你地就比心機殺入決賽啦~」
 
Rachel: 「無問題! (勾手指尾)」
 
 
時間又過了一個星期。




 
 
Rachel: 「今晚我會見男朋友, 希望我地的問題可以解決啦…」
 
Elven: 「一定無問題嘅, 最緊要大家心平氣和解決問題。」
 
Rachel: 「但其實我地唔係鬧交…只係真係好多時, 大家都無野講」
 
Elven: 「大家生活圈子太唔同, 我其實同D中同都少左好多野講。 同埋佢可能有時係累啫…」
 




Rachel: 「可能真係累啦…唉, 好驚呀…」
 
Elven: 「傻瓜, 男朋友黎架嘛, 點會驚架, 一定可以解決!」
 
Rachel: 「希望啦…」