數天後,當Elven正在冥想明天籃球比賽的情況時, 突然收到Rachel的MSN。
 
Rachel:「師傅你好勁呀!」
 
Elven: 「???」
 
Rachel:「佢岩岩主動搵返我喇! 仲係咁同我講sorry話唔應該發我脾氣同埋會努力改善做得唔好嘅地方。我地無事lu~」
 
Elven: 「都話架啦, 無點你呀~」
 




Rachel:「嗯嗯! 多謝你呀! 好開心~」
 
Elven: 「睇你笑得咁開心就知你有幾鍾意你男朋友啦。」
 
Rachel:「我都唔知呀,不過我真係想像唔到有日如果同佢分左手會點…」
 
Elven: 「傻瓜,無啦啦做咩要想像? 你咁好佢邊會捨得同你分手呢~」
 
Rachel:「哈哈! 無錯! 好啦, 我要去上堂喇 遲D再傾 byebye~」
 




 
轉眼間,C-Hall 的籃球比賽亦正式展開。Pool 賽第一場對手的實力並不強, C-Hall在Elven帶領下輕取對手60:28。 打中鋒的Jacky在新女朋友Annie 支持下如有神助,拿了12個籃板和16分做出double double的成績。作為得分後衞的Elven刖取了30分和交出10個助攻,完全主導了比賽。
 
Rachel:「你今日好勁呀!」
 
Elven: 「你有黎? 我都無留意添。」
 
Rachel:「徒弟仔梗係要黎支持師傅比賽啦~ 不過因為約左男朋友,我睇完第三節就走左了~」
 
Elven: 「一睇就知你係有異性無人性果D人啦~」




 
Rachel:「咩喎! 咁見你地都領先緊咁多,而且你都無發現我唔駛我支持啦…」
 
Elven: 「講笑咋~ 我地Pool賽對手都唔強 ,入四強應該無咩問題。」
 
Rachel:「有你同Jacky,要Champ完全無難度啦~ 放心,決賽我一定會黎睇足全場!」
 
Elven: 「哈哈! 做咩抄我? 咁大家一齊努力入決賽!」
 
Rachel:「YES!」
 
接下來的比賽,L-Hall越夾越熟打得越來越好,雖然有驚但還是無險地進入了決賽。不過這時,因為知道入了決賽,本身去了exchange的正選 year 3 PG決定回港幫hall打決賽。到底應該用她還是Rachel打決賽,暫時還沒有定案。 至於C-Hall,上年成績平平,今年卻像脫胎換骨,Elven和Jacky這對一內一外的組合,讓其他hall忌諱非常。不過眼看就快能進入決賽的時候Elven在一球剷籃中落地踩到對方球員的腳拗柴, 被逼在比賽最後10分鐘離場。幸好因本身領先了十多分,再加上Jacky支撐大局,C-Hall最後還是能守著勝果進入決賽。只是,這刻連站立也有困難的Elven能不能趕及一星期後的決賽前傷癒復出卻還是一個謎。 若果沒有Elven,不要說嬴, 本身能殺入決賽也根本不可能。
 
知道事關重大,比賽一完Jacky便背著Elven立即衝去了附近一個街市找傳說中的跌打神醫。
 




Elven: 「師傅,我下星期仲有場決賽要打,有無可能可以好得切?」
 
神醫: 「你傷得都幾嚴重,不過下星期要趕比賽都唔一定唔得,只係你要好忍得痛喎,得唔得?」
 
Elven: 「沒問題! 只要趕得切,幾痛我都頂到。 如無意外,下場會係我最後一場籃球比賽了…只差一步,打唔到我會抱憾終生架…」
 
神醫: 「好啦,我即管盡下人事。我要捽散晒D瘀血再敷藥先會好得返,所以中途你會好痛。嗱,咬住佢啦,乾淨架」
 
接過師傅遞給他的毛巾,Elven心知不妙,不過還是咬緊牙關強忍下來,雖然最後全診所還是能清楚聽到Elven的哀鳴…
 
 
「師傅仔,你受左傷?」回到hall 艱難地沖完涼後,Elven收到Rachel 的SMS。
 
Elven:「係呀,拗柴…你又知嘅?」
 




Rachel: 「Annie講架,嚴唔唔重呀?」
 
「未算最差情況嘅,希望趕得切決賽可以復出啦… 黎緊日日要去受刑…」Elven把神醫的說話轉述給了Rachel。
 
Rachel: 「好慘呀…聽見都覺痛! 希望有用啦」
 
Elven:「有無用要過幾日先知喇我估… 你又點呀? 聽Jacky講原本的正選返左黎打決賽喎…」
 
Rachel: 「係呀… 隊長話要睇幾課練習先決定到」
 
Elven:「比心機啦,唔好認輪,記唔記得我之前同你講過D咩呀?」
 
Rachel: 「梗係記得啦! 我會比心機學佢D好野再加強自己D好野! (火火ICON)」
 
Elven:「乖喇, 加油!」