Elven其實對這晚自己的所作所為並沒有記憶,當他發現自己闖下的大禍時,已經是第二日黃昏的事。當他正想send SMS給Rachel的時候才發現自己昨晚的「惡行」 。心裏暗罵了自己一聲 ”今次仆街了” ,然後Elven發現Rachel並沒有任何回應… 這讓他更加糾結。一方面害怕解釋會越描越黑,另一方面又期待想知Rachel的回覆,結果想了很久也沒有結論,Elven決定索性甚麼也不做等Rachel回覆了再作打算。
 
等了一天,兩天,三天,正當飽受煎熬的Elven已經打定輸數要失去Rachel的時候,到第四天他終於收到Rachel的回覆。
 
「Sorry呀咁遲先覆你,因為我都好糾結應該點做。 其實你對我係點,或多或少我都唔係完全感覺唔到,不過我一直以為你知我有男朋友,大家已經有共識可以繼續做朋友,Sorry係我處理得唔好。其實衣大半年,我真係好開心識到你衣個好朋友架,你比左好多鼓勵我,意見我。基本上我衣家有咩開心唔開心,其實都會諗起你想同你講,同你相處好開心好舒服,而且你比我果種信心暫時係無見他人比到我,基本上你講嘅說話同意見,我都會盲目咁相信,我幻想到無左你衣個朋友,我會有幾唔開心…
但另一方面,我又好驚我地繼續咁會比左個錯誤信息同假希望你,你已經被傷害過一次,我唔想你再受第二次傷害呀…所以雖然好唔捨得,但我唔可以咁自私。我估我地以後都係保持返距離好D? 對唔住…」
 
雖然都早有心理準備,但Elven看完Rachel 的答覆還是感到萬分失落,或者是之前始終還能有一點盼望Rachel對自己不是沒感覺,又或是他很不希望要失去Rachel這個好朋友… Elven沒有回覆Rachel,因為他覺得自己也需要冷靜一下,重新審視自己的感情,找出自己到底想要甚麼。
 
一星期慢慢過去,這星期Elven並不好過,當失去了他才明白原來Rachel不知不覺間在他心中已經建立了一個很重要的位置,他習慣了每天能和她談天,分享生活的日常,又或是純說無聊話題無聊一餐,加上所有比賽已經完結再沒有練習,他的生活一下子空閒了下來,讓他有更多時間想起Rachel和Ada。




 
「也許過去了的就應該讓他過去,不要再執著了…」 慢慢地,他開始認清了自己的感情,並作出了決定。
 
 
 
 
「Dear Ada,
 
不知不覺間,原來這已是第600封信,這600日,你有無想起過我掛念過我? 我相信是有的,不過次數應該兩隻手數得完? 這代表你和Sam應該過得很幸福吧…
 




講個好消息你知呀,係今日我決定左係時候要接受你唔會再返黎我身邊衣個事實放手喇 ,所以衣封會係我最後一封信,雖然可能你衣世都唔會知衣600封信的存在…
 
不過可能是覺得彌補了之前對你的虧欠,又或是覺得自己已經盡了力去嘗試挽救這段感情,我其實蠻喜歡做這些很多人覺得很愚蠢的行為,喜歡這個愚蠢的自己… 雖然我還會後悔和內疚,對你還是充滿了不捨,但正因這600日的種種,讓我覺得我都可以挺起胸膛放手了…就好像儲左600日氣,最後終於出到大絕一樣…
 
我無同你講我近排其實慢慢發覺自己喜歡了Rachel,而且感覺越黎越強烈… 雖然我唔知將來會點,亦唔係要追佢, 不過我終於明白覺得自己都應該要有個決定,只有決心放低你,我的人生先有可能繼續行落去…所以
 
對唔住 我遵守唔到承諾等你一輩子
多謝你在我生命中出現 給予我一段永世難忘的經歷和回憶
 
我唔知衣世仲有無機會見到你,但我真心希望你以後都會幸福快樂。再見了,我的初戀…




 
愛你的Elven」
 
寫完這封信,打完最後一篇沒有Ada的日子,Elven用了三天沉澱和平伏自己的心情,然後他send了一個message給Rachel。
 
「應該係我講Sorry至岩…果晚飲醉左都唔知自己做左D咩… 你唔好放係心上面呀。 係,我承認我近排發覺對你有感覺,不過我本身真係無諗過同你講,亦無諗過做D咩…因為我知你有男朋友,亦都好珍惜同你的關係,而且我根本未放得低自己個Ex…只係果晚真係酒精上腦傻左…
 
放心啦,我好知自己做緊咩架,雖然我知好難,但我會控制好自己,好似以前咁當你只係好朋友,希望唔會因為咁大家連朋友都做唔成啦,因為我真係唔想咁無左個同自己咁夾咁好傾的朋友… 不如大家都忘記左果日個message好唔好? 不過如果你真係介意或者覺得唔適合,我都會理解和明白。
 
Sorry呀,令你難堪了。」
 
沒多久,Elven便收到Racehl的回覆
 
「咁就好了! 講清楚就無事喇。我都好唔想無左你衣個好朋友架~ 但我更唔想因為自己令你唔開心,如果你覺得ok 我當然無問題啦~」
 




Elven: 「好呀,咁我地當粉筆字抺左之前不快嘅野啦~」
 
就這樣,Elven和Rachel彷彿又回到以前的關係,差不多每一天也會有聯絡。不過Elven能感受得到Rachel自此明顯減少了提起自己男朋友的事,亦再沒主動約過Elven外出了。