Elven的大學生涯,轉眼間只剩下最後一個月,由於不用再每天練波,Elven終於能盡回一個學生本份,為了能順利畢業,他必先完成自己的FYP,然後再應付最後一次的考試。由於FYP之前的進度嚴重落後,負責他的professor 亦曾多次表達不滿,為了追回進度Elven這數星期大部份時間也是在Lab裏渡過,他不求高grade,只求能完成並合格。皇天不負有心人,經過數星期努力最後總算能完成。在交完Report放下心頭大石後,Elven第一件事便是回hall睡覺。
 
睡了差不多一整天後,Elven睡醒不久便發了一個訊息給Rachel。
 
Elven: 「我連續訓左二十個鐘… 破左人生紀錄」
 
Rachel: 「因為你之前大辛苦~ 好彩總算完成,恭喜恭喜!」
 
Elven: 「我寧願練20個鐘波都唔駛再做衣D FYP…」
 




Rachel: 「哈哈! 因為你係一個運動員嘛~ 係喎,我岩岩都應承左接任黎緊籃球隊的team captain喇。」
 
Elven: 「勁呀!恭喜晒! 下年返黎睇你Champion呀~」
 
Rachel: 「哈,希望得啦 我好淆底呀, 今年Champ下年更大壓力…」
 
Elven: 「唔駛淆喎 ,仲有成年時間, 比D信心自己, 大家揀得你就係信任你!」
 
Rachel: 「就係驚令佢地失望呀…」
 




Elven: 「做咩咁無自信呀? 你仲有我衣個免費師傅顧問嘛!」
 
Rachel: 「係喎! 不過你都好快走啦… 」
 
Elven: 「唔再係hall唔代表理唔到你嘅。等我同你先上第一堂課啦~ 你覺得作為隊長最重要係D咩?」
Rachel: 「首先要勁 ,比到信心隊友?」
 
Elven: 「衣個都重要,不過對我黎講,我覺得最重要係motivate到自己隊友,只要你motivate到佢都有同你一樣想嬴的goal,佢地自然自己都會努力,諗盡辦法去嬴,咁就自然事半高倍喇。當然,點先可以motivate到佢地,就真係睇你功力喇,要了解佢地每一個性格同特點,,例如有D人鍾意比人讚,有D人好唔服輸,有D人重感情,有D人重物質,有D人要有壓力,了解佢地每一個你就會容易D去motivate佢地。」
 
Rachel: 「明白!不過感覺好難…」




 
Elven: 「仲有時間,唔好比咁大壓力自已。同埋襯衣段時間未係好忙,先努力提升自己實力,因為之後你就要花好多時間係管理條team,諗戰術同訓練program衣D麻煩野,自己係無乜時間再提升自己實力架喇。」
 
 
Rachel: 「係喎…多謝你呀!我真係要比心機先得!」
 
Elven: 「最緊要keep住有火!」
 
Rachel: 「有你衣個咁有經驗的師傅照住,應該無問題嘅,話晒你都係奇蹟隊長~」
 
Elven: 「咩名黎架…」
 
Rachel: 「你帶領足球隊打低成隊都係u team的W-hall champ喎~ 仲唔係奇蹟?」
 
Elven: 「好彩啫… 係喎! 話時話,你好似差我D野未兌現喎~」




 
Rachel: 「仲諗住你會唔記得添! 不過關於睇戲,你仲想睇? 我驚你誤會呀…」
 
Elven: 「你都講到咁仲點會誤會呀? 朋友都可以去睇戲架嘛,唔好搵藉口走數啦~」
 
Rachel: 「比你發現左添 =P 咁你想睇咩戲呀?」
 
商議了一段時間他們便相約了翌日大家放學後在Campus等然後打的到數碼港的戲院。雖然口裏說不會有任何行動和誤會,但Elven心裏還是感到緊張和興奮,出門前有特意打扮過一翻,然後又會幻想若果看戲時突然捉著Rachel的手不知她會有甚麼反應。當然一切都只是他自己FF而矣,始終女方已說得那麼清楚,再做這些行為恐怕真的朋友也不用再做了,Elven覺得自己輸不起。
 
在Campus等了分鐘,Elven便看見Rachel。普通T裇,黑色牛仔褲,看起來她跟平常差不多,並沒刻意打扮。不過Elven也不在意這些,互相say hi後他們便搭的士到戲院。他們看的是一套喜劇愛情片,整套戲Elven看得並不算太專心,他更多focus放在了Rachel身上,不過Rachel卻只是專心看戲,間中和Elven會討論兩句。時間一秒一秒過去,當套戲播映了接近三分之二的時候,Rachel的電話震動,是她男朋友打來。第一次她並沒接聽,但緊隨著很快便震第二次,她意識到可能有急事所以還是起身接聽了。
 
「Sorry呀 ,我男朋友比賽整親可能要入院 ,我要走先喇…」回來後Rachel一臉抱歉細細聲地告訴Elven。
 
「佢無事嘛? 唔緊要咁你快D去睇佢啦。 駛唔駛陪你出返去?」Elven回應道。
 




Rachel: 「唔駛啦 ,你睇埋套戲先啦~ 套戲幾好睇呀,你今晚要話返結局比我聽呀! 咁我走先喇bye~」
 
Elven: 「無問題,咁你有咩update我啦, bye~」
 
Rachel走後,Elven終於能很專心看畢整齣戲,只是已經再沒有喜劇的感覺。
 
走出戲院,Elven發覺自己也有一個miss call。 聽回留言,原來是之前報的工約他面試。是啊,大學生涯要完結了,轉眼間便要投身社會工作,這讓Elven更有一種滄涼傷感的感覺。
 
我愛的人 不是我的愛人
她心裡每一寸 都屬於另一個人
她真幸福 幸福的真殘忍
讓我又愛又恨 她的愛怎麼那麼深
我愛的人 她已有了愛人
從他們的眼神 說明了我不可能
每當聽見 她或他說 我們




就像聽見愛情 永恆的嘲笑聲