「終於返到hall喇,套戲最後點呀?」當晚Rachel MSN Elven。
 
Elven:「最後男主角梗係成功用計氹返女主角大團圓結局啦~ 你男朋友點呀? 無事嘛?」
 
Rachel: 「遲D等我上網睇返後半部先~ 佢照過骨無事呀,係拗柴要抖返兩個星期囉,男人一打波都係咁搏唔錫身…」
 
Elven:「咁就好! 咁比賽梗係要訓身D架啦 ,你自己幻想下你下年interhall會唔會好錫身咁打喇?」
 
Rachel: 「係係係 你岩~ 咁你最後食左咩?」
 




Elven:「無呀,得自己一個返左hall食杯麵咋」
 
Rachel: 「呀….sorry呀! 下次請你食飯補返數呀」
 
Elven:「咁你都唔想嘅,不過如果真係想補償我,都真係有個機會~」
 
Rachel: 「咩?」
 
Elven:「你有無興趣去ball? 我地每年學期尾都會同另外幾間hall一齊攪個ball,要帶女ball partner呀…」
 




Rachel: 「ohhh 我聽Annie 講過。 不過咁又好似唔太好,我驚惹人誤會呀…」
 
Elven:「識你嘅都知你有男朋友啦~ 我又唔會誤會… 不過如果你覺得唔舒服就由佢啦,其實我原本都諗住唔去…」
 
Rachel: 「點解呀? 最後一年好可惜喎…」
 
Elven:「無partner我又唔想格硬搵… 我衣家都無咩女仔friend所以先問下你,上年我都無去…」
 
Rachel: 「嗯… 如果你唔會誤會,我都可以陪你嘅,等我唔駛再為今日放你飛機而內疚嘛~ 同埋最後一次我都希望你可以參與多D hall的活動,唔好留有遺憾! 而且Annie都會去我應該唔會悶嘅~」
 




Elven:「哈哈,又未會去到遺憾咁誇張掛… 咁我預定你明天報名架喇 , 多謝!」
 
Rachel: 「你請我去ball我多謝你至岩~」
 
若果不是Rachel,Elven是絕對不會參加這個reunion ball。兩年前的ball碰巧是在復活節,所以那年Elven能和Ada攜手參與,留下了一段那時甜蜜現在痛苦的回憶。這亦是為甚麼上一年Elven亳不猶疑選擇缺席。至於今年,他願意參與的原因當然是因為Rachel願意當他的partner,他希望自己和Rachel也能製造多一點屬於他倆的回憶。那天Racehl的中途離開, Elven表面上沒甚麼事,但心底其實是十分失落。隨著對Rachel越陷越深,他也越來越介懷她有男朋友這事,而一次又一次的不快樂亦讓他開始產生一些其他的想法,他開始想要更多。當然,這一切Elven只能藏在心中,因為他知道這些想法一旦讓對方知道,他們就不可能再做朋友,然後他又會再次跌入那痛苦的輪迴。
 
以後別做朋友 朋友不能牽手
想愛你的衝動 我只能笑著帶過
最好的朋友 有些夢 不能說出口
就不用承擔 會失去你的心痛

 
考完了所有試後,終於到了這ball的日子。比約定時間早了15分鐘,Elven便已在Rachel的hall樓下等著,因為他覺得這場合男孩等待女孩也是約會的一部份。當他看見Rachel後,他不敢相信自己的眼睛。Rachel一身黑色露肩長裙配上紅色的高跟鞋,而悉心打扮後的她少了平時那份稚氣,多了一份驚豔和高貴的氣質,那一刻Elven更加羨慕Rachel的男朋友能擁有這樣的一個女孩。
 
「嘩 你今日真係好靚呀!」Elven 亳不吝嗇自己由衷的讚賞。
 




Rachel: 「哈哈 ,多謝! 會唔會化得太衡呀?」
 
Elven:「唔會呀,真係好靚!」
 
Rachel: 「真係識講野呀下~」
 
所謂的ball其實有點像中學時代的謝師宴,就是大家都盛裝到酒店出席的晚宴。由於Elven和Jacky同枱,所以Rachel和Annie能坐在一起,整晚氣氛不會有悶場。說起Annie,她和Jacky仍處於蜜月期恩愛非常,而因為Jacky的關係,她自然亦知道Elven喜歡Rachel這事。有感於Elven有份幫手撮合自己和Jacky,加上Jacky亦會間中幫Elven講說話,又告訴了Annie Elven和ex的故事,所以Annie對Elven印象十分不錯,加上她一直覺得Rachel男朋友對Rachel並不是太好,所以她雖然明面上不會做甚麼,但暗地裏有需要時還是十分願意幫Elven一把。
 
Ball的中段開始,便會開放舞池讓人跳舞,對於也是他們第一次的Jacky和Annie,他們很踴躍出去跳舞。而也許是怕尷尬,Elven和Rachel則只是坐在位上傾計,間中討論下Jacky和Annie的舞蹈。
 
跳完了一支舞,Annie 突然回來把Rachel捉了出去一起跳,而隔了一回Jacky同樣把Elven捉了出去。
 
「嗱,做兄弟算係咁喇,之後就你自己把握機會喇~」Jacky靜俏俏在Elven耳邊說了句,然後便走到Annie旁主動把她搶回來。
 
「噢, 我要同Jacky跳了,反正都出左黎, Elven你代我同Rachel跳埋隻舞佢啦~」Annie作勢把Rachel推到Elven面前,然後把抱著Jacky繼續沉醉於他們兩個自己的世界之中。




 
望著一臉尷尬的Rachel,Elven說道「都出左黎,我地都跳下啦,唔係唔似去ball架嘛~」
 
也許是害怕拒絕會讓情況更尷尬或是會傷害到Elven,Rachel略一遲疑便答道「好呀。」
 
作為波牛,Elven其實並不太會跳舞,不過順著拍子慢慢一步一步跳的基本動作,他還是能勉強應付。
 
Rachel把左手輕輕放在Elven的肩膊上,而Elven則把右手放在Rachel的纖腰上,然後他們的另一隻手十指緊握,慢慢順著音樂的節奏一步一步的移動。這刻,Elven的心跳得很快很緊張,望著Rachel,他很希望這首音樂永遠不會完,時間能夠永遠停留在這一刻,他很希望自己能永遠和這女孩在一起… 而感受者Elven 灼熱的目光,Rachel並沒有迴避,只是用一個很柔和的眼光回望著Elven,沒人知道Rachel這刻在想甚麼,他們彼此亦沒有再說話,只是靜靜地享受著這一刻…
 
可惜音樂總會完,當音樂靜止,Rachel首先回神過來,她鬆開了手然後說了句「跳完喇 ,返去咯~」,便轉身走回自己的坐位上。望著Rachel的背影,Elven知道自己永遠也不會忘記剛剛的數分鐘。
 
隨著晚會曲終人散,Elven再不捨得在送Racehl回到hall後還是要和她分別。在hall 樓下
 
「多謝你邀請我呀~ 我今日玩得好開心!」因喝了酒而臉略帶點紅的Rachel對Elven說道。
 




「我都好開心呀! 多謝你肯陪我~  我估我以後唔會再一聽見ball就諗起D唔開心野嘅喇,你返到去早D休息啦~」Elven又習慣性把手輕輕放到Rachel頭上拍了拍說道。
 
就在Elven講完再見打算轉身離開的時候,Rachel突然行前了一步並把嘴唇輕輕在Elven的臉上點了一點,輕輕說了句「傻瓜,多謝你呀,byebye~」然後便頭也不回轉身直接走入了宿舍,剩下一臉驚呆的Elven企在原地…