這晚,Elven和Rachel在零晨時分乘的士到達了東壩,他們比日出時間早到了兩小時,打算坐下一邊聊天一邊等待著日出。
 
「我知你專登約我出黎等我散心,多謝你呀。」坐在東壩的路邊上,Rachel首先說道。
 
Elven: 「你諗多左喇,我純粹真係想睇日出搵你陪我咋喎~」
 
「車~」Rachel當然知這不是事實。
 
Elven: 「信我啦,所有野都會過去的,可能好快你會搵到個更加好架呢~」
 


Rachel: 「我到衣家其實都未接受到真係分左手衣個事實…」
 
Elven: 「咁話晒都一齊左咁多年,點會咁快接受到。不過時間會幫到你,你睇下我果陣傷得咁重衣家都無事啦~」
 
Rachel: 「係咪真係無晒事? 你仲會唔會諗起你個ex?」
 
Elven: 「咁間中都實會諗起,始終佢係我生命中真係佔有一個唔少的部份,同佢的經歷已經成為左自己的一部份。係遺憾唔可以一齊去到終點,不過我已經放低晒lu,就算對果個男仔,我都再無半分恨意。」
 
Rachel: 「真係? 你真係好犀利好大方喎。」
 


Elven: 「衣家諗通左,其實由佢去外國讀書一刻開始,衣個結局都早已註定左啦,就算無個男仔,遲早都會有其他問題發生,分手係無可避免。當然,唔再嬲個男仔唔代表可以同佢做返朋友,因為已經無可能再有信任,只係可以理解佢當時的決定啫。其實個男仔前排突然message我,同我講sorry。佢同Ada都分左手lu,為當日傷害左我而道歉,不過佢強週佢無後悔過當日的決定,亦唔覺得自己的行為係錯,只係抱歉傷害左我。」
 
Rachel: 「嗯…咁老老實實,聽到佢地分手有無心涼先? 有無諗過試下搵返Ada?」
 
Elven: 「哈,咁又真係無喎,果刻第一個感覺係,攪咁多野最後都係分手,感覺就好似所有野其實都係一個已定循環,然後又慨嘆變幻真係原是永恆,你永遠唔知將來會發生咩事。上天有時拎走左你D野,總會比返另一D野你,只不過無耐可能又再會拎走返啫…」
 
Rachel: 「你講野咁黎明架~ 不過聽到你話放低晒我都好替你開心,我都好期待你之後個女朋友會係咩人黎架~」
 
Elven: 「失過戀你就會發現,原來無失過戀嘅唔可以叫人生~」
 


Rachel: 「咁我係咪算可以講自己經歷過人生喇…」
 
Elven: 「恭喜你~ 喂,仲有時間,有無興趣落去下面望下呀?」
 
Rachel: 「好呀。」
 
他們邊走邊聊走到下面的水塘,然後又看了六角柱石群,見時間差不多才走回上原位。
 
沿斜路就快上到壩上時, Elven突然說道: 「你可唔可以匿埋眼一陣?」
 
Rachel: 「做咩?」
 
Elven: 「唔好問,聽話啦~」
 
不疑有詐,Rachel合上了眼睛。


 
「未叫你唔好打眼睛呀~」Elven一邊說一邊走前拿出了一個打火機,原來襯著他們剛剛走到下面時有人預先在這放了一堆蠟燭。
 
「你可以打開眼喇~」隔了一會Elven終於說道。
 
Rachel 一打開眼,發現滿地蠟燭砌成了三個字-
 
 I LOVE U
 
「你唔好講野住,希望你可以聽晒我講先,其實早係四年前,果次又係同你玩蠟燭我已經想將衣三個字送比你,不過我知我唔合適,我好驚我一表白會連同你做朋友的機會都無埋,所以咁多年我只可以將衣份心意收埋係心入面,默默守係你身邊做李大仁。你知唔知我好感激係大學最後一年可以遇到你? 係你令我變返似一個人,補返好我本身已經千瘡百孔的心,同你傾計真係好開心好舒服,而且我地真係好夾大家諗嘅野好似,同Ada分手後,我從沒諗過我會可以鍾意另一個女仔,但你嘅出現,令我明白我錯了,我唔單止遇到,而且係一個同我更夾我更鍾意的女仔,我好肯定你就係我心目中想搵的另一半,不過好可惜係,由我識你果刻開始你已經有男朋友…
 
每次聽見你講你同佢一齊 ,我個心其實都好掙扎好辛苦,好多次我都有諗過抽身離開,但我真係唔捨得… 所以我決定一直等,或者有一日你地會分手然後你會考慮我呢? 估唔到一等等左咁多年,而我最後終於真係等到… 我知衣個時間未必係一個好timing,唔知你會唔會接受我,但我真係好驚失去左衣次機會,我以後都再無機會… 我好驚你好快會同左第二個一齊,又或者好快同返男朋友復合,所以我決定鼓起勇氣今日同你表白。你可以唔駛比任何答案我住架,無論結局係點,我都好想你比你知道我嘅真正心意。」見Rachel看見後欲言又止,Elven立即把想說的都說出來。
 
聽完Elven愛的宣言後Rachel沉默了一會,彷彿整理完自己想說的,她開始說「Elven 多謝你…不過衣刻我…」這時Rachel和Elven發現一隻野牛不知是不是受火光吸引還是刺激正以高速向他們走來,由於他們身處一個轉彎位附近,所以發現的時候牛已經身處十分接近他們的位置,Elven潛意式立即把Rachel拉近自己身前然後抱著她一個轉身閃開再用自己的背部向著牛的方向以作保護,幸好野牛一擊不中後見到近處蠟燭傳來的火光後便轉身走了。
 


逃過一劫後Elven慢慢把Rachel從懷裏放回出來,看到她一臉驚嚇的樣子,Elven忍不住把臉移前吻上了Rachel的小嘴,Rachel從驚呆中醒來想推開Elven,但唇上傳來的觸感加上感受到自己仍心有餘悸傳來的急速心跳聲,她發現自己有心動的感覺而且慢慢迷失於其中,她不再想推開Elven而且還不自覺地主動回應著Elven的吻。 感受著Rachel柔軟的小嘴,再品嚐到Rachel的香舌,Elven突然覺得這兩世加埋接近十年的等待,一切都是值得,只要Rachel願意,他一定會用盡自己的餘生去愛護眼前這個女子。
 
過了不知多久,唇分。
 
「我係咪可以當衣個kiss係你嘅答覆?」望著害羞得滿臉通紅的Rachel,Elven仍雙手抱著Rachel問道。
 
「嗯…」原本Rachel是打算拒絕Elven,不過剛剛的吻加上回想起這幾年和Elven經歷的一切,讓她的感性戰勝了理性- 她知道自己不可能拒絕眼前這個男人。這幾年,是他一直陪伴著自己,帶給自己無數的歡樂,支持和關懷。Rachel感受到這一刻所有他們的回億和經歷都因這一吻被轉化成甜甜的愛意,暖化著自己的心窩。
 
聽到Rachel的答覆,Elven忍不住再度吻了下去。這時天邊開始出現了這天的第一片曙光,慢慢映照著二人。
 
遠處山上,一隻體型魁梧的牛正望著遠處二人的擁吻,然後嘴角竟也已微不可察的角度慢慢上揚。