時光飛逝,假期過後轉眼間Ada又要回到英國,不過在回英國前,Elven還是信守承諾帶Ada返了一次教會。Ada和教友們相處愉快其間有講有笑,完了崇拜後還和Susan ,Peter, Daniel和 Rachel一起吃了個午飯。 飯後當Elven和Ada繼續在街閒逛時
 
「你覺得Rachel真係鍾意Daniel?」Ada突然問道。
 
Elven:「唔只我覺得啦… 佢自己都認左~」
 
「但頭先我觀察左陣又無乜果種感覺… 反而Daniel同Peter對佢就真係有D野,特別Peter係非常明顯…」
 
Elven:「你咁講開,近排佢望Daniel種眼神係有D唔同左… 可能上次Daniel真係hurt親佢掛… 不過唔驚嘅,Daniel衣家諗通左後應該救得返嘅。」接著便把海洋公園發生的事告訴了Ada。
 




「揹人? 好型啦你,又英雄救美,一陣你攪到人移情別戀你就死!」聽完後Ada生氣地扭著Elven的耳仔說道。
 
 
「痛痛痛…咁唔係點喎,由得Rachel比Peter揹? 你見唔到佢當時想喊果個樣… 同埋我之後都話醒返Daniel啦!」Elven痛楚地解釋道。
 
Ada知也不能怪Elven便放了手。「總知咪話我唔提你,一個Susan一個Rachel你自己小心D啦…」
 
「傻架咩你… 邊有可能,反而係你呀,記住果晚應承過我D咩,唔好係果邊比鬼仔溝左呀~」
 
「哼! 咁就要睇你表現喇,你再越黎越少搵我好難講架~」




 
Elven把Ada抱入懷內
 
「搵搵搵,每日都會搵你好無?」
 
「算你啦~」
 
 
同一時間
 




Susan和Rachel也和Daniel Peter分別後在girls shopping。
 
「Rachel,我覺得我個心好似穿左個窿… 你頭先睇唔睇到佢地有幾恩愛呀… Elven真係錫Ada錫到燶呀… 點解世間上可以有本身咁好又咁錫女朋友嘅男仔架!」
 
Rachel:「睇到… 其實不如你接受現實放棄啦,大學咁多男仔,何必攪到自己咁呢…」
 
Susan:「我開始有D後悔叫左佢返教會喇…見多左反而產生左好多唔應該的想法…」
 
Rachel:「可惜衣個世界無後悔藥… 不過我有個諗法可能幫到你~」
 
「咩?」Susan一臉期待。
 
Rachel:「不如你考慮下Peter? 又幫到你,又幫到我~」
 
Susan:「你想死呀! 係我都諗Daniel啦,哼!」




 
Rachel:「好呀,anyone but Elven就得架喇。」
 
聽到後Susan一臉吃驚地望著Rachel。
 
「你係咪仲嬲緊Daniel?」
 
Rachel:「無呀,不過真係寧願你迷Daniel都好過繼續沉Elven船咋嘛,而且機會都大D啦…」
 
Susan:「咁你點?」
 
Rachel:「關我咩事?」
 
Susan:「你唔鍾意Daniel喇?」
 




Rachel:「唔係… 不過自從去完海洋公園後,感覺係有D唔同左…」
 
Susan:「如果比Daniel知道,唔知佢會有幾後悔呢…」
 
「唔知呢… 不過比起Daniel我都係覺得Peter更岩你~」說完Rachel便立即向前逃跑。
 
「陳天欣! 我要打死你!」Susan立刻追著Rachel作勢要打她。
 
二人就這樣像小朋友般在街上追逐。
 
 
直至跑到尖嘴海邊雙方都沒氣,便一起倚在欄桿回氣休息。
 
「不過你都講得岩嘅,我係應該要抽身,其實我知就算Elven有日真係同Ada散左,佢應該都唔會鍾意我…」海風吹佛,Susan望著海對Rachel說。
 




Rachel:「咁又未必嘅…」
 
Susan:「識左咁耐,係有火花一早就有啦… 所以與其糾纏係一個我愛嘅人,不如試下搵一個愛我嘅人,然後再睇下自己有無辦法愛上佢...」
 
「我愛嘅人同愛我嘅人?」Rachel聽到這句子,突然醒起自己好像忘記了甚麼。
 
「係呀,所以不如你都考慮下Peter?」見Rachel發呆Susan又襯機想作弄下她。
 
「原來你講咁多野最後都係想講衣句…」明白到Susan的用意,Rachel的思路便被這說話終斷了。
 
「不過Rachel,我同你由細玩到大,我相信我地都係大家嘅best friend,唔應該有秘密,你可唔可以老實答我一個問題?」Susan對Rachel笑了笑後突然認真地對Rachel說。
 
Rachel:「突然咁認真? 問啦~」
 
Susan:「你覺得Elven點?」




 
Rachel:「下?」
 
Susan:「你答我先啦~」
 
Rachel:「嗯… 咁佢係真係好好嘅,外型好,性格好,對女朋友好,仲好溫柔同細心,暫時好似都搵唔到咩缺點。」
 
Susan:「咁你對佢有無特別感覺?」
 
猶豫了一會,Rachel決定坦白,因為她不想對Susan說謊,亦相信自己和Rachel的友誼經得起考驗。
 
「我講完你可唔可以唔好嬲?」
 
Susan:「問得你梗係唔會嬲啦~」
 
「其實唔知係咪因為聽你講得佢太多,由第一眼見佢開始,我就有種好熟悉好親切的感覺,好似已經識左佢好耐咁。到到真正同佢接觸多左,衣種感覺就更加強烈,我會鍾意同佢傾計,而且係佢面前,我好願意同安心顯示自己真實同軟弱嘅一面,我未試過咁快對一個人咁亦都唔知點解… 而且自從識左佢後,我對Daniel的感覺好似真係有少少唔同左,特別係去完海洋公園之後…」
 
「哈,終於肯講出口喇咩死女包!」Susan聽到後反而有種如釋重負的感覺。
 
「你一早feel到?」Rachel帶點驚訝。
 
Susan:「因為我太熟悉你,亦太留意佢喇,有時夾起你地中間,我會feel到你地之間果種獨特的氣場。唔好以為我見唔到你彈琴果陣間中會偷望下佢,然後我又發覺佢其實間中都會偷望返下你… 所以如果我無感受錯,佢對你應該都係一樣有種好特別的感覺,你地果種connection,絕對唔係單一而係雙向,而且雖然只係好間中一兩次,但我見過佢有時望你果種眼神,試過比佢望Ada果陣仲要溫柔… 所以我先意識到就算有日佢同Ada分手,佢都唔會鍾意我,但肯定會鍾意你… 而你衣個傻女,一定會因為我而選擇放棄,咁不如我及早離場等衣日發生果陣你地可以順利發展~」
 
Rachel:「喂喂…你會唔會傻左諗得太遠… 我本身講果D同你講果D完全係兩回事喎…」
 
Susan:「我知我知,你有Daniel嘛~ 不過你知我有幾迷戀Elven啦,而如果有日佢真係同Ada分開,我覺得世界上唯一可以襯得起佢嘅就只有我嘅好姊妹你~ 係我自己多幻想啫,你唔駛理我架,千奇唔好因為我影響左你自己嘅決定!」
 
Rachel:「我都無你咁好氣費事睬你…  不過你諗通唔好再沉船落去我都替你高興嘅~」
 
Susan:「總知無論將來點都好,我地嘅友誼永遠都唔會變~ 除非…」
 
Rachel:「除非咩?」
 
Susan:「你做左D野傷害我個男神囉~」
 
Rachel:「車! 仲話咩友誼永固,根本係有異性無人性,男神仲重要過我!」
 
Susan:「nonono,如果有日佢傷害左你,我一樣會嬲爆佢唔再封佢做我男神!」
 
Rachel:「你真係太多幻想喇,不如直接去做編劇啦你~」
 
Susan:「有時說話唔好講咁滿呀,因為你永遠唔知聽日會發生咩事架~」
 
Rachel:「不過講開又講,我有個直覺覺得如果Elven同Ada繼續long D,總有一日會發生問題...」
 
Susan:「無錯,到時就係你出場嘅時候喇~」
 
「!*(#&#)(@)」對著Susan Rachel只能反白眼。