收到這訊息,Elven固然感到開心,但同一時間,他亦有點為難要如何開口告訴Rachel。不過醜婦終須見家翁,過了一會他還是給Rachel send了一個message。
 
「Rachel,sorry呀,Ada岩岩同我講佢ball果日返得切黎,所以我邀請唔到你去喇… 真係好對唔住…」
 
「唔緊要啦,本身就應該係你地去架啦~  記住玩得開心D影多D靚相比我睇下!」失望的Rachel裝作沒事。
 
「好呀~ 遲D請你食飯補返數呀…」Elven還是感到很抱歉。
 
「唔駛啦傻佬~」
 




 
回完message後Rachel慢慢走到衣櫃前打開了櫃門,望著新買的晚裝默默在想
 
(所謂後備,本身就預左要有正選返黎果陣要讓位嘅自覺架啦…)
 
這結果對Rachel而言,固然是十分失望,但更多可能是提醒和當頭棒喝。
 
 
這時,一個電話響起。
 




Daniel:「岩岩經過你樓下,有無興趣落黎食個糖水?」
 
這裏作個補充,其實自從Daniel醒悟後,他主動找多了Rachel,雙方亦慢慢回復了以前的關係,現在很多時他們都會一起返教會和回家。Elven的出現,大大縮短了他們互相誤會的時間,但同一時間亦可能改變了讓他們一齊的契機,不過那暫時是後話,而現在他們的關係還是很好的朋友。甚至因為喜歡Daniel的感覺被沖淡,Rachel對Daniel的態度更像以前朋友般自然。
 
「你個樣好似有D野咁喎? 有野唔開心?」在糖水鋪Daniel看見Rachel後問道。
 
Rachel:「唔係呀,可能有D累啫。做咩放完學咁夜仲唔返屋企?」
 
「無呀,架車經衣頭突然諗起你咪搵下你囉。」其實是Daniel是單純掛住Rachel。
 




「係呢,你黎緊五號晚有咩做?」Rachel突然醒起。
 
Daniel:「果晚有教會足球比賽呀,做咩?」
 
Rachel:「無呀,本身諗住果晚約下人咋嘛。」
 
Daniel:「一係你黎睇我地比賽? 反正D人你都識嘅, 比賽後仲可以一齊食飯~」
 
Rachel:「好呀,到時睇下點先。」
 
 
到到ball 那天,Elven很早已換好老西先到機場接Ada機,接著陪她回家換衫,最後才出發到ball的場地。在等Ada換衫途中,Elven想起唯一一次見Ada著晚服,應該是中五時的謝師宴。到到今次當他看見Ada換好衣服化好妝出來後簡直是漂亮得驚為天人,然後他突然意識到原來這幾年間Ada的變化真的好大,不知不覺間她已經變得越來越耀眼和自信。
 
「做咩呆晒咁嘅樣,我太靚?」看見Elven發呆的樣子,Ada笑著問道。
 




「真係好靚…」Elven忍不住過去抱著Ada並吻了她嘴唇一下。
 
「越黎越口花花啦你~」Ada笑著說,但明顯很受落Elven的稱讚。
 
「真心架~ 同埋我發覺你其實真係變左好多,同以前好唔同…」
 
Rachel:「有咩唔同?想話我以前好醜呀?定想話我肥左呀?」
 
「唔係…而係衣家嘅你好耀眼同自信,直頭係閃閃生輝。」 Elven一方面感到驕傲,但同一時間卻又有點失落。
 
「或者去過出面嘅世界,個人睇嘅野真係會唔同… 其實你有無諗過將來同我一齊去外國生活?」藉著這機會,Ada提出了心入面一直想問的問題。
 
「有機會我都想感受下,不過一來屋企經濟唔許可,二來第日我都好難扔低屋企人啦…」Elven露出嚮往的眼神同時帶著無奈的神緒。
 
「咁我都明嘅…」聽到後Ada難掩自己的失望。




 
「將來嘅野將來再諗啦,我地出發喇~」不想再糾結這話題,Elven便帶著Ada出發。
 
在原本的世界,情況其實亦一樣,那時Ada初初亦說趕不及回來,而由於當時並沒有和Susan像現在般常常在教會接觸,那時Elven只找了一個不算太熟的大學女同學代替。當然當之後Ada說能趕及回來,Elven立刻把partner換回Ada。
 
「係喎,如果我本身趕唔到返黎,你諗住搵邊個做partner?」在車上Ada突然問Elven。
 
「本身仲努力搵緊…幾日前你話返得切黎我就唔駛再搵啦~」本身Elven打算最後兩日才告訴Ada自己找了Rachel,不過之後Ada說她能回來後他就沒再特別提起。現在Ada問起他不想解釋下意式便說了個謊。
 
「你唔搵Susan 或者Rachel?」Ada奸笑地問道。
 
「知你唔鍾意,未到最後關頭都唔會搵佢地啦~」洗濕左個頭Elven開始一個大話CUM一個大話。
 
「車,我先無咁小氣~」Ada故作不在意,但其實暗地裏很開心Elven在意自己的感受。
 




整個ball的氣氛良好,雖然和hallmates僴相識還不到一年,但日對夜對的生活還是讓大家很快已打成一片陪養出一種buddy的感情。當中有個環節是播回一些這一年在hall大家的活片照和片段,亦讓Ada對Elven在hall的生活有了更多的認識,看得津津有味。最後chairman鼓勵大家共同建立更多hall的文化,讓C-Hall成為一間獨一無二的宿舍亦讓Elven產生了一些感動,不過暫且不表。
 
到到跳舞環節,其實Elven這時是從沒跳過舞,所以可謂是一竅不通,只是跟據電視上看見的情節伸出手邀請Ada
 
「May I?」
 
Ada笑笑口把手搭上Elven的手心然後跟他來到舞池中間。
 
「其實我完全唔識跳舞...」Elven略帶尷尬擦著鼻子說道。
 
「我知呀~」
 
「咁我地點算好?」
 
「你衣隻手放上我膊頭,另一隻手扶住我衣度,我慢慢教你,嗱,你見我衣隻腳搭前你就搭後,然後衣隻腳搭去右邊,頭先隻腳又跟住去右邊,之後見我衣隻腳搭後你就搭返前,另一隻腳又跟住,係喇,然後跟我數一二三,二二三,三二三。」Ada很耐心教導Elven,然後很快,Elven就掌握到最簡單的舞步。




 
「點解你咁叻嘅?」Elven一路跳一路由衷讚賞著Ada。
 
Ada:「係英國間中都有衣d活動,學校有教架~」
 
「咁你咪同好多鬼仔跳過...」知道自己不是Ada的第一個,Elven有點失望。
 
「放心啦,學果陣我都係同女仔一齊跳架咋~」彷彿知道Elven在想甚麼,Ada把頭靠近Elven耳邊細聲說道。
 
「真係嘅?」聽到後Elven立即變回笑容滿面。
 
「唔信就算數!」
 
「信信信~」
 
整個ball就在輕鬆愉快環境下結束。
 
另一邊廂,Rachel最後亦因為不想呆在家中胡思亂想而去了維園看教會的足球比賽。雖然一直知Daniel自己有踢開波,但是因自己興趣不大,而Daniel也是近年才加入教會球隊,所以這也是Rachel第一次看Daniel踢波。七對七的硬地足球賽,頻率和節奏也很快,不知是不是因有Rachel支持,Daniel這日狀態大勇,連不太懂得看足球的Rachel也看得出Daniel的厲害,不自覺被他的風彩所吸引。負責中場的他助攻助守,很多時間也能看見足球在他腳下,無論是扭波,遠射還是傳球,通通吸引著觀眾的眼球,結果Daniel以兩助攻兩入球幫球隊以4:0大勝對手。
 
「一直唔知原來你踢波咁勁架?」解散後Rachel走到Daniel旁邊讚賞道。
 
「由細踢到大嘛,而且今日對手比較弱啫。」Daniel像只是訴說著一件很簡單的事。
 
「咁謙虛呀,我唔識睇都睇得出成隊係以你做重心啦~」
 
「咁不如你以後黎睇多d呀,有你支持我狀態好似會好d架~」提早進化後的Daniel間中開始會說上些略帶曖昧的說話。
 
「哈,睇下點先啦…」Rachel這時卻感到有點不好意思。
 
Daniel:「夜喇,我地去食飯先啦。為左答謝你專登黎睇,我請你去銅鑼灣食茶餐廳~」
 
Rachel:「咁好?睇黎你為左想我黎睇多d真係好dum本喎~」
 
 
當兩人吃完晚飯往巴士站搭車回家途中,卻碰巧碰上了也是往同一個巴士站的Elven與Ada。
 
望著滿有氣質的Ada與俊朗的Elven挽著手並肩走著,Rachel心裏有點不舒服的同時亦不得不承認他們是很襯的一對。
 
而當Elven望見仍略帶稚氣但靈氣逼人的Rachel與帶點瀟灑不羈的Daniel走在一起,心裏一痛的同時亦覺得他們是滿合適的一對。
 
「咁岩嘅?個ball完左嗱?」收起不舒服的感覺,Rachel帶著笑容問道。
 
「係呀,諗住搭巴士走喇。你地呢?」Elven同樣笑容滿面答道。同一時間,Ada聽到Rachel的問題則意味深長望了一望Elven。
 
「我岩岩踢完教會比賽,咁岩Rachel無野做咪叫佢黎捧我地場順便一齊食左個飯囉~ 衣家都諗住一齊搭巴士返屋企咋。」Daniel答道。
 
聽到後Elven同樣意味深長笑笑口望了一望Rachel,感覺像是取笑對方因禍得福,然後說
「咁開心? 」
 
「無野做黎支持下自己教會咋,下次你地得閒都可以黎架一齊打氣架。」不想Elven誤會Rachel嘗試解釋道。
 
Elven:「好呀,踢波我都岩架~」
 
Daniel:「係喎,唔醒起你以前好似都踢校隊架喎!咁下次我地練波可以叫埋你呀~」
 
「如果佢夠勁捉埋佢入教會幫手踢啦~」Rachel動機不單純地插嘴。
 
Elven:「好呀,不過要睇下夾唔夾到時間先,咦有車喇,再傾啦,我地走先喇,拜拜~」
 
「拜~」
 
 
車上
 
「點解Rachel知我地去ball嘅?你唔係話無問過佢咩?」Ada坐下後便問道。
 
「可能之前有提過下,不過無邀請佢咋嘛...」Elven略帶心虛回應。
 
「真係?」Ada不太相信的樣子。
 
「梗係真啦,你睇佢同Daniel頭先幾開心呀~」
 
「嗯...唔知佢地仲要拖到幾時先會一齊呢?」
 
「睇黎我要再鞭策下Daniel先得~一係我地打個賭,你估下次你返黎果陣佢地一齊左未? 我買一齊左。」
 
「好呀,咁我買未一齊。賭咩先?」
 
Elven在Ada耳邊說了句話。
 
「變態佬!」Ada臉紅耳赤說道。
 
 
不久,Daniel Rachel同樣上了巴士。
 
Daniel:「Elven同Ada真係好襯呀~」
 
「係啦...」Rachel認同但高興不起來。
 
「不過Elven都真係一個好人...希望佢地可以克服long D啦~」Daniel想起Elven之前對他的善意提醒,不然到現在他可能還在迴避Rachel。
 
「好人?點解咁講?」Rachel好奇。
 
「無呀...你唔認同咩?你睇佢平時幾錫Ada~」Daniel當然不會告訴Rachel真實原因。
 
「咁都係...」可惜他卻沒留意到自己的說話讓Rachel更悶悶不樂。