「Susan,好彩你早排及時抽身咋!」Rachel很快打了給Susan。
 
Susan:「Why say so?」
 
Rachel:「你無睇facebook? Elven話Ada下年返黎香港讀書呀…」
 
Susan:「!!! 真係估唔到… 或者佢都意識到咁落去同Elven遲早有問題…」
 
Rachel:「應該係啦,知你係側邊虎視眈眈緊…」
 




Susan:「nonono,我覺得係佢感受到你對佢嘅威脅…」
 
Rachel:「痴線! 我地咩都無發生過囉…」
 
Susan:「真係咩都無? 有時女人D直覺係好準架… 不過我對佢都有D改觀,竟然作出咁大犧牲…」
 
Rachel:「所以你節哀順便啦唔好太傷心喇…」
 
Susan:「我一早知自己無機會調節好晒自己心態啦,衣家更係佩服佢添~ 反而你點呀? 無野嘛?」
 




「我咩點? 替佢地開心囉~」Rachel裝作沒事。
 
「係我面前仲要扮野?」Susan略帶不滿。
 
Rachel:「唔開心同失落實有D嘅,不過另一方面真係替佢開心架,同埋對自己其實都未必係一件壞事呀~」
 
「嗯…不過有時緣份嘅野真係好難講,無人會知將來會發生咩事嘅,順其自然啦。而且你仲有個Daniel嘛~」Susan其實有個直覺Elven和Rachel總有一天會有甚麼發生。
 
Rachel:「你唔好講到我成日當佢係後備咁啦,我完全無咁嘅intention,而且衣家係佢唔鍾意我呀…」
 




Susan:「We’ ll see~ 同埋你就入大學,話唔定好快有其他豔遇呢~」
 
(唉,當局者迷… 不過Daniel都幫唔落架喇,成日係度拖拖拉拉…) Susan心想



另一邊,不知自己正被責駡的Daniel其實亦終於鼓起勇氣正計劃打算向Rachel表白。
 
(Elven講得岩,Rachel一入大學就會多好多變數,唔可以再拖喇…)
 
「喂~ 今晚得唔得閒? 出黎陪我傾下計呀…」第二天他主動message Rachel。
 
Rachel:「應該可以嘅,做咩呀? 有野唔開心?」
 
「係呀…」男仔適時扮可憐往往有奇效。




 
Rachel:「咩事呀?」
 
Daniel:「今晚見面先講你聽啦…」
 
當晚,他們飯後相約在城門河散步。
 
「咩事唔開心呀,話比姐姐聽?」Rachel調笑道。
 
「嗯… 其實我大概一年前左右鍾意左個女仔」深呼吸後,Daniel開始說道。
 
「哦? 咁跟住呢?」突如其來的話題讓Rachel有點被嚇倒,然後開始有點緊張。
 
「佢係一個好好嘅女仔,開朗、善良、溫柔、細心,不過唔知點解佢近衣大半年好似越黎越唔鍾意我咁… 我想同佢表白但又唔敢…驚佢會拒絕我」Daniel開始措描述著自己的故事和感受。
 




「… 你係咪做左D咩衰野所以人地咁對你呀?」Rachel有想過這會不會是自己,但細想又覺得不是。
 
「我都唔知呀… 不過我唔想再拖所以決定同佢表白仲整左份禮物諗住送比佢,你可唔可以幫我睇下份禮物o 唔ok?」
 
「好呀,拎黎睇下~」一方面Rachel有點失望Daniel似乎另有意中人,但另一方面又好奇Daniel的禮物會是甚麼。
 
接著Daniel從袋裏拿出了一張疑似報紙的物體給Rachel。
 
Rachel打開一看,這確實是一張報紙,不過內容並不是新聞,因為她看見入面有不少自己和Daniel的圖片,然後就像報紙一樣每張相片都有文字描述事件,簡單點說這是記載著她和Daniel故事的報紙。而報紙底部印著一句 “To be continue, could I?”
 
這時Rachel再鈍都知道Daniel口中那女孩便是自己。曾經這是她夢寐以求的畫面,這一刻她也是滿激動和欣喜,心跳速度加快,不過同一時間亦有點猶豫,因為她腦海中突然浮現出Elven的臉容…
 
「Rachel,可唔可以做我女朋友? 我真係好鍾意你架…」見Rachel沒有反應,Daniel開口問道。
 
「咁可唔可以話我聽點解之前要同John講你無可能會鍾意我?」Rachel反問。




 
「原來你果日真係聽到… 其實我果陣純粹係為面子講大話…」Daniel有點不好意思解釋道。
 
(哈 真係比Elven up中左原因…) Rachel心想。
 
「果陣成日比人傳同你一齊,雖然暗地裏我係有D開心,但自尊心下我又唔想咁認衰比人笑喎,咪衝口而出講左果句野囉…我無諗過你會聽到架… 之後仲越黎越衰做左好多口不對心嘅野傷害左你… 對唔住呀。好彩Elven提醒左我我先醒覺咋…」Daniel繼續說道。
 
「Elven?」Rachel想不到這也能和Elven有關。
 
「係呀,係佢之前提醒我比起失去鍾意嘅人自尊心根本亳無任何價值,前排又提我再唔把握機會你入左大學就實比其他人追左去到時後悔都無用… 所以我先可以下定決心同你表白咋。」
 
「所以係Elven叫你同我表白?」這是Rachel著緊的問題。
 
「呀… 又唔可以咁講嘅… 不過佢令我加快進行左衣件事囉…」這時Daniel有點後悔自己說得太多不相關的事反而可能令Rachel覺得自己唔夠主動和誠意…
 




(原來這就是你所講的報答…) Rachel突然明白Elven的意思。
 
「咁你答案係?」見Rachel又沉默沒有回應Daniel硬著頭皮再問。
 
「可唔可以比D時間我考慮下?」Rachel這一刻給不了答案,她需要一點時間。
 
「好…」跟預期的不一樣,Daniel既失望亦擔心,不過這情況他只能說好。

 
當晚,Rachel想了很多,想起和Daniel的點滴,想起和Elven的相處,想起Ada和Susan…
 
第二天,她終於有了決定並send了一個message給Daniel。
 
「如果下場教會盃你可以淨勝+入到三球波我就同你一齊啦~」
 
(或者交比個天決定啦… 同埋我都好想睇下一直事事遊刃有餘嘅你,為左我可以有幾盡力的樣子…)