「但下場嘅對手係上屆亞軍喎…」Daniel 覺得有點為難和運濟。
 
「我唔理呀,就係睇你幾有決心~ 你唔係話我黎睇你狀態會好架咩?」Rachel沒有心軟。
 
「好,我接受你嘅考驗!」Daniel亦沒有逃避。
 
比賽是兩個星期後的事。這兩星期Daniel花了不少時間去練波和體能,希望自己能在最好狀態下出戰。而順帶一提,比賽前一日Elven亦啟程出發去英國探望Ada了。
 
比賽開始前,Daniel和隊友如常圍成一圈互相打氣以示團結。
 




「各位,今日我因為一D私人原因需要淨勝對手3球和包辦3個入波,衣樣野對我好重要架,所以懇請大家助我一臂之力,唔該晒大家!」這時Daniel和隊友提出了自己的請求。
 
隊友們互相交流了一個眼神後隊長阿志說道:「無問題! 大家一齊加油,盡力配合Daniel!」
 
「好~」
 
比賽一開始,雖然充滿鬥志,不過對手始終是上屆亞軍,Daniel隊很快便被壓制。Daniel很落力,亳不吝嗇體力滿場走,球場上差不多每個角落都曾見過他的身影。不過不幸的是在上半場中段因己隊後衞一個位置失誤,被對方前峰走甩把握機會先馳得點,他們首先落後0:1。只是Daniel沒有失去鬥志,他很快把球從網裏拿出來放到中圈預備著開球。落後後,Daniel嘗試墮到更後位置協助防守,因他出色的位置感加上彷佛無盡的體力和殺氣,大大舒緩了後衞的壓力,同時間在轉守為攻時,Daniel 亦常利用自己的技術把球帶出重圍製造攻勢,終於在上半場完結前憑他一記炮彈式遠射追回1:1。
 
看著汗流浹背,拼盡全力的Daniel,Rachel不得不承認這刻的他很閃耀和吸引,這是她從沒見過的Daniel。以前的他做事永遠只出三分力,一副胸有成竹懶懶閒的樣子,但現在的他卻是100%專注,為了自己發瘋般東奔西跑,有幾次甚至為了追球訓身倒在地上,然後又立即起身繼續跑過,這個Daniel確實讓Rachel動容。
 




半場休息時,她主動拿了支水給Daniel並說了句”加油”,這讓Daniel彷佛重新注滿了能量和鬥志。下半場的他更是如有神助在艱難的情況下憑著兩個突擊以一助攻一入球令球隊在完場場前三鐘反先3:1。就在比賽進入補時階段,他在中場再截了對方的傳球然後引球推進,扭過兩名對手再在鵝眉頂拉弓一腳把球轟了出去。
 
「卟!」球撞中柱彈出來再被對方後衞一腳清走,此時完場的哨子聲亦隨即響起,Daniel教會以3:1反勝對手,但Daniel卻以一球之微不能達成Rachel的要求。
 
「Daniel對唔住呀,完成唔到你個目標… 不過今日你踢得超好,我地都贏左呀,唔好太失望~」隊友們拍拍Daniel膊頭說道。
 
「唔緊要…辛苦大家喇,今日大家都踢得好好,多謝大家…」Daniel回應完隊友的安慰,然後走到場邊Rachel座椅的旁邊頹廢地坐了下來。
 
「對唔住呀… 我做唔到你要求…」Daniel失望地對Rachel說。
 




「嗯… 不過今日你終於比我見到全力以付嘅你係咩樣子…」Rachel滿有感慨。
 
Daniel:「可惜都無用呀…」
 
Rachel:「你快D去沖涼換衫啦,我等埋你先一齊走~」
 
「好…」然後Daniel便沒精打彩地去了更衣室。
 
「行得喇…」沖洗完的Daniel從更衣室出來後走到Rachel處說。
 
「好呀~」
 
當兩人並肩開始向前行的時候,Rachel突然主動拖著Daniel的手。Daniel一臉驚訝並疑惑地望著Rachel。
 
「見你頭先為左我咁認真同搏命,我決定比次機會你啦~ 試用期三個月,滿意我先再收貨!」Rachel滿臉笑容甜甜地對著Daniel說。




 
聽到Rachel的說話,Daniel回神過來後立即用力拖實Rachel說道:
 
「多謝你! 放心啦我一定過到probation 嘅!」
 
兩人就這樣手拖手幸福地離開了球場。


 
這時身處英國的Elven心臟突然劇烈跳動了一下。
 
「你無事嗎?」Ada見Elven突然一臉痛苦的樣子關心問道。
 
「無…頭先個心突然抽左下痛左一痛…」Elven手掩在胸前說道。
 




「駛唔駛坐低休息下?」Ada用手挽著Elven問。
 
「唔駛啦,衣家好似無事喇… 我地繼續行啦~」緩了一緩Elven沒事後便和Ada繼續行程。
 


這晚Rachel回到家後把和Daniel的事告訴了Susan。
 
Susan:「所以你同左Daniel 一齊喇?  但佢入唔到3球喎…」
 
Rachel:「係呀… 不過初初定個目標都係想睇佢為左我會有幾搏命啫,今日場波見到佢真係搏晒命,我從未見過佢咁架,所以都真係比佢感動到… 同埋發現左原來世界上真係有野佢係做唔到嘅都幾好呀~」
 
Susan:「明白…事實上你之前都一直鍾意佢嘅… 咁但係Elven呢?」
 
Rachel:「對Elven都係之前一時嘅錯覺啫,事實上佢對我嘅態度都好明顯啦,唔係唔會係咁鼓勵Daniel,加上黎緊Ada都返黎咯,唔通仲比自己踩落去咩…我無你咁勇猛呀~」




 
Susan:「唉~ 仲以為你有機會可以為我爭返啖氣添! 不過作為你好朋友,我都好替你開心嘅
~ 要幸福啊!」
 
Rachel:「我信我同Daniel會幸福嘅~」
 
(決定左Daniel一齊我就唔會再三心兩意,至於Elven,就當係夢一場等佢埋係我內心深處自己慢慢消失啦…)
 
命運確實讓人意想不到。誰會想過Elven的提早出現,反而讓Rachel和Daniel比原本的世界更早在一齊。而Ada的改變,亦彷佛讓兩人的關係變得更加牢固。到底經過了這兩個轉捩點後,三人的初衷還能否達成?