只想和你愛一次: 20. 預備開學

Hall和大學的暑假其實並不空閒，因為hall需要一堆propaganda去收人，然後又要預備大學和hall的O Camp，所以在Ada回港後Elven只能陪她過了短暫幸福的時光後便要投入回大學的事宜。幸好Ada亦因為要預備一堆入學手續和相約不同的親朋戚友見面不至於太空閒，而Rachel一方面和Daniel開始著甜蜜的拍拖生活，一方面亦默默期待著即將來臨的大學生活。
 
「講個好消息你聽呀，L-hall收咗我喇~」一天Elven收到Rachel的message。
 
Elven:「恭喜喎!咁你就係師妹+鄰居喇~」
 
Rachel:「但個Hall-O 係compulsory參加，聽講好恐怖，仲要9日咁長...」
 
「嗯... 詳情我又唔方便講太多，只可以話會係你人生一個好特別嘅經歷， 放心啦，實捱得過嘅，無人會想啲 freshman 捱唔住個個quit晒㗎嘛~」Elven有點欲言又止。
 




Rachel:「好彩有表妹一齊，捱唔住會搵你救命㗎喇!」
 
Elven:「表妹都入咗? 咁有人陪好好多啦~」
 
Rachel:「Yesyes~ By the way，你近排好似完全無返教會喎...」
 
Elven:「係呀，好忙呀近排，.嚟緊應該都唔太返到...」
 
Rachel:「哦...Ada一返嚟你就咁，唔要得呀你~希望你之後間中都可以蒲下頭啦。」
 




Elven:「唔係啦，hall同大學好多嘢攪呀，近排仲攪緊整team 啲嘢...我會睇下點㗎喇~」
 
Rachel:「好啦，放心我唔係哦你， 不過其他人我就唔敢包喇~」
 
Elven:「Susan? 佢近排都搵少咗我喎，唔知係咪掛住溝仔呢?」
 
Rachel:「哈哈，佢成日三心兩意，都唔知幾時先決定到最後冠軍誰屬喇...」
 
這裏為Susan平反一下，事實係自從Susan知道了Elven的真實想法和感受下，明白到他不想返教會的真實原因所以也再沒有給他甚麼壓力。
 




 
忙碌的時光過得特別快，隨著一個又一個的O-camp完結，新一年的學期亦隨即展開。雖然Hall-O對year1的新宿生並不好受，但無可否認這能大大加快他們和hallmates之間的認識和培養同年宿生的感情，Rachel和Annie當然亦順利捱過。
 
另一方面Ada亦開始搬入了PolyU的宿舍，雖然屋企和大學距離並不遠，不過對於在外國習慣了自由和無枉管的Ada，自然很難再次接受在家被監管的生活。
 
這天襯著開學前最後的一天，Elven幫Ada把最後的行李搬到宿舍。
 
「攪掂~ 好累呀...」一放下行李Elven裝作疲累直接躺上Ada的床上休息。
 
「喂呀，你污漕邋遢瞓上我張床度！」Ada看見後強烈抗議。
 
「唔污漕好乾淨呀，你都上嚟抖下先啦~」Elven閉上眼笑笑口回應。
 
「哼，我唔會中你計㗎，一上嚟就有排都唔駛執....」識穿了對方意圖Ada並沒有中計。
 




「咁諗我㗎...想攬住你休息下咋嘛~係喎，你見過你roommate未?」Elven打開眼望見旁邊另一張床於是問道。
 
Ada:「上次嚟見過一次，佢叫阿Yan，今年year1，好靚女㗎！所以唔可以介紹你識~」
 
Elven:「哈，邊有可能避到呀，除非你以後唔比我上嚟啫~或者希望佢唔痴hall啦~」
 
Ada:「咁又未知呀，上次傾咗幾句佢就出左去lu…」
 
Elven:「希望佢正正常常唔古怪唔難相處啦。」
 
Ada:「咁上次就咁睇應該都幾nice 嘅~你快啲起身幫我執嘢唔好再偷懶呀！」
 
就在Elven和Rachel一起執拾的時間，房門突然被打開，然後一個身穿白色背心和短牛仔褲的女仔走了進來。大眼睛，高鼻子，白嫩的皮膚，而紥著的馬尾更突顯了她的青春活力，還有最吸引人的是她笑的時候有一個淺淺的酒窩，無可否認是一個十分漂亮的女仔，甚至可能是Elven暫時真實見過最漂亮的一位女仔。
 
「Hi Ada~」女孩一進來看見Ada便打招呼道。




 
「Hi阿Yan~ 返嚟喇? 介紹你識呀，哩個我男朋友Elven， 哩個係我 roommate 阿Yan~」Ada看見阿Yan便為他們互相介紹。
 
「Hi Elven~」阿Yan遞高了手和Elven say hi。
 
「Hello ~」Elven做了同一個手勢以作回應。
 
「嘩，專登嚟幫女朋友執嘢真係羨慕死人喇~一睇就知你廿四孝男朋友啦!」Yan看見房間格局便猜到他們在做甚麼。
 
「邊係呀，我嚟做樣扮嘢㗎咋~」Elven很快展露他鍾意攪笑的一面。
 
「你好幽默風趣喎~」阿Yan淺淺一笑回應。
 
「以後麻煩你幫我睇住Ada喇，唔好比佢帶其他男仔返嚟呀!」Elven繼續說笑道。
 




「咁要睇下你比咩報酬我喇~唔係點解要幫你唔幫Ada呀?Ada你話係咪?」阿Yan亦陪Elven開玩笑道。
 
「好喇好喇，Yan你唔駛理佢㗎，佢係咁傻傻地~黃天佑，我口喝喇，你落去幫我地買啲嘢飲啦。」Ada開始看不過眼決定中斷他們的對話順便叫Elven買點飲料。
 
「Okok~阿 Yan想飲咩?」Elven問Yan。
 
「涷檸茶得喇唔該~」Yan笑著回答。
 
Elven很快便離開了房間。
 
「你男朋友好靚仔喎! 而且一睇就知玩開運動，仲睇得出好細心添~」Elven一走阿Yan立刻和Ada說。
 
Ada:「你咁快又睇得出佢細心?」
 
Yan:「佢問都唔駛問你就知你想飲咩仲唔細心?」




 
「Ok la~」沒人不喜歡別人讚自己男朋友，Ada亦不例外帶點自豪和滿足回應道。
 
Yan:「你睇你即刻變晒心心眼喇~」
 
Ada:「邊有呀~ 咁你呢? 有無男朋友呀?」
 
「有呀，不過佢成日都唔得閒理我嘅…」提起男朋友阿Yan立即變得有點悶悶不樂。
 
Ada:「拍咗幾耐呀? 你咁靚女都唔理你?」
 
Yan:「都就快三年… 係咪啲男仔一拍得耐都會變成咁㗎呢? 你同Elven一齊咗幾耐?」
 
「原來唔經唔覺都7年喇…」Ada屈指一算發現。
 
「7年仲咁恩愛? 好勁呀! 真係幸福~」Yan羨慕地說。
 
Ada:「咁中間我地都有問題發生過嘅… 有時捱下捱下就過㗎喇啲時間~」
 
Yan:「遲啲要慢慢聽你分享下故仔同心得!」
 
Ada:「我地嚟緊大把時間傾偈啦~」
 
 
不久阿Yan又再次離開了宿舍，而Elven幫Ada執拾完後和她吃完晚飯便也回hall預備明天開學。
 
回到hall門口附近，卻看見Rachel和Daniel也在hall前不遠處的巴士站等巴士，Elven本身想走前和他們打招呼，不過走了兩步後還是停止了，然後轉個身靜靜地走回自己的hall內。
 
誰知不久後就收到Rachel的message。
 
「做咩見到我地都唔過嚟打招呼呀?」
 
(原來佢見到我?) Elven心想。
 
「見你地咁恩愛廢事阻住你地啦~ 你見到我又唔叫我?」
 
「見你唔想叫我地我咪唔叫你囉…」Rachel當時其實也想叫Elven，不過見他走了兩步後又回頭好像不想和自己接觸，望了望Daniel見他沒發現Elven後便也沒有叫他了。
 
「睇下我幾識做呀，唔駛多謝我㗎~」Elven又以笑掩蓋自己真實感受。
 
「其實你做咩近排好似怪怪地咁嘅? 好似想避開我地唔太想同我地接觸咁…」不過Rachel好像看穿了所以忍不住直接問。
 
「無呀，可能咁啱忙咋嘛，嚟緊應該好啲掛。記唔記得之前講過等你做咗我師妹+鄰居我請你食返餐好嘅當慶祝?」為表清白，Elven主動提起這約定。
 
Rachel:「梗係記得!」
 
Elven:「見你好似好掛住我咁，明晚就去?」
 
Rachel:「好! 不過唔係因為掛住你而係因為有餐食囉唔知醜... ><」
 
 
Elven其實並不抗拒和Rachel Daniel見面接觸，只是下意識想逃避同一時間和他們見面。