轉眼間過了兩個月,今天在campus有專為新宿生而設的傳統活動- Interhall Cheers Competition。
 
Dem Cheers 在港大宿舍是一個不可或缺的文化,每間hall都有專屬於自己不同的cheers,對於一些較有歷史的傳統宿舍甚至有多達十多首的cheers專為不同的場合而設。
 
 
時間稍為回溯到昨晚的時間
 
「唉,聽日要去campus dem cheers呀! 」Rachel突然msn Elven。
 
Elven:「係呀,我已經洗定眼預備睇你表演㗎喇!」


 
「下,你都會去?」Rachel有點驚訝。
 
Elven:「會呀,我地hall都有份,點都要去支持下啲 freshman㗎嘛~」
 
「不如你唔好去啦,好柒㗎,唔好睇啦...」Rachel不想Elven看見自己dem cheers。
 
Elven:「唔得喎,點可以唔睇你表演呢~同埋睇嚟你都仲未get到個精髓,哩啲嘢一個人係柒,但如果一班人一齊柒就係型~」
 
「又會囉...」對此Rachel不能認同。


 
「聽日你就知㗎喇,唔好睇少共同經歷哩樣嘢。」Elven繼續苦口婆心。
 
Rachel:「係喎,你上年應該都有dem...」
 
「係呀,上年我地仲係新hall都未有cheers,所以要自己作埋...不過諗起以後住親哩間hall嘅人都要dem自己有份作嘅cheers就覺得好正~」說到這裏Elven都有點proud of自己。
 
「你可以做Hall父喇~ 咦係喎,上網應該有得睇返上年你嘅表演,即刻搵下先!」Rachel突然醒起。
 
「你咪搵囉,我唔驚比人話柒嘅~」對此Elven懶理。


 
過了約五分鐘後。
 
「哈哈,睇完喇!唔柒呀,真係好有spirit~ 同埋你真係好勁喎作到首cheers! 以後C-hall都會因為你而變得不同!」Rachel衷心讚賞道。
 
「係有成功感嘅,所以先想再努力為間hall建立多啲嘢囉~  Enjoy tomorrow啦,人不輕狂枉少年,襯後生要做多啲顛嘢將來先唔會後悔㗎!」Elven鼓勵道。
 
Rachel:「知道喇~」
 
 
這是一個熾熱的中午,在大學campus main library外的廣場上,每間hall的新生都在散發出青春的氣色,朝氣勃勃,不斷落力地跳和叫。到到C-hall 的freshman dem cheers,不得不說,看見自己作的cheers以後會一代一代傳承下去,Elven還是感到一種莫明的激動和自豪。想起曾經自己也是場上的一員,Elven心裏想的是年輕真好。
 
看完自己hall的freshman dem cheers後就到L-hall,很快Elven已經看見Rachel在人堆的中心位置。起初她還是有點羞澀和靦腆,不過慢慢亦越來越投入。看著她dem cheers,Elven腦海突然浮現出一幕畫面,他看見Rachel身穿籃球波衫在籃球場上一邊喊一邊和隊友及hallmates在唱L-hall cheers,一般來說這是L-hall每次比完賽後都會唱的cheers。
 
(唔通哩個係Rachel之後輸波嘅畫面?點解嗰種傷心同埋不甘心嘅感覺咁真實同強烈?)


 
這刻的Elven當然不會知道這是另一個世界兩年多後Rachel輸掉最後一場比賽 outpool時的畫面,不過這個”警示”,卻讓Elven心裏開始有個念頭形成。這時L-hall亦完成cheers,Elven便和其他hallmates一同離開了。
 
 
「今日dem得幾好呀~」夜晚Elven msn Rachel。
 
Rachel:「日練夜練想唔好都難啦...不過我開始明白你琴晚講嘅嘢喇,唔知點解跳完係有啲開心同興奮,同埋同其他人個bonding真係好似強咗~」
 
Elven:「都話㗎啦!我點會老點你呢~」
 
「果然係大師兄~」Rachel心服口服。
 
Elven:「話時話,你入咗籃球隊後想唔想打得好啲?」
 
Rachel:「梗係想啦!」


 
Elven:「咁以後盡量每星期搵日我同你去練波啦,私人授業唔收錢~」
 
Rachel:「咁好?多謝喎team captain!不過一星期一日會唔會太chur?」
 
Elven:「會㗎,唔係話每個星期一定要嘅,不過盡量啦,唔想見到你兩年後輸咗喊呀...」
 
Rachel:「攪錯呀! 咁快咒我㗎,哼!」
 
(唔係想咒你,只係今日見到個情境實在太真實喇,我唔想將來見到你咁...) Elven心裏在想。
 
 
不久後電話響起,是Ada打黎。
 
「Honey做緊咩呀?」


 
Elven:「無呀,係房hea緊休息咋...」
 
Ada:「我啱啱趕完份功課lu,一陣會去樓友房飲嘢吹水~」
 
「又飲?夜夜笙歌咁喎你,自己小心啲呀...」Elven開始想像到Ada在英國的生活到底是如何。
 
Ada:「唔係呀,一星期最多一兩次咋嘛,放心啦,今晚阿Yan都去呀~」
 
「哦...」Ekven不置可否。
 
Ada:「原來佢男朋友都係游水㗎,仲要係港隊,不過佢話男友成日無咩時間陪佢...」
 
「我女朋友唔係港隊但都無咩時間陪我...」Elven襯機開玩笑訴苦。
 


「邊係呀!今個星期六陪你?而且嗰日阿Yan難得約咗男朋友之後唔會返黎hall,你可以stay overnight呀~」說到後半句Ada故意調低了聲線。
 
「真係?好嘢!」Elven聽到後立刻變得興奮回復精神。