「Here?」Rachel MSN Elven。
 
Elven:「Yes ar」
 
Rachel:「我岩岩同Daniel嘈完大交呀...」
 
Elven:「發生左咩事?」
 
Rachel:「上次其實都想同你講,近排同佢好似越黎越少野講咁...好多時見面都相對無言,然後要格硬搵d野講咁...」
 




Elven:「幾時開始架?」
 
Rachel:「感覺應該係佢上左大學後無耐開始,初初都係輕微狀況,但近排就好似越黎越嚴重...」
 
「可能係大家生活圈子同摸式都唔同左太多,大家都唔太get in到對方嘅生活,得唔到共鳴結果就越黎越唔想講?」Elven嘗試找出原因。
 
Rachel:「可能啦...感覺佢一無mood對我就好冷淡,有時同佢講野都無咩反應,慢慢攪到我都無埋野講... 前排我同佢傾衣個問題,佢話佢會留意,會努力改善。不過今晚同佢食飯,情況又係咁,可能我唔開心個樣有d面黑,跟住佢就嬲左我,我未見過佢咁嬲架...」
 
Elven:「咁佢有無講嬲d咩?」
 




Rachel:「嬲我睇唔到佢嘅努力,嬲我成日唔開心,嬲我為衣d野黑佢面...佢最後仲話不如大家暫時唔好見住冷靜下先...我好驚呀...」
 
「唔好驚住先,要冷靜下先其實好平常,男仔同女仔始終有d唔同,好多時需要自己靜下解決問題。最緊要係你見唔見到佢有努力緊先?」Elven嘗試安慰道。
 
Rachel:「咁有時都有嘅,但真係一時時好睇佢心情...」
 
「佢近排會唔會有其他野煩緊?」Elven嘗試再思量有沒有其他外在因素影響。
 
Rachel:「有時見佢心情都唔太好,佢屋企係有D事煩緊,但又唔太想我involve...」
 




Elven:「咁咪係囉,比D時間佢啦,佢冷靜完諗通左就會搵返你架喇~ 」
 
Rachel:「係咪真架?我驚有排都等唔到...」
 
Elven:「5日,最多5日我肯定佢會搵返你!」
 
Rachel:「真係? 唔好氹我喎!」
 
「信我啦~都唔好睇少佢對你嘅感情先得格,如果最後佢無嘅我應承你任何一個能力範圍內嘅願望或者請求!」Elven寫下包單。
 
「哈,好呀,你話架!」Elven的定心丸明顯有效,Rachel心情好回不少。
 
 (Daniel我為左氹你女朋友講到咁大你唔好令我失望呀...) Elven心裏暗地在想。
 
「而且真係唔駛驚喎,上面仲有個大佬睇住你架嘛,唔係咩?佢自有佢嘅安排架啦~」驚效果不夠Elven再拎埋耶穌出黎。




 
「係係係~ 多謝你呀,同你傾完我心情好返好多喇...」Rachel真心多謝Elven。
 
Elven:「客咩氣呀,我講過我永遠係你最強後盾架嘛~」
 
「我應該真係要好好感激Susan令我識到你,雖然識左你都未夠兩年,但成日感覺好似都係far longer than that...」Elven窩心的說話讓Rachel也變得感性起來。
 
「成語都有講一見如故嘛~ 人同人之間嘅感情有時真係好奇妙好難解釋... 有D人明明可能只係認識相處左一段短時間,但偏偏就一世都忘記唔到...」Elven忽有所感。
 
「嗯...不過你講緊邊個? 電視劇?」Rachel突然有種同感,但又好奇Elven意指是誰。
 
「哈哈,唔知呢...亂up啫~」Elven也不知道自己為甚麼突然會說出那句說話。







一日復一日,正當Elven也開始擔心自己拍心口保證的事沒有發生時,幸好Daniel最後亦沒讓Elven失望。
 
「先知Elven,真係比你講中! 佢岩岩搵返我仲同我係咁say sorry添呀~」在第五日Rachel MSN Elven。
 
「呵呵~都話無點你架啦! 不過都要徹底解決個問題先得架,如果你見到佢真係有努力,就算outcome未必係最好,都要比下appreciation佢呀,唔係佢會覺得努力左都得唔到任何認同會frustrate,然後又無心機繼續努力架喇...」Elven放下心頭大石。
 
Rachel:「知道!」
 
Elven:「乖喇~」
 
Rachel:「明天你籃球隊第一場喇喎,預備成點呀?」
 
「對手唔強,應該無問題嘅~」Elven滿有自信。
 
Rachel:「Annie已經捉左我明天陪佢睇...」




 
「你好唔願意咁喎...」Elven表示不滿。
 
「邊係呢~梗係要黎捧師傅場啦~」Rachel態度立刻180度改變。



第二天的比賽,跟正史一樣在Elven和Jacky努力下C-hall完全展輾壓對手大勝60:28,成為了奪冠大熱。不過當比賽完結後Elven卻發現Annie身邊沒有了Rachel的身影,心裏有微微的失落感。
 
「你今日好勁呀!」晚上Rachel msg Elven。
 
「對手唔強嘛... 不過比賽完唔見左你嘅?」Elven襯機問道。
 
Rachel:「因為約左Daniel所以睇完第三節我就走左lu...」
 




「果然係有異性無人性呀下~」其實Elven有微微的失望。
 
Rachel:「見你地領先咁多都實無問題啦~」
 
「咁同佢食飯開唔開心呀?」Elven關心回Rachel。
 
Rachel:「開心~大家都主動講返多野左」
 
Elven:「咁就好~  之後大家一齊努力入決賽啦!」
 
Rachel:「好!」
 
接下來L-hall和C-hall都越打越好,首先進入決賽的是Rachel的L-hall。而當C-hall準決賽的前一個晚上,Rachel卻突然主動找了Elven出來。
 
「衣家得唔得閒落一落黎樓下?」
 
Elven:「得呀,做咩?」
 
Rachel:「有野想比你呀,五分鐘後見~」
 
碰面後Rachel拿了一個紙袋給Elven。Elven打開一看是一個新買的足踝護踠。
 
「護踠?」Elven驚奇問道。
 
「係呀,你明天比賽戴住佢啦」Rachel用半命令的語氣。
 
「但我都無帶一段時間喇喎...」Elven有點猶豫。
 
「戴啦,唔知點解我有d唔太好嘅預感,你當係上次應承我會滿足我一個請求啦。」Rachel用半氹半求的語氣。
 
「但上次係我贏左喎...」Elven抗議加澄清。
 
「我唔理呀! 你乖乖地戴啦,好無?」Rachel索性唔講道理。
 
「好好好...多個保護都好嘅~ 多謝!」感受到Rachel一翻心意Elven也不再拒絕。
 
「乖喇!」
 
「咁除左衣個仲有無其他鼓勵?」Elven又口花花調笑道。
 
Rachel:「哈,你仲想要咩鼓勵?」
 
Elven:「唔知呀,可以刺激下我士氣嘅野囉~」
 
Rachel:「鼓勵留返你拎冠軍先比你啦~」
 
Elven:「又好~」