進入hall life最後倒數,這天Elven和hallmate 食完tea後回到hall附近看見Rachel正在巴士站等巴士,神色有點不安。
 
「去邊呀? 做咩面色好似唔太好咁嘅?」Elven走過去問道。
 
「岩岩Peter打比我叫我盡快去PolyU 果邊,話佢發現左Daniel一D野想我親眼見証,但又唔肯講咩事淨係叫我快D過去… 我有D唔好嘅預感…」Rachel有點擔憂答道。
 
「咁大鑊? 反正我無野做,陪你去?」Elven主動提議。
 
「好…」
 


 

去到Poly,Peter見到Elven有點驚訝,不過沒有多問便把他們帶到Poly的宿舍。
 
(咦…衣層咪Ada住果層?) Elven心想。
 
走到一間房門口,Peter突然對Rachel說
 
「Rachel你要有心理準備… 一陣間你可能好難接受,但我覺得你需要知道…」
 


Rachel走到房門口,然後依稀聽到一些男和女的喘息聲及呻吟聲,男方的聲音很熟悉。
 
「Daniel…好舒服呀…再入D…」一把女聲說道。
 
男方身份得到確認Rachel呆立當場…
 
「阿Yan 你真係好正…」
 
到女方身份得到確認Elven同樣呆立當場…
 


(Daniel同阿Yan? 點解會佢地會攪埋一齊?)
 
不過震驚之餘Elven更關心Rachel的情緒,望向她時看見眼淚已經開始在她眼框打轉…
 
Rachel沒有選擇立即拍門,而是過了一會等自己完全準備好才再敲門,她要親眼見証。
 
聽到敲門聲,房內的聲音戛然而止。再過了一會,門口打開,一個美妙絕倫但明顯紅潮未退的女子出現在Rachel眼前。
 
女子看見Rachel、Elven和Peter在門外,霎時間猜到是怎樣一回事,不過還是故作鎮定問道
 
「咩事?」
 
「Daniel呢?」Rachel冰冷地問道。
 
 


「Rachel…」知道東窗事發無處可躲,Daniel亦終於從房裏走到門口。
 
「點解…」Rachel已經控制不住淚水。
 
「我…對唔住…係我錯…」千這萬語,彷彿這刻全說不出口,Daniel只能講出這幾個字。
 
「點解你要咁對我!」說完Rachel便轉身拔腿逃走。
 
看見Rachel跑走,Daniel想追但又很快停了下來。發生了這樣的事,追到自己又可以說甚麼? Elven本身也想追,但他覺得更需要先了解到底發生了甚麼事於是便示意Peter去追而自己留了下來,因為這二人他也認識,說話應該比較容易。而這時由於動靜開始有點大,其他宿生亦開始打開門探頭了解發生甚麼事,包括隔了幾間房距離的Ada。她看見Elven便也走了出來。
 
「你地打唔打算話比我聽到底發生咩事?」Elven望著Ada點了一點頭後便望著Daniel和阿Yan問道。
 
「入黎先講啦…」見越來越多人探頭張望,阿Yan說完便轉身走回入房內。
 
於是四人便走進Yan的房間各自找了個位置坐下來。但由於不知怎開口,房裏陷入了詭異的寧靜。


 
「我地唔知點講起…不如你問我地答啦…」過了一會還是阿Yan先開口道。
 
「你地係點識? 幾時開始?」Elven問道。

 
原來事情發生在阿Yan和男朋友分手後一段時間。有一天,阿Yan和Ada在校內Canteen午餐時,碰巧撞見了Daniel和Peter,於是Ada便為他們互相介紹,還坐在一起進餐。
 
「Ada你同Daniel熟唔熟架?」飯後阿Yan走到Ada房問Ada。
 
Ada:「唔算熟呀,之前跟Elven返教會見過幾次叫做識囉。」
 
「哦…感覺佢幾靚仔幾可靠咁。」阿Yan有點失望。
 
Ada:「你有興趣? 雖然你對其他男仔有興趣我好替你開心,但對唔住我都係要潑你冷水因為人地已經有女朋友… 反而Peter無呀你可以考慮下~」


 
「Oh really? 佢女朋友你識唔識?」阿Yan自動ignore 了Ada最後那句說話。
 
Ada:「識…其實你都見過」
 
Yan:「幾時?」
 
「你記唔記得上次Elven同一個女仔參加歌唱比賽? 咪就係果個女仔囉…」Ada想起不好的回憶。
 
Yan:「原來係佢! 咁又真係幾靚女喎~」
 
Ada:「咁平心以論,我覺得你靚D~ 不過佢地感情應該幾好,所以你都係諗第二個啦…」
 
「哦…」
 


(係咩? 我又覺得佢地感情唔係咁牢不可破喎…唔係點會同Elven唱得咁有感情?) 阿Yan心裏卻默默在想。
 
不得不說,Elven來到這世界後還真是擁有了一把烏鴉口。阿Yan在被阿東重傷後性格和價值觀都產生了轉變,本著別人受傷好過自己受傷,她不再相信愛情,慢慢轉化成為一個player,而且本身守身如玉的她在失身後亦完全放下了自己的道德觀念,並不介意和對方發生關係。雖然她也有自己的要求,不至於成為公廁,但只要是她看上了的,她並不介意運用自己的姿色去引誘一下對方。若果不是顧念Ada對自己的情誼不想傷害Ada,她甚至會嘗試向Elven下手。不過對於Rachel,明顯她沒這顧忌。
 
“兩人感情如果係好,我點都唔會介入到,但若果係唔好,咁咪當幫佢地早日認清事實囉。”
 
她是這樣的想。
 
在拿了Daniel電話和MSN後,她有意無意間會聊Daniel傾計,耐心尋找和等待一些突破點。而由於阿Yan真的長得很漂亮,所以Daniel雖然可能察覺到Yan有時會過份主動,他也只是盡力保持適當距離但又沒有完全斷絕溝通。隨著日子過去,Daniel和Rachel的關係總會有低潮期,例如之前一段時間Rachel時常不開心,怨Daniel少野講等等… 那些爭執和不愉快給予了阿Yan機會。
 
在Daniel和Rachel一次吵架後,碰巧阿Yan主動聊Daniel傾計。彷彿需要一個渲泄口,那晚Daniel放下了所有顧忌和阿Yan談了很久的天,把自己所有不快和煩惱都告訴了阿Yan,而其中一個不快竟然是他原來也有擔心Rachel和Elven走得太近,但又不想顯得自己小氣所以從沒對任何人說過。阿Yan本身以前就是一個很善解人意的女仔,所以Daniel每次和她說話期間心情不知不覺間亦得到平伏。自此,再沒有自我約束下二人慢慢成為了好友暗地裏經常互相聯絡對方。