是咁的，我同女神做咗鄰居: 52.

「有冇好啲呀？」我擔心地問。

 「唔...好似冇咁痛。」

 「原來呢個方法真係Work，之前教練講過要點樣應付扭傷，但係一直都冇機會試， 宜家終於有個人比我試下，真係好。」 

「啫係你宜家當我係白老鼠啦喎？」

「咦，識講笑啦喎，唔嬲我啦？」





 我聽到她這樣說後頓時放下了心頭大石， 

因為她終於不是以毫無高低起伏的語調來跟我說話。 

「嬲㗎，唔理你囉好冇？」她裝作生氣地說。

 「唔好唔好唔好，我講下啫。」我急忙說。

 這時，教練終於過來，觀察啊童的情況。





 「唔，啊言你竟然記得我講過既野，算你啦，做得好好。」教練說。

 「我過嚟係想同啊周...周...」 

「周樂童。」我提醒他。 

「係係，我過嚟係想同周樂童講，恭喜你入選我地羽毛球隊。」 

「多謝教練。」啊童連忙向教練道謝。





 「唔洗多謝我，係你自己既實力令到你入到我地既羽毛球隊，唔怕同你講，你係我見過咁多個女仔嚟講，打得最好既一個。你之前係咪有出去學過羽毛球㗎？」教練問。

 「係啊，我由小二開始就學打羽毛球㗎啦，應該都差唔多打咗六年。」 

「唔怪得知咁勁啦，嘿嘿，不過都係輸咗比我。」我插嘴說。

 「咩輸比你啊？如果唔係我扭親，個球我救到㗎！」

她激動得差點站了起來，幸好我及時按住她。

 「得得得，你贏晒。」

 「咳咳。」在旁看著我們打罵的教練這時提醒一下我們他的存在。

 「對唔住對唔住，教練你繼續講。」我說。





 「咁周樂童你將會成為我地女仔既後備球員，因為我地女仔同男仔情況一樣，都係唔夠人，所以你要去同啲Form 5師姐一齊打A Grade。」

 「冇問題。」啊童說。

 「好啦，咁唔阻你兩個啦，你休息下。」教練笑著說。 

「喂唔係呀教練，你誤會咗啦，我同佢冇野㗎。」啊童急忙澄清。 

「冇話你兩個有野呀，唔阻你地傾計咋嘛。」

「不過可能係襄王有夢，神女無心啦哈哈。」教練臨走前說多句。 

我聽到後，內心就像比人看穿了一樣，

我不自在地低下頭， 

而啊童就一直坐著，一言不發，

大概是正在想教練那番說話的意思。 

過了差不多十分鐘後，我把水動樂拿走，

不再為她冷敷，轉為幫她按摩。 

「喂唔洗啦，我冇咁痛啦。」啊童看到我打算幫她按摩後說。 

「冇所謂啦，幫你按下會快啲好丫嘛，同埋我應承過你啊爸要照顧你㗎。」 

「真係唔洗你幫我按喎。」 





「你怕我辛苦啊？」 

「唔。」她點了點頭。 

「唔辛苦喎，我好Enjoy喎，幫你按下又順便抽下水。」我看著她的美腿奸笑著說。

 (利申小弟絕對係正人君子，如果唔係同啊童咁熟我係唔會咁講野既。) 

「望...望咩啊你！死變態啊！！！」

她想縮開自己的一雙腿，但卻比我死死地按著。 

「嘿嘿嘿，你就算叫破喉嚨也沒人理你㗎啦。」我說。





 「放開我啊！！！」她開始掙扎。 

「你乖乖地唔好郁咪得囉。」我說。 

「啊！好痛。」她突然面容扭曲地說。

 擔心會令她傷勢加重的我立即縮手。 

看見我縮了手，

自己奸計得逞的啊童立即伸起沒有受傷的右腿，

並一腳踢向我的心口， 力度大得令我整個人向後跌。 

「哈哈哈，仲唔比我踢死你個死咸濕佬？想蝦我，冇咁易。」 

「喂啊童，我都係玩下啫，駛唔駛咁大力啊？」我瞓在地上，捂著心口問。 

「哼！邊個叫你係咁望我隻腳，又捉住我丫？」 

「唉，我好心幫你，仲比你踢。唔玩啦唔玩啦，真係幫你按摩啦。」我坐起身說。

 「你識咩？」 

「抽水咋嘛，有咩唔識？」

 「妖！認真呀，你得唔得㗎？」 

「得㗎啦，信我！」我胸有成竹地說。

 啊童聽到後也不再反對我幫她按摩， 

於是我便開始了。 

「痛唔痛啊？」我溫柔地問。 

「痛痛痛...細力啲。」啊童回應我。 

「好好好，幫緊你幫緊你。」於是我便調整力度。 

「宜家呢？」 

「好啲啦。呢個力度啱啦。」她滿意地說。 



跪求大家Follow我既IG: MaanYin05