是咁的，我同女神做咗鄰居: 53.

我就這樣一直幫她按，直至到毛毛過來。

 「喂啊言...咦，都係唔阻你地啦，你地繼續啦，當我冇嚟過得㗎啦。」他看到我正在幫啊童按摩後不好意思地說。 

「做咩啊？你講啦。」我說。 

「冇，原本諗住問下你一唔一齊打返場，比我報仇，不過你宜家好似唔係好得閒咁，所以就算啦。」他說。

 「你去打啦，你都幫我按咗咁耐啦，得㗎啦。」 





「咁我去㗎啦。」 

「去啦，我睇你打。」啊童甜笑著說。

 「好丫，你睇住我點樣打贏呢件柒頭。」我自信地說。

 「係喎，講咗耐都未知你個Friend叫咩名添。」啊童說。 

「哦，呢條柒頭叫毛毛啊。」我對著啊童說。





 「呢個打波打到殘廢咗既女仔叫周樂童。」我轉過頭向毛毛介紹啊童。 

「你就殘廢啊。」啊童大力拍打我的手臂說。 

「哎呀我隻眼盲啦，你地唔好再放閃啦。」

「邊...邊個同佢放閃啊？你地唔係去打波咩，去啦。」啊童紅著臉說。

 「嗱咁你自己休息下啦。」我邊起身邊對啊童說。





 「得啦得啦，長氣。」

 「行啦毛毛。」 

於是我便跟毛毛打多一場比賽，

 而啊童則在一旁觀看。 

經過一輪激烈的鬥爭，比賽來到最後一分，

 「加油啊！贏埋佢啊，爭一分咋。」啊童在場邊為我打氣說。

 我回頭向啊童點一點頭，

然後便發球， 結果我以放網打走了勝利。





 「Yeah！！！」坐在椅上的啊童看到我贏了後，

被我還興奮。 我回頭對著啊童一笑。

 「好，今日差唔多啦，你地可以返屋企啦。」教練這時候說。

 「啱啱好打完就走得，真係好。」我看著正在對面走過來的毛毛說。

 「唉，又輸比你。」毛毛搭著我的膊頭說。 

「咩又啫，預咗輸㗎啦你。」我說。 

「收皮啦。睇我下次仲會唔會輸比你。」毛毛跟我邊行邊說。





 「睇嚟你氹返人啦喎。」

他看向啊童，突然話鋒一轉。 

「我都估唔到原來咁易就氹得返佢，仲等我之前又買糖比佢食，又一朝早起身等佢出門口，原來我要做既，就只係幫佢按下摩，佢就會原諒我。」

我笑著說，卻忘記了啊童就在我們前方不遠處。 

「我！聽！到！㗎！我都冇話原諒你，我同返你講野唔代表我唔嬲你㗎。」

啊童聽到後立即說，

我相信若非她的腳扭傷了，她一定會走過來打我。 

「咩啊，唔係話頭先我同你場比賽，如果我贏咗你就原諒我咩？」 





「哼，我都冇應承你，況且如果唔係我跌親，個一球我一定接得到。」啊童耍賴地說。

 「係係係，你贏你贏，你最勁。」我恭敬地說。

 「哼，算你啦。」啊童說。 

「唔阻你兩個二人世界啦唉，我呢啲單身狗就走先啦，你地自便啦。」

說罷，毛毛頭也不會地走了。 

「喂，都話唔係囉，你...」啊童著急地說。

 「算啦，佢都走咗咯。走未啊我地。」我問。 





「走囉，都成六點啦，要返屋企。」 

「但係你行唔行到啊？」我擔心地問。

 「應該得既...」啊童嘗試站起來說。 

「唔好格硬嚟啊你。」

「得㗎我，行啦。」她強忍著痛楚，一枴一枴地行。

 「扶住我啦。」我抓著她的手，放在自己的肩膊上。

 好不容易，我們終於走出了羽毛球場， 

「終於出到嚟。」啊童說。

 「但係你咁樣都唔係辦法喎，你行得咁慢，十點都未返到屋企啦，前面仲要落山，先至到我地大廈附近個條街。」我說。 

「你即係嫌我行得慢啦！咁人地隻腳好痛丫嘛，你嫌我慢你咪走先囉。」啊童扁著嘴說。

 「我都話咯，我係唔會揼低你一個㗎。唔...不如咁啦，我孭你。」我停下來認真地說。

 「吓...唔洗啦，我得喎。」啊童似乎比我這個提議嚇倒。 

「上嚟啦。你睇下你，個樣咁辛苦，仲死撐話自己冇野。」

我把書包孭在前方，走到她身前蹲下，

好讓她能騎上來。 

過了片刻後，我見啊童遲遲未動，於是便開腔說。 

「快啲上嚟啦大佬，維持呢個姿勢好攰㗎。」 

「你得唔得㗎。」啊童擔心地問。

 「你再唔想嚟我就真係唔得㗎啦。」我說。

 「小心啲喎你。」她說完後便跳了上來。 

沒有預料到她會突然跳上來的我，

一時之間失了平衡，幸好我平衡力一向不差，

 才不至雙雙倒地。 

「喂小姐，你可唔可以唔好突然跳上嚟，你可以慢少少㗎。」站好的我說。

 「對唔住囉。」啊童伸一伸舌頭說。 



跪求大家Follow我既IG: MaanYin05