是咁的，我同女神做咗鄰居: 97.

「掂喎啊言！又比你贏到人喎。」啊正說。

 「哼，實乜講。」我說。 

「收皮啦你，如果唔係有我地嚟同你打氣...你輸咗啦。」Marcus舉著那個橫額說。

 「你地真係痴線㗎，整張咁既野出嚟，你有冇望到對面隊頭先望我地個眼神啊？」我苦笑著說。

 「係咪覺得好靚呢，我提議㗎！」Suki說。





 「係啊係啊，多得你地，全個球場既人都知我叫萬浩然啦。」 

我掃視全場一遍，總覺得有人正為這張橫額而恥笑著我們。 

「如果唔係要整呢個橫額啊，我地原本係可以好準時到㗎。」肥強說。

 「吓，啫係你地係放咗學先有整橫額呢個Idea㗎？你地唔好一早就諗住嚟同我打氣㗎咩？」我問。 

「緊係唔係啦，啊童話嚟同你打氣吖嘛，咁我咪跟住佢嚟囉，佢地知道我地嚟之後，又話要一齊跟埋嚟，咁跟住我就提議整個Banner幫你打氣，於是幾條友就跑落去文具鋪到買野再整囉。」Suki說。 





「啫係如果唔係啊童話嚟，你地都唔會嚟啦。唉，對你班兄弟十分之失望，都係啊童對我最好。」

我看向一直笑而不語的啊童。 

「有冇用啊我教你啲野？」沉默已久的啊童開口問。 

「唔。」我用力地點一點頭。 

「咳，大家埋一埋嚟先。」教練這時開腔說。





 「一陣先再傾。」我對他們說完後便去了集合。 

教練循例Briefing，

說說剛才可取及不足之處，說完後很快便解散了。

 「啊言，我地諗住一陣去慶功啊，你嚟唔嚟啊？」其中一位隊長問我。 

「吓...唔啦。」我看向啊童。 

「哦，同女朋友慶祝啊？唔阻你啦咁。」隊長說。

 「殊！唔好俾佢聽到你咁叫佢。」我立即說。 

「得啦得啦，開心啲啦，今日打得幾好，去慶祝啦。」隊長說。





 「Bye Bye。」我說完便走向啊童。

 「喂啊言，我地一齊去食夜晚飯慶祝下好無啊？」啊童問。 

「好啊，大家一齊㗎嘛？」我問。 

「我得啊。」魚蛋說。

 「喂！」Suki打了他的頭一下。 

「做咩啊又？」魚蛋憤怒地問。 

「你比個機會人地二人世界啦，咁唔識做。」Suki奸笑著說。 





「乜野啊！！！Suki！！！你又亂講野。」啊童說。 

「對唔住大佬，我突然諗起我一陣有啲野做唔得閒，嚟唔到同你慶功。」魚蛋聽到後立即說。

 「我地都唔係太得閒。唔嚟啦哈哈。」Suki再補上一句。 

「喂唔係喎，我冇所謂喎。」我說。 

「得㗎啦，兄弟既野，明㗎啦，在心中。」啊正拍一拍我的心口說。

 「嗱嗱嗱，我地兩個冇講過想二人世界㗎，係Suki講咋，我地真係OK㗎，你地可以嚟㗎。」啊童急忙澄清。

 「點好意思呢，阻人扑野要燒春袋㗎，雖然我冇啫...嘻嘻。」Suki說。

 「你又講咗去邊啊Suki，唔好再亂講野啦。」啊童鏈著Suki的頸說。





 「你咁大反應...唔通你比我講中咗~」Suki無懼比啊童鏈死的風險，繼續說下去。 

「收聲啊Suki！！！」

 Suki聽到後不再說話，只是咯咯的笑。




跪求大家Follow我既IG: MaanYin05