是咁的，我同女神做咗鄰居: 186.

之後我們便在街上隨意遊蕩，反正我們出街的原意也只是陪啊童走走。

「入去睇下筆吖。」途經一家文具鋪時，啊童拉著我的手走進去。

我當然沒有異議，只要她想逛我就會陪她。

啊童在放筆的架前，不斷試用不同的筆，

在供我們試筆的紙上畫公仔。





「有冇咁好玩呀？你就快畫到人地啲筆冇哂墨啦。」我沒好氣地看著她畫畫。

「邊有喎，人地支筆咁多墨，我都係畫兩筆啫。」啊童扁了扁嘴說。

「畫多兩畫就冇哂㗎啦，仲要畫得咁樣衰。」

「你！話！咩！話！邊忽樣衰，勁靚囉好冇？」

「真係唔好意思喎，完全睇唔明你畫緊咩，有冇興趣同我解釋一下先，呢個係咩嚟？」我指著紙上其中一個由她畫的「畸形」人。





「食屎啦你，咁都睇唔出，咪米奇老鼠囉。」啊童笑著推了我一下。

「原來係抽象派大師，失敬失敬。」我雙手抱拳。

「你嚟試下畫吖，咁多嗲...明明我畫得超靚囉好唔好。」啊童強行把筆塞進我的手中，示意我畫一次米奇老鼠。

「畫咪畫囉驚你呀？」我自信地在紙上揮筆。

不出一分鐘，我就畫完了，而就在我停筆那一刻，我開始後悔剛剛這樣嘲笑啊童，





原因無他，原來真係好L難畫㗎仆街！！！

我以為米奇老鼠就咁勾畫返個外形出嚟就得，點知剩係呢一步我都做唔到，

唉，鬼叫自己畫畫無天份個視藝老師又廢咩。

「嘩真係好~靚呀，原來你都係抽象派嚟㗎？睇嚟你嘅畫風應該資歷深遠過我好多喎，失敬失敬，呢幅簡直係垃...吖唔係，係Masterpeice呀~」啊童火力全開，不斷恥笑著我。

「收皮啦屌你，明明你嗰隻嘢就唔好得去邊。」

「你盲㗎？乜嘢叫『我個隻嘢』呀，係好可愛又得意嘅米.奇.老.鼠.呀。你嗰隻就真係唔知乜嘢嚟啦，痴埋一舊咁，連呢個係頭定身我都睇唔出呀！」

「一係咁，我擺上IG，叫人投票！我啲Follower嘅眼睛係雪亮嘅！到時睇下邊個靚啲囉。」

「好呀，擺咪擺囉，驚你呀？」啊童向我做出一個鬼臉。





「唔得，剩係你擺咪唔公平囉，我都要擺，同埋唔準寫明係邊個畫，咁樣佢地先至會可以公正持~平去作出決定。」

「無所謂，反正最後一定係我多啲人投。」我胸有成竹的說。

「哼，睇下到時係邊~個輸？」

我倆拍下紙上的畫，再各自放上IG Story，待啊童上傳了後，我立即按進去然後投自己一票。

「喂呀，乜你咁奸茅㗎！」啊童大力扭我耳仔。

「咩奸茅呀？我係真心覺得自己畫得好啲，得唔得吖？」

「食屎啦你，等我又去你嗰度投返自己一票先。」





「咦...冇嘅？」

「嘻...唔好意思，我Set咗唔俾你睇到呢個Story，所以你係投唔到票㗎！哈哈哈！」我仰天大笑。

啊童大力一腳踢過來。

「痴線你病都咁大力嘅？」

「你廢咋虧佬。」

「你講咩呀？信唔信我將你就地正法吖嗱？」








跪求大家Follow我既IG: MaanYin05