是咁的，我同女神做咗鄰居: 257.

「我地應該要Check in咗先？Check in完先再搞其他嘢？」我問。

 「都仲有十幾分鐘嘅，不過都好，Check in咗先。」啊童答完便去了櫃檯辦理手續。

 哈，就係呢啲咁嘅moment，

又係我展示自己男性力量嘅時候。

 我大喝一聲，氣運丹田，手部肌肉使勁，

單手提起行李喼放到運輸帶上。 

看著那地勤人員驚訝的表情，想必心裏是羨慕著啊童有幸身邊有個如此好的男朋友，

同時驚嘆著天下間竟有此般男人，懊惱著自己生不逢時遇不上我，

不然看在他英俊的臉孔份上，我也是可以改變自己性取向的。

「先生唔好意思呀，個行李喼有扶手個邊要向上。」正當我還陶醉於自己剛才的行為之中時，那地勤人員一句on9就把我美滿的幻想給打破了。





 我抬頭看一看運輸帶上的行李，呀屌頭先懶型單手擺真係擺錯邊。

 「哦係喎，唔好意思一時無為意。」我唯有將那個行李喼反轉。

 事已至此，留在櫃台前亦無補於挽救我的形象，

我斜眼看了看身後的兄弟們，鬆了口氣，

好L彩佢地見唔L到呢件柒嘢。





 而在我的旁邊的啊童，看到這一幕後也忍俊不禁，笑了出來。 

「唔準笑呀。」我伸手按住她的嘴不讓她笑。 

「妖，邊個叫你衝出嚟柒啫。」她撥開我的手。

 「你慢慢喇，我逃離一下呢度先。」 於是我便默默地退回去，不再在那空間逗留。

 不出一分鐘，啊童便已處理好所有事情，離開櫃枱走向我們。

 「搞掂晒喇，而家距離入去仲有幾個字...」 

「啱喇，就到咗交換禮物嘅時段喇。」Suki未待啊童說完便直接打斷了啊童。

 「吓咁快...」 





「係㗎喇，而家交換差唔多㗎喇，就我先啦。」Suki說罷便從袋中拿出一個盒子。

 「嗱，俾你嘅，唔準拆開住㗎，入面有封信同禮物，你過到去先好打開呀。」Suki再三叮囑啊童不要拆開那份禮物。 

「好喇到下個，就啊言你啦。」Suki隨手一指，指著我說。

 「咁心急做乜啫，我都未俾嘢你。」啊童在袋中拿出一封信來。

「一樣啦，我走咗你先好拆呀。」 

究竟點解要走咗先拆得啫，又唔係啲咩唔見得光嘅嘢，真係奇怪。

 「好喇今次真係到下個喇。」她看向我。





 「呢份嘢就勁喇，我用咗幾日去整㗎。」我自豪地把那個放有精美相簿及手寫信的袋子拿出來交到啊童手中。

 「嗱，你封信，唔！準！睇！住！㗎！」她刻意加重語氣。

 「得啦得啦唔睇唔睇。」我隨便回應著她。





跪求大家Follow我既IG: MaanYin05