是咁的，我同女神做咗鄰居: 258.

兄弟同啊童交換呢啲就唔詳細交代啦，反正你只要知道啊童同每一個人都講過同一句說話，

就係而家唔準睇住。 

都唔明有咩咁神秘，唔俾得人而家睇，

送得就預咗會睇㗎啦。 

「搞掂。」啊童把那裝有信的袋子給收好。





 「啊童，我想去廁所，陪我去吖。」Suki未待啊童回應便已挽著啊童的手臂行向廁所。

 「唉咁我地都去個邊等佢地啦。」我說。

 「係呢個咁好嘅時機，仲唔係拆信嘅好機會！？」在廁所門外寂寞到夜深的我突然想起剛交到自己手中的信。 

「你唔驚又被阿嫂打咩？臨走都仲要激佢一次。」魚蛋看不過眼說。 

「屌你收皮啦，睇下咋嘛。」我無視他的勸阻，直接把信拆開。 





To男朋友：   

終於寫到你喇！呢封係我今晚最後一封要寫嘅信，

寫埋就可以瞓覺…而家已經四點喇好攰呀… 

「喂！」哈，大家都估到發生咩事啦。

 「咪講咗唔準睇住囉！」她直接從我手上搶走那封信。





 「嗱，唔關我地事㗎呀嫂，我地有勸過佢㗎。」魚蛋立即割席。 

「嘩我屌你地啦，咁L仆街嘅。」

 「我屌你呀，偷睇封信！」她大力扭著我的耳朵說。 

「唔係唔係我乜都睇唔到㗎，啱啱攞出嚟就俾你搶走咗喇。」我立馬澄清。

 「係咩？」她一副不相信我的樣子。

 「係㗎喇係㗎喇。」我試圖拿走她的手。

 「哼，我走先俾返封信你。」她沒收了我的信。

 「喂呀唔好啦…」





 「唔準再睇㗎。」 

「得啦，我想睇都無機會睇啦，你係度，係咪先？」 她聽罷想了一想後便把信遞回給我。

 「好喇，都差唔多係時候要入去喇我。」啊童看了一看手錶後說。 

「吓咁快...」Suki一臉失望地說。

 「係呀差唔多㗎喇，行過去啦。」啊童無奈地說。

 「過到去記得要寫下信比我呀。」Suki說。

 「喂，我又要我又要。」我當然不可以輸給Suki。





 「得啦你地唔好爭啦，你兩個都會寫喇。」啊童沒好氣地說。

 走過去的路程，眨眼間便結束了，

還未能說多幾句話，我們就已經到了入閘處。

 「好喇真係要走喇。」啊童說。

 怎料啊童剛說完這一句，便已被Suki一把抱著。 

她一語不發的把頭栽在啊童的膊頭上抽泣著，

雙手緊緊地攬著啊童。 

啊童見狀只好也抱著她，右手輕輕地拍著她的背部安慰她。 





怎料過了一會連原本正在安慰人的啊童也開始紅了眼框，

原本正在安撫的右手此刻已轉用來擦乾淚水。

 但眼淚一滴一滴的流出來，任她如何抹，

也徒勞無功，還累得眼睛更加紅腫。 




跪求大家Follow我既IG: MaanYin05