是咁的，我同女神做咗鄰居: 259.

她們二人哭成淚人失去說話能力，而這邊廂的我們卻尷尬地看著她們相擁而泣，

分開她們又不是，但讓她們繼續哭也不是辦法。

 Well好似我呢啲咁嘅人，嚟到呢個時候，

竟然難得咁見到Suki同啊童呢兩個成日蝦9我嘅人喊，

當然係要攞部電話出嚟好好咁紀錄低咁L感人嘅一幕啦。





 「哈，Some one cry。」我以幸災樂禍的語氣一邊錄影一邊說。

 「屌你一陣又比人打唔關我地事，你真係唔怕死㗎喎，去到呢個時候都仲有心情錄影加咁講嘢。」啊正嘗試請救我脫離兇惡。

 「喂，幾難得先見到呢個畫面呀，第時send返比佢地恥笑下佢地都好吖，況且佢地到而家都唔得閒嚟我拍唔拍片啦係咪？」我轉頭著啊正說，

手上卻不忘把鏡頭繼續對準兩位少女。

 「哈，呢個畫面真係不得了，嗚...好感人呀。」我裝哭說。





 就在這時，一直相擁的二人終於分開，

但眼淚卻未有因分開而停止落下。

 啊童低頭雙手用力地掩面，嘗試平復自己情緒，

過了一會後撥開擋著視線的頭髮，

然後用手背再次擦走淚水。 





那邊廂的Suki終於止住了眼淚，撅嘴看著啊童。 

「唉真係好鬼感人，十足一個淒美嘅愛情故事。」我笑著說出這句話。

我看著這個情境，竟比她們的行為所感染了，

想起啊童要就此離去，原本仍嘻皮笑臉在笑她們二人在哭的我，

霎時間鼻子一酸... 那情緒轉變之快，乃是我來之前未有所料到過的。

 「仆街！眼濕濕添。」我臉上依然在笑著，但眼框已經感受到有點甚麼的在裏面打轉。 

此刻我無暇顧及她們二人，也不知是出於甚麼原因，

我當時不想讓其他人看到我哭的那一面。 





於是我趁自己還能控制自己面部表情仍能強顏歡笑時，

把臉別過去，再步離他們。 

而我的兄弟看到這樣的我也沒多加制止，

只由得我步遠。

 我抬頭仰望天空，試著不讓淚水流下來。

 「言！」我的手腕突然比人拉著。

 「做咩呀？」我轉頭看著她。 





「講好咗有咩都好，都要一齊分擔㗎嘛，想喊就喊啦。」 聽到這裏，我再也控制不住，在她面前淚崩，用手掩眼低頭抽泣著。

 她輕輕拍著我的背部，但此舉卻觸動了我的淚線，

我乾脆在她面前大哭一場。 所幸過了數十秒，

我就已經止住眼淚。

 所謂大哭，

就是一次過把要哭的在短時間內都哭個夠，然後便停住了。

 「估唔到咁都會喊到...枉我頭先仲諗住搞到個氣氛輕輕鬆鬆然後瀟瀟灑灑咁送走你...點知去到最後都係喊咗...」我苦笑著說。









跪求大家Follow我既IG: MaanYin05