［愛情純愛］既然忘記唔到佢，不如試下中意我⋯？: 120. 承認了⋯！？

岑諾新淡然地望咗我一眼，就知佢心情一唔好就唔想講嘢

「岑諾新⋯！」我再叫佢一聲，佢又淡然咁望我一眼但不作回應，「有人原來係醋王⋯」

我咁樣講，好似有啲唔知死⋯佢聽到我咁樣一齊，佢緩緩抬頭直勾勾地盯着我，我莫名其妙地有啲唔自在同心虛

「咁⋯我都係講事實咋嘛⋯！」我擺出一副理直氣壯嘅表情，「人地只係扶一扶我咋嘛，又唔係我叫佢嚟扶我，我點知佢會喺度啫⋯！醋王⋯」

「你講多次？」岑諾新終於開口同我講嘢，不過總覺得好似去咗雪山一樣有股寒意



「我話你係醋王⋯！」我有啲心虛，講嘅時候都唔敢望佢，「明明知道我係唔小心，但仲要嬲我⋯」

「咁你明知我會嬲，仲比人地捉住手？」岑諾新講嘅時候，我感覺到一大陣醋嘅酸味飄過

「佢捉住我隻手扶一扶我咋嘛⋯」我無奈地講道，「佢又唔係拖住我⋯」

「咁你仲想點？洗唔洗攬住你？」岑諾新輕皺起眉頭

我望住佢一臉不滿，心裏暗自歡喜，佢真係呷醋啦



「好啦好啦～唔好嬲啦～」我頓時靠喺佢嘅膊頭上蹭了蹭，「你係唔係呷醋啦？」

岑諾新撇開臉唔望我，佢好似有啲害羞，我故意湊近佢望向佢嘅正臉

「你呷醋啦？岑諾新？你係唔係呷醋啦？」我故意問道，「係唔係啫？岑諾新？係唔係啫？」

「嘖⋯」岑諾新不悅地嘖一聲，然後帶着不滿嘅眼神望我

我比佢「生人勿近」嘅氣場嚇到即刻乖乖坐好，然後微微耷低頭細聲嘟噥道：「只係扶一下咋嘛⋯又唔係我投懷送抱⋯」



「我係呷醋啦得未呀⋯」岑諾新忽然間開口承認，但係用着不情願承認嘅語氣講道

我聽到岑諾新嘅回答，嘴角不禁上揚，我抬起願望向岑諾新，佢仍然係一副不情願又冷淡嘅模樣

「岑諾新⋯！」我叫咗佢一聲，岑諾新冷冷望我一眼，我輕輕抿唇，然後喺佢嘅臉頰上錫咗一啖

岑諾新愕一愕然， 佢嘅嘴角都忍唔住微微上揚「仲嬲唔嬲？」我紅着臉頰柔聲問道

「嬲唔落⋯」岑諾新無奈地笑一笑講道

「你到底幾時開始喺度？」我見佢笑番便好奇地問道，「企咗幾耐？」

「冇幾耐，一行到就見到張景彥捉住你隻手。」岑諾新回憶起晏就嘅時候嘅情況，心裏唔多唔少都係在意，「見你好似投懷送抱咁囉。」

「我冇呀！」我靠喺岑諾新嘅膊頭上蹭兩蹭，「真係冇。」



「嗯⋯」岑諾新敷衍我回答道，「下不為例。」

「我都係啱啱先知原來有人咁霸道，係個醋王嚟～」我抿一抿唇，忍着笑意

岑諾新冇出聲，只係沒好氣咁望我一眼

「好啦好啦～你話咗唔嬲㗎～」我笑着對佢講道

「嗯⋯」岑諾新沒好氣地點頭

我湊近岑諾新，然後又喺佢臉上錫咗一啖，將下巴靠喺佢嘅膊頭上

「你仲嬲呀？冷冷淡淡⋯」我微微鼓起兩泡腮講道



「冇。」岑諾新無奈地望咗我一眼，淡然地講道

「真係冇？」我向佢再三確認，「真係冇嬲啦？真係？唔好講大話喎～」

岑諾新一下子伸手放喺我下巴，掐住我兩邊臉頰，直接湊近我喺我唇上落下一個吻後就鬆開手

「冇。」岑諾新一臉認真，用堅定嘅語氣地對我講，「冇嬲，明白未？」

「明⋯」我愣一愣，乖乖點頭，「明晒⋯」

我感覺我嘅臉熱得好似今日有40度一樣⋯我悄悄地抬眼望岑諾新，發現佢一動不動地直盯着我

「蔣倩盈。」岑諾新直呼我全名，一臉嚴肅咁對我講，「你下次試下再同佢企得咁埋，就唔係你錫我兩啖就可以解決嘅事。」

我強忍着笑意，見住佢因為呷醋而怒氣沖沖嘅模樣，就覺得佢好可愛



喺巴士到站後，我同佢行落車，我偷偷地瞄佢一眼，岑諾新察覺到我佢，佢望向我

「嘻⋯」我挽住佢嘅手臂，緊緊地貼喺佢嘅身邊

我不自覺地抬眼望佢，岑諾新沒好氣地望住我笑一笑

「我到啦～」我停低落嚟，拉住岑諾新嘅手，抬頭望佢

「嗯。」岑諾新微微點頭，「聽日見。」

我點點頭，然後轉身朝住大堂嘅門口行去，不過行先行咗幾步，就忍唔住行番轉頭朝岑諾新行去

「做咩行番轉頭？」岑諾新沒好氣地笑道



我張開雙手攬住佢，喺佢頸窩上蹭兩蹭，岑諾新輕輕地拍一拍我嘅後腦勺

「我就係想行番嚟攬你。」我都唔轉彎抹角，直接同佢講道，「就係想攬你，叫你唔好諗多。」

「我可以諗多啲咩？」岑諾新輕輕一笑問道，「我唔會諗多，我知佢只係扶你。」

「嘻⋯」我嘅嘴角稍微上揚着，「咁你又嬲？」

「下次試下我咁樣扶一扶孫慧伶，睇下你嬲唔嬲。」岑諾新平靜地講道




IG Link: https://www.instagram.com/nd_cotttoncandy/?hl=zh-tw