春夏秋冬都是妳: 五

「喂，起身喇」耳邊傳來了酥酥麻麻的感覺
我睜開雙眼看了看，樂晴就在我正上面。

這太刺激了吧...小朗朗早上那麼精神，小山丘明顯的很。我連忙用手遮掩小朗朗，卻被樂晴一手公諸於世。

「朝早生理反應，唔好意思」我真的是極度羞恥，竟然還讓喜歡的人看見了自己的命根。

「估唔到小朗朗都幾精神，嘿嘿」樂晴露出她狡猾的笑容
「痴線㗎妳...唔好搞我啊...啊啊啊啊」
「使唔使咁誇張啊，唔理你，返工lu」樂晴去廁所梳洗了


「我幫妳請左假，醫生話你過度疲勞，休息多一日先啦」我睡眼惺忪地說
「吓，我行得走得，ok喎」她質疑地說
「我都請左日假原本照顧妳，妳咪當陪吓我咯」我揉揉眼睛，看看牆上的時鐘
「訓多陣先啦唉」我立刻倒頭就睡，卻被樂晴一把拉起
「放過我啦施主」我苦苦哀求
「無 可 能！」樂晴再次奸狡地笑了
「陪我煲劇啦」樂晴說
「唔好啦，好攰啊」我在沙發上掙扎著
樂晴當然不會管我，還把音量調到最大
「得喇得喇放過我，我起身喇唉」不情不願地我還是起床了



煮早餐的職務向來都是我做的，樂晴卻在旁一直搗亂。

「加啲呢個落蛋度吖」樂晴拿起一包砂糖說
「小姐，呢包係糖喎，燒壞腦？」我問
「反正食嗰個係你，有咩所謂。講明先啊，我唔要熟蛋，我要太陽蛋」對的，打打鬧鬧之間蛋已經熟了。
「你出去坐低等食啦」我打發樂晴走

沒有了樂晴的打擾，早餐很快便做好了。
「食嘢啦」我端出兩盤做好的英式早餐


「哇多...士好味」她狼吞虎嚥著，說話模糊不清
「有無咁誇張啊...」我說
「你唔明㗎喇，食左成日白粥，口就黎唔識食嘢」他說
「今晚帶你食好嘢啦」我說
「多謝朗爺～」她竟衝過來抱著我

一日下來，什麼有意義的事都沒做，耍廢的時間佔最多。

「行啦，食好嘢啊」我說
「化埋妝先啦，等陣」她不慌不忙地照著鏡子
「化咁靚做乜鬼，又唔係去老蘭」我不屑地說
「哼，男仔就係咁片面」她拋下這一句

我和她下樓，卻不經意拖著對方的手。
我很想縮手，奈何樂晴越抓越緊。



「到喇」我說
「又係呢間...估到你啦」對的，所謂的好嘢就是樓下的萬年西餐廳。
「將就吓啦，俾我同你啲同事見到你咁精神就玩完」我說
「都好，起碼好過譚仔」她無奈地說
「照舊啦係唔係？」我問
「唔係呢？」她看著電話目不轉睛地說
「伙計一個扒餐A一個扒餐B兩杯可樂一紅一白」我說

然而，最不想出現的畫面還是出現了
「屌點解Emily又會係度㗎」我輕聲地說
對的，Emily又在門口出現了，還拖著一個臉露不耐煩的男生。
「喲，真係咁啱嘅」樂晴卻高聲地說，引起了Emily的注意
「乜咁啱啊...真係冤家路窄」Emily不耐煩地說
「帶埋男朋友仔喎......估唔到放棄我地皓朗後啲taste越黎越獨特」樂晴連環發炮



女人很恐怖。

「朗豬豬餵你一啖吖，啊...」這福利真的百年一遇
「哈哈哈哈...好啊」我尷尬地吞了那塊牛扒

似乎Emily不甘示弱地反擊。

「BB豬，我要你餵我」Emily向她正不耐煩的男朋友撒嬌
「要食就自己食啦，麻鬼煩」她男朋友不耐煩地走了
「喂啊...哼」看見綠茶敗走的狼狽，喝水的我不禁笑了

「多謝大小姐大恩大德，下場甜品我嘅」我說
「哈哈哈哈，宜家知道我化妝為乜未？」樂晴大笑
「太厲害！不過你點知佢會黎㗎」我問


「女人嘅直覺」樂晴詭異地說
「吓...即係點」我不明所以
「上次佢敗走肯定會報仇，但係肯定唔會再去譚仔啦，咁呢頭附近又無其他餐廳，唔係去呢度去邊吖」樂晴從容地切著牛扒說

女人真的有點恐怖...

吃完飯，我倆再次走在海濱長廊。
「又話帶人食甜品，想散步分散注意就真」
「食完飯咁快就甜品，行一陣先啦」我說
「咁人地真係好想好想食甜品吖嘛」樂晴可憐巴巴地說
「好啦好啦，宜家就去」我無奈地說
—甜品店內—
「啊，我又想食心太軟，又想食楊枝甘露，點算啊」樂晴向我打了個眼色
「伙計，一個心太軟、一個楊枝甘露」我說
「幾時都話朗豬豬對我最好㗎啦」她捏著我的臉頰


「喂，公眾地方啊」我說，此刻正有單身人士死死地望著我

甜品到了，不忘一貫港女本色，相機食先
「供奉完啦嘛，食喇我」我拿起湯匙打算大快朵頤的時候，樂晴阻止了我
「等我食飽你先好埋位啦」她開始吃起來了

口裡說不是心裡卻很誠實。
結果我啥都沒得吃。

「食飽喇，嗚～好滿足啊」樂晴摸摸自己的肚子
「食到成個污糟貓咁，有啲芒果汁係嘴角啊」我幫她抹去那些污跡

她臉紅了。

「行啦聽日仲要返工，童話故事咁就過完㗎喇」我拉著她走回家去
「終於可以見到嗰班百厭仔，好掛住佢地啊」樂晴雀躍地說

看到你臉上洋溢著幸福，我也很快樂。

//你快樂，所以我快樂//