春夏秋冬都是妳: 六

回歸正常生活，自然被工作壓得喘不過氣。
「葵青區想要42系列整合數據同回應，聽日要」
「948加班時間分析後日要」
「搵搵2017/18加班幅度」

「唉～今晚唔OT都無得走啦」看著時針指著八點的我，伴隨著來自肚子咕咕咕的呻吟。

「叫阿爸阿媽留飯俾我」20:04
「ok」20:06



告訴樂晴後，終於可以忘我工作了
/我最鍾意返工了/

「唉，終於做晒啲嘢可以走喇」我看著時針指著十一點的時鐘說

步出辦公室，竟見到樂晴站在門外。

「咁夜黎呢度咁偏僻，你傻左啊？」我問
「嘿嘿，出事你會救我㗎。我黎搵你食飯㗎」她興奮地拉著我說
「吓，宜家啲鋪頭都收晒啦」我說


「咁咪去麥記咯」樂晴雀躍地說
「吓，認真咩」我還在思考的同時，已經被樂晴半拖半拉地牽著走了

/肯陪你食M記嘅女仔有幾多個/

我找到了，還坐在我對面。
「板燒雞腿包，可樂，你嘅」樂晴把包遞給我
「你唔食咩」我問
「唔食啦，我食完飯先黎搵你嘅」她說
「咁你宜家做咩」


「望住你食」

樂晴是真的望著我，目不轉睛，眼皮卻欲墜下來似的。

「點啊Miss Sham，對住班百厭仔係唔係好攰呢？」我問
「無...無啊，咁啱有啲眼訓啫」玥婷口裡說不是，卻打了一個大大的呵欠
「仲話唔係攰？你都要顧住自己身體㗎」我連忙將手上的漢堡一口吃完，拖著樂晴走出麥當勞
「喂！去邊啊」樂晴一度想掙脫我的手
「坐 的 士 返 屋 企」我攔下了一部的士拉著樂晴上車
「點解又要嘥錢啫，坐巴士咪得咯」樂晴不滿地鼓起腮子
「妳唔乖咯，叫妳屋企等我係要自己出黎，又唔知自己有幾攰。你唔好彩可能就有變態騷擾妳㗎喇」我裝作生氣
「咁...咁人地掛住你嘛」樂晴越說越小聲

我嘴唇微微向上傾。
她是在乎我嗎？



「掛住我，妳可以同我講，而唔係咁夜出街搵我，咁樣我會好擔心妳㗎」我擔憂地說
「我...我下次唔會㗎喇」樂晴低聲地說
「咁咪乖咯，我應承妳聽日返黎陪妳食飯喇」

對付女生唯有以承諾，才能讓她們放心。

「到喇...」已經到家樓下了，樂晴卻早已依在我肩膀上呼呼大睡了
我緩緩地拉著她，慢慢地走回去。

「好好訓一覺啦」我替樂晴蓋上被子，轉身離開了

回到家，已經是深夜，家裡的燈火早已熄滅。我凝望著我和樂晴中學的合照，卿卿我我，卻永遠不敢跨越月老的紅線，生怕一個不小心就會絆倒，不復當初。

「曾幾何時，我都諗過可唔可以名正言順攬住妳，好好愛妳。但係我一直都唔敢。我唔係唔想你搵我，但係我好驚好驚我會失去妳。我應承過你爸爸媽媽要好好照顧妳，但係我驚我做唔到...」說著說著，一個大男人竟然哭起來，幸好止得快



第二日，我竟然早早起來了。
「咁早嘅？」母親問我
「嗯，訓得唔太好」我伸伸懶腰
「飲杯奶茶啦咁」母親遞給我說

呃...這是她到社區中心學習的成果嗎？
挺...挺好喝的

「老豆呢？」我問
「哦～佢今日放假約左老友行山」
「哦～我出去喇，今晚返黎食」
「仔，今日樂晴阿爸阿媽好似返黎喎，不如你放工去接佢地？」
「係咩，好啊，咁我揸車出去喇喎」



出門，轉身，打開樂晴的家門
（別問我為什麼會知道密碼）
「沈小姐，出門口喇，再唔出門口就無順風車坐㗎喇」我對著屋內大喊
「得喇得喇，出緊黎喇」樂晴蹦蹦跳跳地走出來
「哇...沈老師著得咁靚，約左男朋友？」我打趣地問
「咪玩啦，今日爸爸同媽媽返香港啊」樂晴眼中滿是興奮的神情
「我知道啊，放工之後我地去接佢地啦」我說
「嗯！你記得要準時啊」樂晴像老師一樣叮囑我

轉眼到學校了，看著樂晴蹦蹦跳跳地步進校園，我也安心了。