春夏秋冬都是妳: 七

七

一天的工作雖然忙碌，但想起樂晴時間就過得特別快。
五點鐘，準時離開公司，前往幼稚園接沈老師。
到達時幼稚園下午班正在放學，看見樂晴熱情地和那些小孩子道別。
餘輝穿過老榕樹映影在樂晴上，樹下的老人閑然自得。

美景配佳人。

「望乜嘢啊？」樂晴的聲音打破了我的思緒，原來學生都走得一乾二淨了


「無啊，諗緊妳咋嘛」我潛意識說出了心底話
「口甜舌滑啦你，行啦我地，兜埋幾個同事得唔得啊」樂晴指指後面的幾位女生說
「梗係可以啦，我地仲有時間」我示意著她們上車

一個一個下車後，長驅直進到機場去。

來到機場，時間尚早，我和樂晴坐在這人山人海的客運大樓的一角。

「妳有無掛住你阿爸阿媽啊？」我問樂晴
「梗係有啦，成兩個月無見過佢地喇」樂晴雀躍地說


「我都係啊，見到妳咁開心真係好」我輕輕地撫摸著樂晴的髮絲說
「樂晴！朗仔！」
「媽，爸！好耐無見喇」兩個女人抱在一起，好不熱鬧
「世伯，伯母，好耐無見喇。坐長途機都好攰㗎喇，我幫你地攞行李，你地上車慢慢傾」我拿過他們的行李說
「哎唷，咁耐無見朗仔都係咁乖，仲高左添」樂晴媽看著我說
「過獎喇auntie，黎啦架車係停車場」我指著指示牌說

一路走的時候，也看到樂晴和父母融洽地談天說地，心裡的大石頭也放下了。曾經我會擔心樂晴一個人會不習慣、孤獨，幸好她並沒有這樣覺得。

不消一會便到了家。



「到喇，行李我幫你地攞上去啦，我去泊車，你地上去先，阿爸阿媽應該煮好飯㗎喇」我對著他們說

安頓好後，我便駛進停車場泊車去。
回到家中，他們早已在大快朵頤，毫不留情連我平常獨享的雞腿也無一倖免，栽在了樂晴口中。

「做咩搶左我雞髀喎」我不忿氣地說
「係我㗎喇，哈哈哈哈」樂晴洋洋得意地說
「睇吓點」我一手搶去她手上的雞腿，卻忘記大家的父母也在場。

最怕空氣突然安靜

「啊哈哈哈哈...大家食飯啦...哈哈哈哈」我連忙打圓場
「食飯啦～」樂晴捏著我的手臂勉強地笑著
「食飯～」大家終於破冰



吃完飯，四大長老滔滔不絕地談論著，家裡真的很久沒那麼熱鬧了。

「今日我帶左枝紅酒黎同你飲㗎李生」
「乜你咁客氣㗎，好彩我都有預備啲生果」
「講呢啲，今晚我地不醉無歸」
似乎男人的溝通方法酒精是最直接的，而女人也不甘示弱，吱吱喳喳地談個不停，我和樂晴就是個多餘的存在。

「不如我地...入房？」我問
「變態啊你？」樂晴臉紅紅地說
「痴線...入我房睇Netflix咋，鬼得閒變態妳，太—平—公—主」我不甘示弱
「睇咪睇，驚你咩」樂晴頭也不回進了我的房間

「睇乜啊？」
「唔...都係唔睇Netflix喇」她卻說


「吓，咁妳入黎做乜」我愕然說
「陪我傾計！」她命令的語氣讓我不得不遵從她的意願
「傾咩啊...識左咁多年乜都傾夠啦」我坐在床上說
「話說...我地幼稚園plan緊帶小朋友參觀巴士廠」嚇我一跳，喝水的我水都噴出來
「咁所以呢？」我裝作鎮定地問
「你帶tour得唔得先？」樂晴問
「吓...公司決定關我呢啲小薯咩事」我裝作輕描淡寫地說

因為...公司正正最喜歡找每個部門年資最少的員工帶tour...

「唉～仲諗住介紹我男朋友俾我啲學生識添」樂晴惋惜地說
「閘住，無人係你男朋友，講嘢唔好亂講」
「唔係咪唔係，晒吓命都唔得」樂晴不屑地說
「我驚你搞到其他人誤會咋」我一臉嫌棄地說



其實我是多麼的想做你的男朋友呢...

「uncle佢地走喇，出黎送客啦」
「uncle下次見～」
「一定有機會要同你遊車河，聽你老豆講你就考左車牌」
「係啊，有考牌公司升職會有著數啲」
「女你就應該學吓人地朗仔啦，積極爭取機會」
「唔係吖，教人愛心重要過學歷嘅」我摸著樂晴的頭說
「朗仔咁多年都對我地晴晴咁好，不如送埋佢俾你啦」樂晴媽說
「乜你咁過獎啊沈太，不過好似晴晴咁好嘅女仔都唔係周圍有」

又說送客，寒暄一番又是半個小時。


待續.