春夏秋冬都是妳: 八

第二天，回到部門瀰漫著一股殺氣。
「聽講department要推一個人帶tour」
「唔係掛對住啲細佬好麻煩㗎喎」
「咳咳...相信大家都知道我地department要搵人帶導賞，如果肯自願嘅話加1日假」部門頭兒說

「我...想帶」我低聲地說
「最欣賞呢啲後生仔，值得學習」

我看到全辦公室的同事對我投以感恩的眼神。



「今個星期五，下午2點廠門口記得準時」
「知道」

帶tour的恐怖，在於需要控制精力充沛的小孩，而且要他們避免在車廠四處走。曾有同事帶tour後請病假3日...

有點後悔呢...可是因為她，捨命陪君子！

放工後...
「我地學校confirm星期五去參觀巴士廠喎」樂晴吃著飯說
「唔係我帶，有個同事自願想去」我故意欺騙她


「吓...咁好啦」看到她失落的樣子，也挺惹人憐愛，難怪不乏追求者
「係喎，星期五我約左*銘爺食飯」我說
「哦，銘仔啊？好耐無見了，佢係唔係仲揸緊的士啊」我媽關心地問
「係啊，佢話接棒做慣都唔係差喎」

吃飽飯後，我們去了找樂晴的父母。
「哎唷，我地個女又痴你地餐真係唔好意思」
「唔緊要啦，識左咁耐，同埋樂晴都係想俾你地二人世界」我笑說
「佢就係咁，成日細心但係又唔同人講，真係擔心死」
「細心都係好事黎㗎」我對著樂晴說


「都夜喇，我地唔好阻住朗仔休息喇」樂晴媽對我說

回到家癱坐在沙發上，父母卻不懷好意地看著我。

「咩...咩事」我戰兢地問
「你係唔係鍾意樂晴」單刀直入喔
「痴線...邊...邊有可能」

我的表情出賣了自己。

「尋晚你講咩我地聽到晒㗎喇，並且已經同樂晴父母溝通好，會全力配合你追樂晴」母親自豪地說
「吓...」我先是呆了，再驚嘆女人的恐怖
「我知你鐘意佢好耐啦」父親這時開口了
「你三個月內追唔到佢趕你出街」



我終於知道，怪獸家長是無分年齡的。

星期五～
因為帶tour而獲得半天離開辦公室的機會，也算是一種慰藉。我早早就站在車廠的門口迎接著一大群活蹦亂跳的學生，還有她。

「好喇小朋友，我地到喇，小心睇車啊」遠處就聽到樂晴的聲音，真的很想知道她的表情會是怎樣的
「hi各位小朋友，歡迎黎到巴士廠啊」我微笑著說
「欸？點解你係度嘅」樂晴驚喜地問
「哦，沈老師你識呢個哥哥㗎？」一個小朋友問
「呃...呃佢係...」
「我係沈老師嘅男朋友啊，同時係今日大家嘅導賞員」我順道自我介紹
「哦～」小朋友似懂非懂地點頭，其他老師則紛紛表示太陽眼鏡未戴好

沒辦法，父母施壓，勢在必行:(



樂晴培訓下小朋友大多都很乖，介紹不同地方時也十分流暢，就是有些尷尬的情況出現了。

「哥哥，我想問男朋友係做啲咩㗎？」
「哦...其實男朋友就係拖吓手，搭吓膊頭咁」我不知道如何解釋愛情到底是什麼

因為，我也在找愛情。

「即係你同沈老師拖手手？但沈老師都成日拖我手手㗎喎，即係我都係男朋友？」

笑死，現在小朋友的思維都是無盡的深淵。

「哈哈哈，到你大個咪知咯」我只好一笑置之

終於完成導賞，將一行人帶回正門。
「今日多謝大家參觀巴士廠啊，希望有機會再見啦」我對他們揮手


「哥哥，我下個月生日，你可唔可以同沈老師一齊黎啊？」剛才踴躍發問的小孩說
「當然可以啦，至於沈老師...你自己問佢啦」我瞟一瞟笑意盈盈的樂晴說
「可以啊樂樂，我一定會去㗎」
「各位同學，我就唔跟大家返去喇，大家跟其他老師上車啦，星期一見～」

小朋友一個一個上車，看著校車遠去的樂晴還在凝望著。

「點啊，掛住你男朋友？」
「係唔係K3小朋友嘅醋都要呷啊」樂晴大笑
「我...我邊有」
「有就有啦你。做咩啫？好恨同我拍拖咩」
「恨㗎，可惜佢唔俾反應呢...」我話中有話地說
「你都唔表示點俾反應，女仔好矜持㗎」
「行啦，唔好要銘爺等我地」



我選擇了迴避這問題。


樂晴在尖東街頭下挽著我的手，竟有種小鹿亂撞的感覺。
「喂銘爺，到未啊」
「sorry sorry，啱啱接到個客過海，依家飛緊返黎，就到就到」
「係至好啊，老地方開定檯等你」

我和樂晴相視一笑，因為不成文規定，遲到的人請吃飯。

我愛銘爺喔～

「喂朗哥唔好意思唔好意思，頭先執左個客過海，已經 帶帽* 飛返黎」
「唔好講喇，今晚你嘅，o唔ok？」
「無問題無問題」
「喂，你地咪咁hi啦...」身為老師的樂晴出言相勸瘋狂狀態的我和銘爺
「對唔住阿嫂，弟子知錯了」
「閘住，邊個你阿嫂」我和樂晴同時說

心底卻與此相反。

「食多件肥牛啦」因為金主的原因使我十分客氣
「咪咁客氣，唔習慣啊我」
「今日你大金主，你話咩就咩」我客氣地說

———————————
*帶帽：的士業術語，意指掛著〔暫停載客〕牌

點解會有新人物出現仲要揸的士？
就要密切留意之後嘅分支故事喇