我:「有乜好羨慕?你都明知我只係一隻兵。」
鳴:「做兵做得開心又有乜所謂,如果可以一直咁繼續落去,唔係幾好咩?」
我:「你拍過拖而家梗係可以咁講㗎。」
鳴:「唔係呀…如果我同Wing唔係行得咁快,而家重追緊佢曖昧不清嘅話,可能重好開心,但到咗而家,我同佢已經返唔到轉頭。」
我:「你對佢好啲,唔鬧架咁咪得囉。」
鳴:「講就易!就好似我叫你聽日追到女神咁,你話得唔得吖?」
我:「點同,我呢邊係高牆,而你哋都一齊過。」
鳴:「差唔多㗎咋,你真係拍過拖就明。」
我:「但佢都重對你幾好吖,重送頸巾畀你。」
鳴:「佢畀面我啫,佢已經好清楚知道我哋兩個好難相處落去,對我好只係佢成熟一面嘅表現。」




我:「不過…你起碼乜都試過晒吖。」
鳴:「試完咪知自己有幾廢囉,連同女朋友溝通都唔識,除咗激嬲佢就係整喊人。」
我:「起碼都開心過吖…喺嗰啲方面…」
鳴:「咪咁鹹濕啦,扑嘢都會扑到厭㗎咋。」
屌,真係雞同鴨講,同隻處男兵講扑嘢扑到厭,即係何不食肉糜,瑪麗王后let them eat cake嘅概念,不過見到佢而家失落嘅樣都由得佢算。
林:「喂,你班友仔!做乜開餐無人落嚟叫我㗎?班會主席!你搞乜鬼呀?」
豪:「Miss,我諗咗妳鼻哥咁靈敏,聞到啲嘢食就會自己走上嚟吖嘛。」
肥豪佢已經捉到Miss Lam路,就係好似玩大話骰咁,你覺得玩得起唔怕輸係可以同Miss一直玩落去,佢唔會直接爆你而繼續同你慢慢磨。
林:「你重夠膽咬住條雞骨同我講嘢?同埋呢條繩喺度乜嘢事?做乜間開佢兩個?」
豪:「Miss!妳走咗之後miss咗好多嘢呀,真係嘥晒。」




林:「我夠知我蝕咗咯!但我唔行開邊有得你哋咁開心?喂,咁嗰邊係乜事?」
豪:「佢兩個賭輸咗吖嘛!」
林:「賭?邊個俾你哋賭?」
豪:「唔係賭,即係,佢哋技術性被擊倒。」
林:「得喇,我而家擊倒你,你過埋去啦。」
豪:「過咪過囉,Miss…妳都唔明,佢哋有情飲水飽吖嘛。」
林:「我知呀,好過你有糖飲汽水肥。」
有佢做班主任真係幾歡樂嘅,份人又玩得,後生又靚女,教書效率奇高,但如果你適應唔到佢嘅話就會有啲辛苦咁囉。
食完嘢之後…
林:「死人主席,你想咁樣間開班房到幾時?」




豪:「Miss,又係妳叫我過嚟呢邊自閉,我點敢自毀長城呀?」
林:「睇住條繩咁樣掛喺度,就諗起應該用嚟…喂,主席過嚟表演Limbo dance娛樂下大家。」
豪:「唔好玩我啦,食飽飽搞啲咁嘅嘢…」
林:「你係咪想講你肚滿腸肥成隻…乜咁咋掛?」
豪:「你點可以咁樣攻擊我…等我過去畀妳睇。」
條繩到心口咁高,就算肥豪佢都輕而易舉。
林:「得…搵人較低三吋!」
豪:「Miss,你咁樣係欺人太甚。」
林:「我欺人太甚?係咪我過到你就試先?」
豪:「無問題!」
傻豬嚟嘅…Miss大得你佢梗係有辦法啦,濕濕碎就過咗去,但我想講Miss佢今日著黑色褲,白色扣鈕恤衫無攝,佢一做呢個動作條小蠻腰就露晒出嚟,個肚仔好白,肚臍好可愛…雖然係大我哋十年八年但都係好正;然之後肥豪佢一試就反艇攤咗喺地上面,笑到其他同學噴飯咁滯。
林:「點搞呀,入到U輸死你呀。」
豪:「唔好玩我啦,讀U有無咁艱難呀…」
林:「吓?呢個係最低標準嚟囉。」
豪:「咁Miss快啲教下我哋點樣先叫專業啦!」




林:「好呀!同我較低多六吋吖!」
呢個Miss真係貪玩到…但佢講得出做得到真係好專業咁過俾我哋睇,個白雪雪嘅肚仔又俾我哋睇多次,然後大家都拍晒手掌。
林:「好!邊個可以過到我偷偷哋喺成績表加一分畀佢,有無人要嚟試?」
其實真係唔易,大家都猶豫緊,點知坐我隔籬嘅一鳴驚人地舉起佢隻手。
鳴:「Miss,其實我都有啲心得。」
林:「唔使同我講,去試啦,得一次機會。」
呢啲就真係叫為咗一分折腰,我先唔會走去同佢癲,我見盒雞重有雞胸剩於是即刻攞咗嚿嚟食,一鳴佢啲動作雖然生硬成隻機械人咁,但屈下屈下又真係俾佢過咗,無端端有一分賺。
賺完一分之後個衰仔就即刻過同我一齊偷雞食。
既然有人成功,其他人都即刻躍躍欲試,最後多兩男七女成功,當然包括詩敏曉彤同Wing,呢個活動擺明係送分畀女仔。
一唔一分其實好閒,但睇啲女仔玩真係好正。
林:「睇嚟妳哋重有quota喎,不如玩剩最後一個我再送多一分畀佢吖,好唔好呀?」
我哋成堆仔梗係心中暗爽㗎,但我真係想知佢可以點樣偷偷塞兩分畀人,校長知道一定實想抦死佢。
彤:「再低一吋吖,唔該。」
真係估唔到曉彤會咁積極,佢係真係想攞多一分吖,定係想贏呢個環節呢?降多兩吋之後只係剩返兩個女仔,就係曉彤同詩敏,去到最後竟然係兩個好姐妹惡鬥。
曉彤佢為咗要過到直頭除埋鞋,我哋望住佢對腳,加埋對有少少長嘅白襪仔,真係睇到血脈沸騰,而佢最後都成功咗;跟住到詩敏,佢都除埋鞋,女神對腳真係好正,我諗今日一定會有人攞佢嚟J,可惜嘅係我…而更可惜嘅係詩敏對波掂到條繩…




林:「好,曉彤加兩分;食完玩完唔該大家執返乾淨還原呀下,同埋有一個消息,就係要調位,座位表喺度,你哋嘢都唔使搬執返張枱啱位就得,係咪好方便呢…如果無乜嘢我落返去先。」
乜話?調位咁大件事Miss妳咁輕描淡寫!不過都正常嘅,我哋而家個位都坐咗三個幾月,都係時候要調,呢個時候大家都好緊張咁爭住睇張座位表,而我當然比其他人更加心急知道結果啦,因為佢決定咗我同女神嘅距離,唉,近水樓台先得月呢枝歌仔無得唱喇。
一鳴睇完之後面色一沉,都正常嘅,因為調完之後一定無得一齊坐,不過…你兩個唔係分咗手嘅咩?都唔知你哋想點。
豪:「食屎啦,志華,益晒你啦!」
我:「做乜呀?睇過…」
我望完都唔知講乜好,呢個Miss真係明目張膽到,係呀,我同詩敏佢都要調位,不過係左右對掉,名符其實嘅『掉位』。
已有 0 人追稿