Book場,洗面,擦多次牙,梳返個頭,換過套衫,再仆落去屋苑大門度等佢,成個流程就暢順到好似解放軍摺被咁,重點係見到女神嗰下個樣千祈唔好太烚熟狗頭。
敏:「Hello,行啦。」
天氣凍冰冰就唔好諗住有乜嘢睇,佢都係一條牛仔長褲,上身著咗件白色褸,重點係纜住咗我畀佢條頸巾,唔知佢平時出街有無戴嘅呢?定係今日嚟搵我先…總之,見到個心就已經暖晒。
由始至終都覺得佢著運動衫係最靚嘅,相處咗幾個月打咗n次波後已經習慣對住佢,唔會再因為望住佢而分心;其實以前都一早慣,畢竟中一已經開始同佢打波,只係做咗兵之後個腦就會不停咁亂諗嘢…
打完波之後我同佢喺會所入面沖埋涼,佢今日有備而嚟所以係有毛巾嘅;然之後我哋就換返衫去會客室一齊溫書,點知半個鐘到佢就趴咗喺枱面上面,兩隻手重交叉撓到實一實。
我:「妳無嘢吖嘛?唔夠瞓?」
敏:「我好似凍親…乞嚏!」
陰功…睇怕係佢頭先沖完涼無著返褸經過公園過嚟段路吹親,佢啲髮尾重濕濕哋,而且今日得嗰十度,再加上出完身汗,真係呢…
我:「妳唔舒服不如我送妳返去先吖?」
敏:「唔想郁住…好頭痛…」




我:「妳咁樣得唔得㗎?」
敏:「抖下應該會好啲…」
但喺度抖唔係幾好咋噃,而且我望到佢手臂都起埋雞皮。
我:「不如妳上我度抖啦。」
一句本來我完全唔敢講嘅嘢,俾環境迫咗出嚟。
敏:「唔會阻住你咩?」
我:「屋企人無咁早返嚟,唔使擔心。」
敏:「唔…瞓過你張床你實做奇怪嘢…」
我:「唔會呀!有間吉房喺度,因為我讀中學之後就無再請工人,你放心上嚟啦,唔好喺度攤!」
敏:「咁好啦…」




我起身執埋佢啲書落個袋就帶佢上去,佢跟喺我側邊用兩隻手捉住我隻手臂,估唔到會咁順攤,好彩我無去韓國嘥時間同食佢哋啲垃圾食物,諗都無諗過會喺咁突然嘅情況下邀請到詩敏上我屋企;唔得,我要冷靜啲,呢個時候我要好好照顧佢。
今次係真·解放軍上身,我一入到屋就開暖氣,鋪床單,入枕頭,拆嚿被出嚟,將我平時求求祈祈嘅嘢一次做好佢,然後再斟暖水…
我:「嗱,水同必利痛喺度。」
敏:「傻瓜。」爽快利落佢就吞咗粒藥。
我:「好啦,妳可以入去抖下喇。」
敏:「唔該晒…」佢入咗去閂埋門。
呼…總算settle down咗佢,希望佢會快啲好返無事啦;嗯,我要平常心,乜嘢特別事都無發生過,呢段時間我係應該要溫書嘅。
結果我好似溫咗有生以來最專心嘅一次書,就連個天黑咗我都唔知,直到大約八點鐘。
敏:『我想飲水。』搞笑,喺同一間屋都send message,佢唔會係喉嚨痛到講唔到嘢呀。
「咯咯。」我:「詩敏,我入嚟㗎喇?」




敏:「入嚟啦。」
開咗門,開埋燈,詩敏佢坐咗喺床邊度,用張被冚住自己個身,好明顯係啱啱瞓醒睡眼惺忪,呢個樣就好似仙女佢俾玉皇大帝懲罰打落人間咁,嘻嘻,好可愛,我好鍾意,平時係無可能見到。
我:「嗱,妳嘅水,重要唔要食藥?」
敏:「唔使喇,瞓完好返好多。」
喺佢咕嚕咕嚕飲水嘅時候,我發現咗一樣嘢,就係佢放低咗件褸喺張枱上面,呢個好正常,但問題係褸上面重有條牛仔褲,牛仔褲上面就有個Bra放咗喺度…計一下減數就知被下面冚住咗啲乜…個Bra唔算太花俏,都係青春學生妹嗰啲款,白雪雪滑捋捋,個罩都有返咁上下深度…
敏:「喂,你又喺度諗埋啲乜?」
佢唔係有讀心術,應該只係發現我望到佢啲衫。
我:「無呀,放心…我唔會做奇怪嘢。」
敏:「我知呀,無擔心過。」
我:「妳對我真係咁有信心?」
敏:「你咁鍾意我,點會捨得傷害我。」
我:「我…鍾意妳…」
敏:「唔係咩…你唔係諗住同我講其實一直呃緊我呀?」佢個樣有啲扮惡咁望住我。
我:「點會!真係…鍾意妳…」而且越嚟越鍾意。
敏:「同你講個故仔吖,係我睇小說睇返嚟嘅,入面個男主角喎,唔係好好,又唔係好差,身邊都好容易有女仔黐埋嚟,有一次佢睇中咗個好好好正嘅女仔,佢都係抱住試一試嘅心態去接近佢,個女神就不置可否,但又一直留佢喺身邊,利用佢,玩弄佢,消費佢,個男仔起初諗住頂唔順就會走,但女神佢心計好犀利,一次又一次咁令到個男主角唔捨得佢…」




我:「咁最後點…」
敏:「最後個女神玩到自己都深陷其中,已經分唔清自己係上癮定係愛,總之就需要更加多,喺一個月圓之夜,佢叫咗個男仔入去佢睡房入面,然後佢一件件衫除落嚟直到一絲不掛…」
我:「然後呢?」
敏:「嗰晚佢畀個男仔中出咗,而之後個男仔就永遠消失咗喺佢生命入面。」
我:「…,擺到明係爛尾故嚟呀…」
敏:「雖然結尾係寫得好hea,但我覺得幾真喎。」
我:「唔會啦…就算我哋以後乜都無,我都會好好將妳放喺我心入面嘅。」
敏:「你對我咁好,我驚呀。」
我:「吓,有乜好驚?」
敏:「驚我有一日會鍾意咗你呀。」
女神,你做乜又無端端放箭射我?咁講即係話妳而家唔鍾意我嘅啫,唉…樂觀啲諗,鍾意係一種好高層次嘅心境,我諗佢而家對我應該都有啲好感掛…其實都唔使妳講啦,如果妳鍾意我又點會唔同我一齊呢?咁樣真係好矛盾。
敏:「喂,攞個Bra嚟畀我啦。」
我:「乜話!我…攞?」我指住自己問佢。
敏:「係呀,我唔夠手長呀。」
我:「哦。」




然後我好小心翼翼咁望住個背帶扣嘅位置,用右手嘅手指公同食指鉗起佢再遞到去佢面前。
敏:「我個Bra唔會爆炸㗎!唔好搞到拆炸彈咁!」
我:「費事揩到啲唔應該掂嘅地方啦…」
敏:「唔使睇個size喇!我重有得大㗎。」
我:「邊有睇喎…最好梗係有得大…」
呢啲係咪叫以女神之心度君子之腹。
當我將個Bra送到去詩敏度嗰陣,佢竟然!
我:「妳…妳做乜…除衫?」
當然佢係喺張被入面進行嘅,我只係見到個頭。
敏:「不如你示範一次畀我睇點樣可以著住衫戴Bra好唔好,我都想學下嘢。」
我:「詩敏妳唔好玩我啦。」
佢喺張被入面東拉西扯,搞完一大輪先再笠返件衫落個頭度,其實…我係見到佢膊頭同埋小小心口嘅,只不過呢一刻我真係唔係諗緊衰嘢。
我:「其實你叫我出返去咪唔使咁麻煩。」
敏:「諗住益下你咋嘛。」
我:「益我?點解嘅?」




敏:「對你太差嘅話,如果第時俾你中出即飛點算喎…著埋條褲先…」
今次佢無叫我攞畀佢,而係直接撥開張被放隻腳落地自己攞褲著…
我:「我出返去先。」
已有 0 人追稿