當問題少年遇上問題少女: 40.我一家贏妳地三家

原來佢地已經將我嘅行裝放入黎，而我張床，即係Chloe之前張床，就係梓晴隔離
 
梓晴一望見我入黎，就好似唔知發生咩事咁，矇下矇下
 
「做咩事你入黎女仔房呀?」
 
「Chloe囉…要過去二人世界，我咪俾佢地拉左黎瞓」
 
「你…你有冇鼻鼾架?一陣你嘈住我地成班瞓呀」
 




「我瞓覺好靜」
 
我走到原本屬於Chloe張床，瞓係下格床，而上格床早就俾人用黎放羽毛球拍之類
 
係床上我拎出本書黎睇
 
「估唔到你連入Camp都帶書喎」
 
「妳都係者」
 




我同梓晴一人拎住一本書係床上睇，而其他人就玩UNO之類
 
終於Polly都沖完涼入黎，佢張床係我對面
 
我經常覺得俾佢地一大班女仔望實
 
果然，佢地成班望住我
 
「做咩呀?」
 




之後Jeanie走過黎好奸咁講
 
「打牌啱唔啱呀?Cash喎」
 
真係……成班挑起我條癮
 
「同妳打呀?唔早d講!?」
 
好快，佢地就Set哂場地，Polly同梓晴兩個因為八掛而坐係我身邊
 
「嘩，傑哥仔，我地羽毛球隊兩大美人都坐係你身邊喎，乜你咁快手追到佢地啦?邊個大邊個細呀?」
 
正當我想講野果時，梓晴開聲幫我
 
「我地只不過係睇下我地嘅投資點者。贏就我地嘅，輸就佢嘅」




 
湊緊四個人，開檯
 
「打幾多圈呀?」
 
「八圈?」
 
「唔打咁耐啦，36個東啦」
 
然後大家都靜哂
 
我地打得好興奮，大家都非常興起
 
直到我贏左三家錢
 




不過佢地又點會咁順攤丫
 
「隊長呀~~~~傑少佢蝦我地呀」
 
Polly望住我上下打量，然後轉過去同梓晴講
 
「Jessie呀，班姊妹輸左錢呀」
 
「得啦，佢聽日會請大家飲野架啦」
 
「多謝傑少~~!」
 
其實我一直唔明白，點解D女仔咁鍾意拍埋D床一齊瞓
 
佢地成班係到拍床，但係又著D鬆身衫，入邊又真空，下身又真理褲，搞到我要面壁




 
唔單止係其他隊員，就連梓晴同Polly都係咁著
 
梓晴係羽毛球隊，有第一美腿之稱，佢由大脾到腳趾都係咁靚
 
而Polly就有最美身型稱號
 
而家佢地著住真理褲咁行黎行去，我只可以當睇唔到，合埋雙眼扮瞓覺
 
唔好以為合埋眼就冇事呀
 
佢地會發出令人興奮嘅聲音架
 
好彩佢地只係玩，如果係摔碟嘅話我就真係唔知點好啦
 




成班嘻嘻哈哈，仲未瞓，仲要係到玩大富翁
 
如果下次有機會，我都係唔好同班女仔同房
 
咁就要睇下文浩今晚交唔交到功課啦
 
終於我都瞓著左啦，同班女仔同房真係難難頂下
 
不過第二朝先係戲玉