《我老婆唔係我女朋友》【那些年／日常／校園】 第一至三章: 【第一章】 K歌奇緣（４）
看著蘇菲走向車頭方向（課室前排），彎腰跟其一個女生說話，咦，點解好似係阿心嘅？唔通佢哋叫阿心戥腳？突然醒起之前馬飛流露出樣衰衰的表情，唔通條友真係知道我個死穴？那一刻真是非常矛盾，又想阿心去，但又知道她應該要去補習唔會去。出乎意料，阿心竟然收拾一切又孭起袋，起身跟著蘇菲行過來。
蘇菲跟馬飛頷首：「齊人嘞，阿心都去，傾吓點樣去啦。」
在他們商量行程安排時，我忍不住跟阿心打個眼色，她今天依然是一貫秀外慧中的馬尾look，我垂低手用手指指向她，企圖引她注意，她又非常醒目的即時留意到喎。我遠距離的用口型問她（她仍站在蘇菲旁邊）。
【口型對話】
我
阿心 我好奇的樣子：妳又去咩？ 她輕輕的點頭，嘟著嘴藐了蘇菲一下：蘇菲拉我去。 今次到她問返我了，表情有點猶豫的：你係唔係都去？ 我慢慢的點頭也斜睨了馬飛一眼：妳唔使補習咩？ 她好像鬆了口氣的樣子，然後輕輕搖頭：放假呀。 我手指指向她，再指我自己：妳陪我唱喎。 她居然俏皮的伸脷單單眼。 我仍然低垂著手，但握緊拳頭向著她瞪眼。 她忍著笑裝出害怕的樣子。這是我第一次看到她俏皮的一面，輕顰淺笑的她超級可愛。可能知道是去玩吧，感覺她比較平日輕鬆，同時又升起一點奇怪的感覺，點解大家好似好有默契，噉樣都傾到偈嘅？