我嘅工作就係揀我鍾意嘅女仔拍拖: 如夢似幻

「啪啪啪啪....~」隨住最後一粒音完結，大家都開始拍手，而Cherine都唔例外。只不過，只有佢一個係望住我拍手。我知道，佢嘅掌聲唔係比出面嘅表演者，而係比我嘅。
「哈哈..多謝」我尷尷尬尬咁話。
「我覺得你唱得好聽過出面！」佢細細聲係我耳仔邊講。
「邊度係...明明人地話唱得好聽過我好多」我話。
「但我都係鍾意聽你唱多啲～」佢話。
「哦…哈哈..好呀」搞到我都有啲怕醜。
「行啦～我想行下碼頭」佢講完就沿住碼頭慢慢行。
「好呀～」我同佢平排行。我望一望錶，已經就嚟十點。不過聽日係星期日，我諗佢都唔洗咁早返去。我地兩個由天星小輪碼頭一步一步行，慢慢行到往梅窩、長洲、愉景灣….。
「如果可以嘅話，我都想去唒啲離島」Cherine邊坐低係長櫈邊講。
「點解嘅？」我坐咗係佢隔離。


「你唔覺得其實香港好多地方都好靚嫁咩？」佢問我。
「都係嘅，不過我都好少去嗰啲地方。頂盡都係去下長洲咁….」我話。
「你唔鍾意戶外活動？」佢問我。
「鍾意呀，不過啲朋友好少約…」我啲fd約打機就有…，好難叫佢地同我行山露營。
「我帶你去囉～如果你都想」
「想呀！緊係想～」
「哈哈，咁就好啦」佢話。
「咁靠你帶我周圍玩啦！」
「好！你到時唔好話攰就得啦～」
「收到～」我講完我地又再次靜咗。



其實佢一次又一次咁比機會我地出去，都起碼係對我有好感先。如果係大學時期嘅我，可能會毫不猶豫咁去表白，衰咗大不了搵下個。不過而家嘅我冇呢種咁果斷嘅勇氣，覺得搵一個啱嘴形嘅人已經好難，更何況大家互相都有好感。所以我好怕冇咗佢，好驚任何嘅風吹草動都影響咗我地兩個嘅關係…。人大咗，風險承受程度都越嚟越低…。

我個人坐咗係度，個腦慢慢放空…。突然間Cherine 個頭擰咗過嚟：
「呀文….」佢情深款款咁望住我。
「….係…！」我講完佢冇覆我，但個頭慢慢控埋嚟..！！今次佢冇飲醉酒…，今次唔係當咗我就另一個人….。！！！我地又一次錫咗，我個腦到而家仲係未好消化到呢一件事…，但身體好自然咁配合佢錫。一啖又一啖，我地兩個嘅嘴唇不斷互相磨擦，好似想用口就佔有佢咁。我隻手伸咗去佢背脊將佢抱埋嚟…，同時佢隻手伸咗落去我細佬度….！！雖然係夜晚…，但呢度始終係公眾地方嚟…！我越錫越呼吸困難，好似比佢錫到唞唔到氣咁。
「嗯嗯嗯….」我想向後鬆開佢個嘴，但一向後佢隻手就用力抱住我，唔比我向後。
「嗯…！」我已經好唔舒服，但我唔忍心推開佢。
「…！！！……….」我眼前越嚟越黑….好似….我….我唔得啦….。



我慢慢打開眼..，望到暗黃色嘅燈光..。我唔係喺碼頭嫁咩…，呢度…。突然間我感覺到左手有啲軟綿綿嘅嘢壓住我，我望一望過去…，見到嘅係擘大咗兩隻眼望住我，全裸嘅Rainbow。
「早晨～」佢望住我好甜咁笑一笑，而軟綿綿嘅嘢當然就係佢對奶。
「早.…呀」
「發惡夢？」Rainbow問。
「嗯…，發咗個好真嘅夢」我苦笑咗下。
「夢見佢？」佢問。
「嗯..」我冇隱瞞。
「乖，冇事啦」佢摸一摸我頭，然後將我個頭抱係佢對波中間。我享受緊洗面奶嘅時候，個腦諗返起啱啱嘅夢。我記得我臨訓前係回憶緊我同Cherine 嘅嘢，但諗諗下就訓著咗…。
「Sorry呀Rainbow…」
「做咩無啦啦咁講阿」佢問。
「我唔應該同你講佢..」我突然間咁講係因為我始終覺得，同佢講我同Cherine嘅嘢會hurt到佢。就算佢話冇嘢都好，我知道佢個心都唔好受。
「傻啦，冇嘢喎，我怕你有嘢炸」佢話。
「多謝你，成日都陪住我」我咁講其實好自私，但無奈呢個係我地嘅相處模式。我地試過好多唔同嘅方法，咁樣嘅相處算係最舒服。
「成日多謝我做咩喎～咁你都陪緊我嘅～」佢話。我笑一笑，然後用力抱實佢。Rainbow係唯一一個仍然留係我身邊嘅女人，我知道唔可以冇咗佢。
「幾點呀而家？」我問。因為酒店嘅窗簾關咗，我睇唔到係朝早定凌晨。


「六點三，好早炸」
「你唔攰咩？」我問。
「攰呀～你發惡夢嘅時候我起咗身。啱啱成個人震晒，我怕你有咩事，所以就冇訓返」
「我嘈醒咗你？」
「唔算係嘅，我擔心你姐」佢話。
「好…。係唔，問你個問題」
「你問呀」佢話。我忍唔住笑咗一下。
「做咩呀？」佢又問。
「我發緊惡夢嘅時候你係咪有錫我」我笑住問。
「…..你又知嘅。我見你震唒咁..咪諗住錫你睇下有冇用..」佢尷尬咁答。
「哈哈哈，我都估到，唔掛得個夢咁真」
「你係夢入面同佢錫..？」佢問。
「…」早知唔問。
「…！」佢一嘢錫咗落嚟，然後我想講嘢嘅時候佢將條脷伸咗入我口。我唯有配合佢，開始同佢錫。佢分明就呷緊醋，仲要呷好大醋…。不過都係嘅，佢錫我但我夢入面同Cherine錫緊。



Rainbow 係我人生中其中一個最重視嘅女人，但無奈嘅係，我每日都掛住嘅唔係佢…而係Cherine。

閉起雙眼你最掛念誰
眼睛張開身邊竟是誰