我怎可能是女神👸🏻獵人🏹（第一季更新至斷更為止）: Mo，Molybdenum，鉬，鋼材補強，～0.05USD/g

睇住愛沙尼亞啲屋仔同雪景，又真係幾靚㗎喎，唔知老竇佢有無去過呢？好快就瞓著咗。
大概十一點到我起咗身，Queenie已經喺張食飯枱上面做緊功課，不過就無開到燈，只係靠出面射入嚟嘅自然光，可能怕阻住我瞓覺掛，於是我就即刻開返燈畀佢。
我：「肚餓未呀，食唔食嘢？」
Q：「好呀，唔該晒你。」
然後我就hea煮咗兩碟水餃米粉出嚟。
今日星期日，青年中心收六點，條街又好多人，Queenie應該喺度，咁我都唔出街做宅男打機算。
不過Queenie佢食完飯就開始換衫。
我：「娘娘又去拍拖呀？」
Q：「唔係呀，日日拍拖都會食窮人哋啦。」
如果大家重記得，Queenie喺屋企係唔鍾意戴Bra任由自己飛釘畀我睇嘅；而家嘅佢進化到懶得入去廁所戴Bra，喺個廳度除咗件睡衣就背對住我喺我面前戴Bra；咁我都慣咗嘅…佢個背脊都真係幾靚，白白滑滑咁，唔會話瘦得滯見到棚骨，有少少肉但又未至於肥，青春期嘅佢都會有一兩點暗瘡咁，未算礙眼，QQ地咁。




我：「同姐妹行街？收咗新兵派兵糧？」
Q：「唔係呀…自己出去行下咁。」
我有啲大惑不解，以佢乖乖女嘅性格絕對唔會喺條街度遊蕩，又唔係陪朋友，自己又無乜錢，出街可以有乜謂呢？而且佢啲神情有啲古古怪怪，但佢只係同我一齊住，我無權管佢亦唔應該過問。
我：「妳幾點會返嚟？」
Q：「你要出街玩？」
我：「今日應該就唔會。」
Q：「咁…我晏啲會返嚟，未知幾點，唔使煮定飯。」真係當我工人咩，餐餐煮定妳飯…
我：「咁我喺屋企等妳返嚟啦。」
拜拜完佢就出咗門口，我可以繼續本來嘅頹廢生活，星期日呢個時間估計電視台唔係播周星馳就係播家有喜事，雖然家有喜事入面都係周星星。
都係唔好，其實我係一個學生，應該要溫下書。




首先睇下女神佢做完邊啲功課，睇下可以抄啲乜，望住佢寫嘅字真係好令人心曠神怡，就算睇唔到個人淨係對住啲字都會覺得佢係靚女。
然之後就溫下書，嗱，我剩計數同溫科學㗎咋。
鉀鈉鈣鎂鋁，即係…挾持…收納…皆是…美女，所以屋企有飛釘大波妹…
速度，加速度，位移…抽插運動，插入係正，抽出係負，九淺一深，距離係零就合體發射…
子宮，uterus，輸卵管，ovary duct，卵，egg，太陽蛋，sunshine egg，荷包蛋，wallet egg…
唔掂…打開本書就想搵周公…加埋飯氣攻心…
我跌跌撞撞咁轆咗落Queenie張床，好香。