我怎可能是女神👸🏻獵人🏹（第一季更新至斷更為止）: 153

就係咁，又返完一日星期一嘅學。
我同QQ如常咁前後腳返到我哋的家，我一入去就見到佢喺度做緊功課，呢個女仔真係好乖，乖到我想攬住佢瘋狂咁惜佢；但由於我唔係一個曳細路，所以我唔會喺現實上面做出嚟。
我喺張床隔籬除咗套校服，然後換返一套普通去街衫；係呀，我而家已經唔會避佢而走入廁所換衫，因為真係好麻煩，而且佢又唔係未見過，佢自己都係咁做，亦都唔會特別留意我。
唉，好掛住Carmen姐姐，佢一定會推我落床扯走我底底玩到小雞雞流口水為止。
我：「Queenie，我老細叫我去飛髮，所以出一出去，我諗個零鐘之後返嚟。」
喺生活上，我哋已經習慣咗會互相交待，佢如果去拍拖或者同姐妹去街都會同我講定先，所以當我出街嘅時候都會話佢知去邊度同幾時返。
Q：「應該啦，你啲頭髮鬼死咁長，重衰過麥當當入面啲MK仔。」
我：「知喇，所以而家咪去飛囉。」
Q：「話時話，我都可能要搞搞啲頭髮…」
我：「嗯，咁妳咪去飛髮囉。」




Q：「但係…我諗我唔可以去返以前去開嘅saloon…」
我：「因為好貴？」
Q：「如果洗剪吹咪三四百，做埋treatment嘅話要五六百…」
我：「咁睇怕我真係幫妳唔到…」
Q：「唔使驚…我都唔敢要你嘥呢啲錢…咁你係去邊度飛髮㗎？不如我跟你去算啦。」
我：「去上海鋪飛咋…妳得唔得㗎？」
Q：「欸…咁要幾錢㗎？」
我：「學生淨剪六十蚊囉，同速剪差唔多，不過我去慣咗，同覺得嗰度個叔叔好人啲。」
Q：「唔緊要啦…我又試下囉。」
我：「飛得唔好妳唔好怪我呀…我賠唔返個女神樣畀妳…呀，其實妳拍拖嗰陣叫條仔陪妳去saloon咪得囉。」




Q：「咪玩啦，你估佢真係好有錢咩，同埋整一整個頭又無咗粒幾兩粒鐘，佢拍拖都唔開心啦。」
我：「原來妳對佢咁好㗎？」
Q：「唔係好想㗎咋，但如果我次次都虐待佢你估佢重會唔會要我吖嗱？」
我：「佢唔要妳咪換過個囉，女神唔係任揀都得㗎咩？」
Q：「咪玩啦，換嚟換去你估好過癮呀？你以為我唔知啲仔諗乜咩，得到想要嘅嘢就唔會再對妳咁好㗎啦。」QQ一副冰雪聰明咁嘅樣。
我：「咁如果佢好有錢咪唔會咁計較呢啲囉。」
Q：「屌！好有錢就三妻四妾啦，幾時輪到我。」
我：「妳又去爭埋一份囉…」
Q：「妖，無興趣呀，我唔係雞，等等我換衫，一齊出去啦。」
然後我哋就一齊出發去飛髮，由於段路都好近學校又啱啱放學時間，所以QQ就叫我行先，我同佢大概相隔十零米，佢就喺後面跟住我行；雖然我都唔想同佢喺街一齊行俾人撞到，啲謠言會好鬼煩，但其實如果有人心水清睇到我哋咁樣行咪重礙眼…