我怎可能是女神👸🏻獵人🏹（第一季更新至斷更為止）: 297

又嚟靠我一己之力做文學推介…講起band妹呢
https://www.shikoto.com/articles/73852.html
麻煩大家睇一睇呢篇，短短四萬字，少少甜，就算唔睇都聽下Scene 8同Finale兩首歌，以業餘全私房制作嚟講我覺得算係咁，合格有餘；但唔知點解我越聽越有feel，近期一路寫文都係loop住呢兩首歌，應該loop咗廿四粒鐘以上，可能我已經超越作者成為聽得呢兩首歌最多嘅人。

其實我都有諗過QQ同媽咪做乜唔搵社署幫手，不過佢哋環境咁複雜好難講嘅，我又唔知佢老竇發生咗啲乜嘢事，可能係啲唔見得光嘅勾當嚟，加埋佢媽咪又亂咁嚟可能真係唔識搵政府笨…又或者…純粹唔想靠政府咁鶻突。
我：「生活到就好…但之前做乜搞到要食草…」
A：「唔開心嘛，同埋嗰陣無錢，又唔想報收入畀社署扣綜援，我咪去咗間旺角嘅閣樓餐廳偷偷哋打工，好污煙瘴氣嗰啲，有得掟鏢，會賣煙酒畀小朋友嗰啲…」
我：「哦…妳誤交損友。」
A：「係呀，係咪唔得吖？」
我：「唔係…妳係姐姐，我管唔著。」




A：「嗰陣識到班玩夾band嘅MK仔，都唔係有錢㗎喇，係敗家囉，租咗個工廈單位嚟喪，我嗰陣想開心…同埋鍾意唱歌…」
我：「Angel妳係band妹嚟？」
A：「以前係囉，點呀，似唔似呀？」
我：「嗯…咁band妹…同啤酒妹都有相通之處嘅。」
A：「都係一樣咁cheap吖嘛，我知㗎。」
我：「我無講過囉，都可以正正常常嘅…但係，夾band都唔等於要㨃草㗎。」
A：「想要friend咪㨃囉，想開心咪㨃囉。」
我：「唔應該係咁㗎…」
A：「同埋…㨃完草，再飲啲酒，畀男人屌好爽㗎，邊個屌緊自己都可能唔知。」
我：「點解要咁喎…有乜好…」




A：「破處都唔痛囉，玩完之後會乜都唔記得晒，點呀，係咪好想試下呀？」
我：「唔想呀！夠喇，唔准再講呀，唔俾妳咁樣。」
A：「唓，都話你唔會想聽我啲嘢㗎啦。」
我：「唔係，我只係…唔想妳諗返起啲唔開心嘅嘢。」
A：「然後唔開心咪想繼續㨃草囉。」
我：「唔俾呀！絕交㗎！」
A：「你以為你係我邊個呀！絕交？你同我咁啱一齊返工㗎咋！不過你放心，我無掂呢樣嘢好耐喇，煙我都唔食，酒都係返工迫住飲一兩杯。」
我：「嗯，乖喇。」雖然叫姐姐乖毫無說服力。
A：「乖你個頭，執枱啦，係咪唔想收工呀？」
我：「咦，係喎，十一點幾妳重唔收工嘅？」




A：「做乜呀，係咪好唔想見到我？咪出聲囉。」
我：「點會喎，驚妳攰咋，返兩份工咁辛苦。」
A：「我聽朝放假呀，呢幾日我哋大豐收，不如一齊去食宵夜咯，好唔好？」