我怎可能是女神👸🏻獵人🏹（第一季更新至斷更為止）: 372

各位小朋友，大朋友，你哋好，爛作者又出嚟做文學推介啦，為咗等呢個溫水煮蛙快將消逝嘅香港文學界唔好突然死亡，就由我呢個死霸住榜一嘅厚面皮小朋友出嚟略盡綿力。
你話你係等我出文only？其實人生主要係俾兩樣嘢佔據咗，尋找同等待，其實我唔係一個作家嚟，我自己都一直喺度搵緊同等緊文睇，如果你信我，又覺得我啲字OK，就去睇啦，我可以幫你慳返好多時間。
https://www.shikoto.com/articles/170370.html
一直唔想寫穿越，有時見到啲穿越文甚至想爆粗；原因有幾個，穿越文好難合邏輯，我智商下唔到線睇完會嘔；係又穿唔係又穿，穿到好似去shopping咁；穿越文為穿而穿，個故其實唔需要穿越；有幾多穿到爛尾大家心照。
但，竟然俾我搵到一篇穿得好嘅貼地純愛，我估七成係女仔寫，因為呢手字都好難估。
開頭順暢，前段入味得幾好，中後係比較mix部份，過份矯情同沉溺，作者同讀者內心落差可以好大，平時由小朋友火星文睇到去學術期刊嘅我都要適應下，結尾係全文最淋漓盡致嘅部分（唔包尾章），我會畀到九分。
綜觀嚟講，重有好多提昇空間，尤其係字數資訊對比，文字鋪陣手法，故事埋藏潛質等；另外，語體文文筆優良，八分走唔甩，口語就差啲啲，只係值六分左右，但都好適合鍾意寫作嘅學生參考；最後我會打總分七點五左右，未必好高，但篇文只要有一部份好到極致，就非常值得睇。
我會唔會寫穿越？唔知呢…視乎我想唔想用腦。
至於我篇文？明早補足兩章，謝謝。





唔知點解，我好想試下同QQ喺學校炒大鑊，扮鬧架，唔知其他同學會點睇呢…但，返到屋企我應該有排受，呢啲低B遊戲玩唔過。
瘟：「我諗…你而家呢個距離都OK唔會畀人笑㗎喇，我見考試好多同學都係掟三四米左右。」
我：「咁你考試掟到幾遠呀？」
瘟：「欸…唔係太記得，呢個唔係重點嚟。」
鬥長，鬥遠，鬥硬…淨嘅拳頭，都係奧林匹克比賽嘅重點嚟，估計瘟神嘅身型唔會掟得遠過我。
我：「想問下，推鉛球可唔可以助跑㗎？」
Q：「噗哧。」聊博一哂，嘻嘻。
瘟：「你…諗住當係木球同標槍呀，拎住粒咁嘅嘢跑唔跑到㗎？」
我：「跑幾步都得嘅，應該會遠啲。」
瘟：「如果我無記錯…喺發射區入面嘅動作係無限制嘅，但個區域只係一個得兩米到嘅圓形，或者你可以跑兩步當助跑嘅，我見人都係側身彈嚟借力，又或者自轉一個圈先推出去。」




我：「嗯，如果中間可以插枝柱，再挷住我條腰，我就可以好似月亮圍住地球咁不停跑。」
唔好問我點解會講句咁嘅嘢，而家嘅我已經收斂咗，小學嗰陣我上堂可以不停無下限咁亂噏，直至引到其他同學笑為止。
Q：「好好笑呀，你係俾人綁住磨豆漿嗰隻驢咋。」
我：「即係咿喲？都幾可愛喎。」
佢隻豬叫豬仔，咿喲都係維尼啲朋友嚟。
Q：「可愛？！使唔使綁條紅蘿蔔喺你頭頂呀？」
我：「可以吖，喫…喫…」我扮望住頭頂枝紅蘿蔔嚟咬，女神要玩就陪佢玩到底。
瘟：「欸…我諗你已經知道咗要點樣推鉛球，不如我哋抬返張墊入去…攞個欄出嚟畀你試跳。」
就係咁，又係一輪體力勞動。
我：「咦，個欄好似咁矮嘅…」




我唔係自大笑個欄，只係我覺得呢個欄唔啱size。
瘟：「咪咁心急啦，有得較高低㗎，等我check check男乙要跳幾高先啦。」等咗陣就set好。
我：「就係呢個高度？」
瘟：「嗯，應該就難唔到你嘅身型。」
我：「好啦，咁就等我試試先，應該完全不成…」
瘟：「喂喂喂！唔係嗰邊跑過嚟呀！」
我：「有乜分別？有方向分㗎咩？有結界？」
對我嚟講，跳欄最重要嘅方向就係地鐵嘅付費範圍同非付費範圍，即係閘內同閘外，入係危險過出，唔係幾蚊雞畀唔起，只係嗰種刺激同勝利感呢…最正係東涌跳出去東薈城，搭足十幾個站。
瘟：「隻腳係單邊㗎，如果你呢邊跑過嚟，個欄就會戟實跌唔到落地。」
我：「但係我係跨欄喎，又唔係為咗整冧佢。」
Q：「聽人講嘢啦！仆街仔！」