我怎可能是女神👸🏻獵人🏹（第一季更新至斷更為止）: K

去到東薈城就十二點幾，就梗係去醫肚先啦，對我嚟講就係食早餐，我亦都聽QQ話順理成章拖咗細蚊去food court。呢度大商場，冷氣長開，環境清潔，係好好行嘅，就連food court都打理得整齊企理，座位唔會太迫，而且有好多檔嘢食選擇，中西泰日韓一應俱全。
講起food court其實我都係西九頂樓嘅常客嚟，係深水埗西九龍商場，唔好攪錯QQ舊居乜頂樓101 Ritz Carlton嗰啲…嗰度嘅雅典娜可以話由細陪到我大，雖然深水埗好多平嘢食，但凡親我每次有嘢要去買就會不自覺咁上咗去食，唔可以話好味，但就係有種呼喚我去嘅感覺。
當然SSP妹都係賣點嚟，連埋玻璃扶手電梯一齊…
我：「細蚊想食乜呀？」啱啱同佢兜完一個圈。
蚊：「嗯…我想試下馬來叻沙。」
我：「無問題，妳坐低先，等我攞嘢食返嚟。」
講起叻沙，我又諗起Wendy…重有佢嘅身體。
喺counter嗰度見到有塊牌仔寫住乜叉pay有coupon攞，食夠六十蚊就減六蚊，又唔錯喎，但個叻沙差幾蚊先夠六十，所以我諗咗好耐決定幫佢加多隻蛋。而我就嗌泰式濕炒河，又係差幾蚊，好艱難俾我研究到加八蚊有一碗菜仔；一個細碗，入面有七至八樖白菜仔，如果自己煮嘅話應該一蚊到兩蚊？是但啦…心理上好過咗嘅。
呢度嘢飲要另嗌，十幾蚊一杯，或者十蚊罐汽水，慳返，好在有帶水，最多食完先去超級市場買嘢飲。
我攞啲嘢食埋位，細蚊望到就已經好開心；對佢呢啲屋邨妹嚟講，有人陪，有人關心佢，請佢食下飯，行下商場就已經好幸福，點解我以前可以對佢咁差？而點解女神一嚟到我就可以扚起心肝照顧佢？唔通真係妳的樣子如何，妳的命運就必如何？我唔想再為呢個殘酷嘅世界抱薪救火。




蚊：「不如我哋同啲嘢食影幅合照先？」
我：「可以呀。」於是我坐埋去隔籬攞住電話自拍。
細蚊攬到我隻手實一實，雖然無乜波但都盡可能壓落我手臂度，旁人睇到就肯定認為我哋係一對；以前同佢一齊嗰陣都無乜影過相，除咗我抽插緊佢嗰陣…
我：「好唔好味呀？」
蚊：「好呀，好似咖喱湯麪咁，好香濃。」佢一路啜個蝦尾一路講，似乎好驚嘥咗啲肉喺個殼入面。
佢連埋啲芽菜夾起啲麪放入口， 跟住又飲一啖湯，表現得非常滿足…估計佢屋企人平時都係同佢落樓下食魚蛋粉或者乾炒牛河呢啲居多，邊會花心機喺食乜嘅問題上。