【代糖故系列】《她被寄宿到屋邨男孩的家中》: K231

上上下堂Vienna伸手去前面撫摸QQ啲頭髮，QQ由得佢，呢兩個女仔…唔會以前係Les㗎？
講完書Miss Tang帶住一副嘆息嘅面孔行咗埋嚟。
鄧：「咁Queenie，科長…拜託你哋好好照顧下新同學，帶佢行下學校，重有填form入資料嗰啲，交晒畀你哋喇。」好一個無責任艦長，都唔明做乜嗰陣要家訪我。
跟住嗰堂係無聊又唔計分嘅假通識堂，吹下水㞗噏下咁就到咗小息，然後我就要整理一大堆功課。
Y：「Queenie妳唔夠老友呀，竟然偷偷收埋個仙女friend都唔介紹畀我哋識？！」先出招嘅係世界女Yvonne，我諗嚟緊三年可以不停見識到佢哋嘅girls talk。
Q：「邊有收埋喎…坐我隔籬呢位係Yvonne。」
U：「真係，太靚女喇！忍唔住要望多幾眼，我第一次見到身邊有女仔著呢啲傳統旗袍…」對雄性無興趣嘅惡女一副要爭女咁嘅樣，虎視眈眈望住左女神。
V：「唔好抬舉我啦…妳哋全部都好靚女。」呢句所言非虛，本來前面四隻已威力驚人，而家再火上加油。
U：「我而家暫時係女班長，如果有乜嘢困難可以隨時搵我幫手㗎，例如俾啲變態騷擾嘅話，我唔會放過佢哋。」
我：「呀天王星姐姐，妳咁樣望住我係乜意思呀？！」




U：「乜意思？！話你唔配同女神坐呀！」
我：「啱呀，咁我同妳坐囉。」
U：「你咁講乜意思呀？！撩架打呀？」
Z：「哎吔，Uranus妳唔好嘈啦…Vienna妳好，我係Zilvia呀，好高興認識到妳…阿爽，如果你有需要嘅話我係可以同你調位㗎，嘻嘻。」佢望下Uranus又望住我。
我：「有乜需唔需要，呢啲嘢女班長話事囉。」
U：「我先唔要同佢坐呀，無福消受。」
V：「哈哈，好開心可以識到妳啲同學呀，Queenie！」
Q：「乜我啲同學喎…已經係妳嘅同學嚟喇。」
我：「妳哋慢慢謦，我疊齊晒啲功課攞落去先…」雖然我從來都知道佢哋謦欬從來都容不下我攝入去，就算我而家同QQYY關係咁樣佢兩隻都重係會對我針鋒相對。
Q：「傻咗呀？你分好咗之後都未點。」




我：「點？點點呀？」我講緊乜呀？
Y：「點齊數呀，如果有人欠交咁點算呀？」
我：「欠交…頭先都無人話無做功課。」
Q：「玩咩，如果欠交功課下下靠人自首就死得啦。」
U：「不如話靠佢收功課就真係死得…」
我：「咁如果我唔點，位同學慳返份功課咪賺咗？」
Q：「點會唔點，Miss Tang一陣實問你齊唔齊嘅。」
我：「如果我話齊，咁欠交位同學應該請我lunch啦。」
Y：「好多功課要登分㗎！到時先生實捉埋你去鬧。」