【代糖故系列】《她被寄宿到屋邨男孩的家中》: K232

我：「咁點囉，都係數啫…」但有成五樣咁大把。
V：「不如你畀其中一疊我幫手數？」太好喇，係真女神嚟，簡直就係QQ嘅面孔配Zilvia嘅心地。
Q：「整多份嚟嘞，如果唔係你放學都未搞得掂…」
次次呢啲情況就會唔知YY喺度諗乜，而Zilvia就會傻笑。
有啲細藝做下，班女仔即刻靜返啲，而呢個時候亦都有兩個不速之客行咗埋嚟。
慕：「Vienna妳好，小姓慕容，咁啱中文名個initial就係Myth，所以就變埋做英文名，我係呢班嘅男班長，如果有乜需要都可以隨時出聲，就請以後多多指教。」
U：「客氣喇，男班長，女仔嘅affairs從來都係女班長呢個department負責㗎啦。」
慕：「明嘅明嘅，但如果有乜幫到手我係好樂意效勞。」
易：「我係Myth嘅好兄弟，叫我Louis就得。」好廢嘅自介，就好似我話自己係QQ隻兵，YY條狗一樣。
我：「天行哥哥男班長，你欠交呀。」我揸住疊簿講。




慕：「喂！做乜咁嗌我？！」就等我無賴下你。
我：「個個都嗌你Myth哥㗎啦，你又高過我，咁嗌你哥哥都好正常啫。」
慕：「你唔好嘔心…同埋我從來都唔會欠交功課，係咪你自己數漏咗咋？」佢質疑咁望住我，Louis眼神重難睇。
我：「邊係話你欠交功課呢，又係你琴日參見女神嗰陣話要有見面禮，而家四個女神變咗做五個，我盤花差緊朵，所以要勞煩你一下，相信你好樂意效勞嘅。」
左女神當然唔知我哋講緊乜一面彷徨，QQ就無咁好氣。
易：「係咁嗌人做女神就成日煩住啲女仔，有無問過人哋鍾唔鍾意㗎，不過又啱嘅，對你呢啲凡人同煩人嚟講…」然後佢俾Myth耍手截停咗，果然係隻狗嚟。
我：「前面呢四個我唔知，呢個真係洛水之神嚟，如果唔係點會有名你叫。」
慕：「都啱嘅，齊齊整整先好，Vienna請妳等一陣，轉頭就為妳送上見面禮。」跟住就返返埋位。
V：「哎吔…你唔好咁講啦，超級唔好意思…」
Q：「呢條友係傻傻地，妳由得佢啦…」




Y：「好心妳就管下妳好朋友，煩死人就唔係幾好。」
Q：「唉，兩邊都係煩…快啲點簿好過啦。」
我：「咦，工作紙爭緊張…我應該點算好？」
Q：「咁就梗係快啲搵下邊個未交然後過去問佢啦。」
我：「但係啱啱開學，我未識得晒啲同學喎，我點數得出邊個未交，成三十幾張咁多…」