【代糖故系列】《她被寄宿到屋邨男孩的家中》: K306

食完嘢我哋就周圍行下，而家嘅佢當然唔可以瘋狂出入名店，今日俾佢去到間謝瑞麟已經好開心，所以我哋就去咗log-on睇下啲無謂嘢，玩具文具嗰啲咁。
Q：「哎吔，係豬呀！」一隻黑色嘅塑膠豬，一啲都唔可愛，但偏偏就可以吸引到啲港女嘅眼球，真奇怪。
我：「咦，重識講嘢嘅添！」中間空心用力一㩒落去…
「唂唂唂。」「唂…唂。」「唂！唂！唂？」
只要用唔同力度同控制豬嘴嘅闊度就可以發出唔同音調嘅豬叫聲，都係啲物理嘢嚟，但我唔識解釋。
Q：「唔知兩隻豬仔喺度講緊乜呢？」
我：「唂唂，我要食咗你隻豬！」一路㩒一路講。
Q：「呀…我隻豬無咗㗎喇，唂。」佢答返我。
我：「點會無咗，明明咁大隻豬喺度，上呀！」
Q：「唔好攪我呀，咪食我隻豬呀。」




我：「重扮嘢，正一曳豬嚟嘅，快啲俾我驗明正身！」
Q：「哎吔，豬仔唔係面對面㗎，係喺後面上㗎。」
我：「係咪即係咁樣？後面上咪變咗狗仔式囉。」
Q：「係豬仔式至啱…」
結果我哋攞住兩隻膠豬幫佢哋扮交配，戳下戳下咁。
Q：「呀…嗯啊…啊呀…舒服呀…」佢扮豬仔呻吟。
我：「唔得喇…豬仔忍唔住…要射晒入去生豬仔…」
Q：「喔…嗯啊…」明明玩緊玩具，但QQ塊面紅晒。
係呀，就連喺我面前DIY都無咁紅，唔知點解會咁。
我放低隻豬攬實咗佢，跟手嘴埋上去，雖然間鋪入面重有好多人，但我哋都唔理得咁多而佢亦都箍返實我。我感受到佢嘅心跳，鼻孔噴出嚟嘅熱氣打落我塊面度…我下面硬硬地但呢個唔係重點嚟。平時屋企日日對住乜都玩一餐，就連發洩完…高潮個樣都會俾對方見到，所以更加知道…而家係唔同嘅，呢種係心動嘅感覺，係真愛。




我當然知道QQ係有啲愛我，只係唔知道…有幾多。
過咗三十零秒我哋分返開，QQ重係面紅耳赤，頸上面有啲紅點，我都唔知撻著咗佢邊一忽令佢咁有feel。
我信女仔係講feel，唔係剩睇樣或者利益，因為我親身感受到…當然男仔都係嘅，唔係話靚女就一定有feel，正如前幾日幽蘭黐埋嚟嘅感覺係絕對比唔上而家，甚或之前同返細蚊交好其實都好有feel，好難解釋。
Q：「我哋…落去睇下…有特價嘢食未咯？」
我：「嗯，行啦。」我拖起佢手就行去扶手電梯。
落到去我爹地重叫佢做西田嘅新鴻基百貨公司一田，QQ就已經雙眼發光，佢話過佢喺日本都鍾意行大型超市。
Q：「藤原製麺…半價十二蚊包，可以呀可？」
我：「攞幾包囉…」又係啲望落似即食麪嘅靚麪，比起拉王重要貴多一倍，但我真係好愛妳。
Q：「你識唔識煮金邊粉㗎？」又唔一定係貴嘢嘅。
我：「同米線差唔多啫，係怕黐底，同埋要過冷河。」




Q：「我想食冬陰功雲吞金邊粉。」
我：「可以嘅，咁我哋去買冬陰功醬啦。」
粉就平呀，一大包十蚊，而包醬夠用兩次已經十五蚊…
Q：「好嘢，壽司有半價，感謝新鴻基開倉濟世。」
九月係淡季加埋星期一，壽司櫃剩返好多pack，可能因為咁就有半價，QQ即刻攞咗一包十二件雜錦同一包鰻魚，而我就梗係去攞QQ嘅死敵，特價雙餸飯啦…
雖然沙田呢度係安全好多，但已經唔再重要。
加多包豬仔骨，返到屋企又係非常豐盛嘅一餐。
其實我哋嘅生活已經同兩公婆無乜分別，而當中又一定係有愛喺度，只不過誠如妳所講，妳係咪真係捨得成世過呢種生活？我知妳係有得揀，而我就真係唔知黑仔咗幾多世先可以換到同妳一齊生活嘅機會。每個人都想過優質嘅生活，我睇唔到自己有名成利就飛黃騰達嘅機會，就算要高薪厚職都可能係一種奢求嚟，妳同我一齊要過得好就好可能要靠自己…如果係我又會點揀呢？假如幽蘭要我入贅佢屋企從此可以過榮華富貴嘅生活…
唔得，我唔可以拋棄QQ，除非妳用一大筆錢喺QQ手中收購我返去，確保佢以後可以生活舒適…
我都係唔好太多無謂幻想，望住QQ食啲我無乜興趣嘅魚生壽司對我嚟講就係最幸福嘅事，雙餸飯好味。