【代糖故系列】《她被寄宿到屋邨男孩的家中》: K400

自己有鍾意嘅男仔又唔去追，走嚟玩我到底為乜？
V：「如果我係咁黐住你，你就玩完㗎喇。」
幽蘭癲起上嚟…我知佢做得出，所以嚇到我唔敢出聲。
U：「但咁樣…會唔會大犧牲咗啲？」
V：「無乜所謂嘅，我覺得佢都幾好玩。」
我：「我唔係玩具嚟㗎，同埋…有乜咁好玩…」
V：「淨係會同女仔打架然後又輸咗已經夠晒好玩。」
我：「咁係因為…對手都唔係正常嘅女仔嚟。」
呢個時候Zilvia返到嚟，望咗我哋幾眼，佢兩個亦都回復正常…我知妳哋青春期，都知妳哋A0，對異性好有興趣，但係我只想同QQ平平安安咁喺度讀書，恕我無精力日日陪妳哋幾個癲。
有咗張健身卡之後我嘅生活就變得更加忙碌，星期五我放學自己一個去玩到六點幾先返屋企，諗落其實同以前流連中心打乒乓波差唔多，只不過地方唔同咗呢度有姐姐昅；而星期六晏晝QQ就陪我去一齊玩，玩到夜晚就一齊食飯再行下街，然後佢送我去返工，一切睇落係幾咁美好。




直到星期日朝早有個擾人清夢嘅電話打嚟。
健：「阿爽…你…得唔得閒？」
我：「瞓緊覺…呼嚕…」
健：「九點幾喇…起身啦…好唔好？」
我：「唔好，我鍾意瞓覺…」
健：「我有嘢要你救命呀，可唔可以落嚟？」
我：「搵你個姐姐…呼呼…」
健：「佢…block咗我…」
我：「幾好…呼嚕。」然後我又失去咗意識。
健：「喂？人呢？有無人？喂…喂？」




點鬼知過咗一分鐘部電話又響過…唔知大家有無試過，平時重要嘢例如較鬧鐘返學你係會醒到嘅，但當你個鬧鐘係為咗啲無謂嘢嗰陣就經常都會聽唔到，例如放假諗住早起身睇卡通片，或者app game清體力，你個腦自然就會適應咗啲鬧鐘聲將佢變成發夢嘅BGM。
Q：「好嘈呀！死人頭！邊鬼個打嚟呀？」QQ一喝之下我又有返意識，然後迅速㩒一下靜音…咪係囉，星期日朝早失驚無神打畀人真係好缺德，正常啲安信兄弟，AEON姐姐，電訊哥仔，就連駐KK園入境處同中聯辦都要放假啦，呢條有嘢扑嘅打靶仔到底做乜鬼？
我：「係妳個好下屬打嚟，係咪妳拖糧呀？」
Q：「黐線，佢呢兩個禮拜都唔得閒，拖乜鬼。」
見部電話震極都唔收線，我好心之下又㩒返接聽…
我：「你係咪M到呀…打嚟做乜…」
健：「落嚟謦下得唔得呀，阿Yan佢好似嬲咗我…」
係喎，佢頭先話佢條女乜嘢話？唔係同佢扑咩？
我：「實係你太快射，試下性幻想住雅如嚟同佢攪…」
健：「認真呀，而家問題有啲嚴重。」




我：「咁咪諗辦法囉，我應該無嘢可以幫到你。」