【代糖故系列】《她被寄宿到屋邨男孩的家中》: K446

欣姐亦捧住一碟雜扒燴意粉返嚟，呢個女人真係唔係食齋㗎喎；望住兩個咁有氣勢嘅女性準備講數，小弟又…邊敢出聲吖，我係嚟湊人頭兼體驗下大學飯堂㗎咋。
Q：「阿欣，唔介意問下妳其實想玩乜吖嘛？」
欣：「無想玩乜，因為已經玩完。」
Q：「咁之前呢，做乜要同佢…開始？」
欣：「開始啲乜？睇你兩個個款唔應該會咁問我㗎喎。」
Q：「哦，妳要玩仔其實好多選擇吖，剩係大學入面已經大把有得妳揀。」
欣：「唓，嗰啲都唔知係我玩佢定佢哋玩我。」
Q：「咁都係玩啫，有乜必要傷害一個A0嘅中學生？」
欣：「好笑，點傷害？我無令佢物理上有損傷，我無使過佢一分錢咁滯，我亦都無呃過佢，為咗令大家精神上好過，我主動消失就算。」
Q：「妳明知係諗住玩，點解要攪亂個咁純嘅男仔嘅人生？」




欣：「佢自己送上門嘅，我唔趕走佢當我錯囉好未？」
Q：「妳唔係諗住講因為想食處男所以同佢玩呀？」
欣：「哈，俾妳發現咗，我都開始大個，身邊已經無乜正常嘅處男，唔想因為未試過而後悔。」
Q：「點解妳可以咁？妳都係女仔嚟，應該知道俾人玩同俾人呃嘅感受…無一個女仔想被玩弄感情。」
欣：「係呀，我就係知呀！我俾人呃咗隻豬嗰陣你哋會唔會嚟安慰我呀？我俾人中出即飛連肉金都無得收返呀，個個男人話會照顧我，除咗識所謂嘅照顧我下體之外重識做啲乜？你哋係咪都食過處男處女喇？我貪得意想試一次啫，使唔使講到我十惡不赦咁，咁憎我重搵我嚟做乜啫，個天會收我㗎啦，唔好唔記得佢係男人嚟無處男膜㗎，當乜都無發生過同下條女講自己係處咪得囉。」
Q：「對唔住…我唔知妳嘅經歷，但係如果妳知道面對呢啲嘢係幾咁傷心同絕望，可唔可以對健仔好啲。」
欣：「頂，佢個死人鹹濕樣咪又係一味想扑嘢咁，咁認真做咩啫，過一排就會好㗎啦，無話要跳樓呀？」
Q：「係會好返，但會有傷痕㗎，可能對日後產生不良影響，妳都係受過傷害而家先會咁啫，係咪？」
欣：「唔知呀，妳咁多大道理又有無試過俾人中出即飛呀？做乜要對啲無關痛癢嘅男仔咁大愛？」
Q：「我諗…我應該喺遭遇不幸之前好好彩走甩咗。」




欣：「我無妳咁醒囉好未？細個嗰陣剩係識送上門，以為男仔得到咗我個身體就會愛我，原來無乜關係，九成仔都係想食得就食，最好唔使本咁食，食到厭就換新嘅，請問我講得啱唔啱呢，呀吓？」欣姐望住我。